Chapter 17. Identity revealed.

Kinabukasan ay kumalat na sa buong unibersidad ang tungkol sa nangyari kagabi. Pagpasok pa lamang ni Selena ay kabi-kabila na ang naririnig niyang gossips na kesyo may burglar ang nakapasok kagabi at siyang nanakit sa isang estudyante rito. Wala pang nakakaalam kung sino ang biktima pero marami na ang lumabas na haka-haka. May nagsabi rin na hindi na sila safe sa islang ito. Ang iba naman ay parang nag-excite pa dahil ngayon lang may nangyaring insedenteng ganito. May narinig pa siya na gusto nilang pumunta sa falls at nagbabakasakaling may makita silang intruder.

At habang naglalakad siya at naririnig ang mga ito at ginigisa na niya sa kanyang utak ang pinsan niyang si Arjoe. Kung hindi dahil sa kaistupiduhan na kilos nito ay hindi magkakaroon ng ganitong gossips ang buong isla. At ano ba kasi ang ginagawa ni Miles sa labas gayong gabi na? Sila ba ang sinusundan nito at ang akala nito ay naroon sila sa falls?

Mariing naglapat ang kanyang labi at sa halip na dumeretso sa Dahlia buildi