Chapter 36. Assassinated!

Nanunuuot hanggang buto ang lamig nang lumabas ng bahay sina Elmhurst. Kahit nakasuot siya ng wool sweater at pinatungan niya ng winter jacket ay namamanhid pa rin ang katawan niya sa lamig. Kahit ang kaniyang pisngi ay masakit na rin. At kapag bumubuga siya ng hangin sa bibig ay animo naninigarilyo siya dahil parang umuusok ito. Pero ang tatlong kasama niya ay animo walang pakialam sa lamig at tanging sweater at pants lang ang suot nila. Ni hindi pa sila nanginginig at nagtatawanan pa habang pababa sila papunta sa campus. Ang faculty building kasi ay may helipad din sa rooftop at kanina pa naghihintay ang chopper sa kanila.

Hindi niya napigilan ang mapamura nang biglang humangin ng malakas. Nang makita ni Selena na nangangatog siya sa lamig ay nagsuhestyon sila na mag-jogging sila na agad sumang-ayunan niya. Kaya naman bahagyang uminit ang pakiramdam niya nang nasa kalagitnaan sila ng daan. Hanggang sa sapitin nila ang faculty ay may namumuo na ring pawis sa noo niya. Agad silang suma