Chapter 97

"It's Sandoval…," wala ng nagawa si Luca kundi ang sabihin kay Carnation.

"What?" Hindi alam ni Carnation kung matatawa siya dahil hindi niya inaasahan na ang matandang hukluban na iyon ang kalaban, pero hindi rin naman siya nagulat. "So, damay talaga ako sa laban na ito?"

"No. Ako ang gusto niyang mawala sa mundo, at hindi ikaw."

Umikot ang mata niya sa ere dahil sa sinabi ng binata. "Pwede ba, hindi ako tanga. Pareho natin alam kung bakit ka gustong ipapatay ng matandang iyon, at dahil iyon sa akin. Dapat pala nilakasan ko ang paghampas ng bote sa ulo ng animal na iyon." Tumawa ang ilang sa mga kasama nila, nilingon niya ang mga iyon at nahagip ng tingin niya ang babaeng nakaupo sa tabi ni Gregory.

"Siya…" Tinuro niya ang fiancée ng lalaking kaharap. "Anong kinalaman ng babaeng 'yan dito?" Nataranta na inayos ni Armadyl ang pagkakaupo. Para itong kawawang tuta na nakatingin sa isang mabangis na lobo, at siya ang lobo na iyon. Nabahag yata ang buntot