CHAPTER SIXTEEN

CALISTA

"I will surely miss this place."

Napatingin ako kay Dayne na kasalukuyang nagmamaneho. Katulad niya ay mami-miss ko rin dito sa Alta Vieza.

"Pwede naman tayong bumalik dito, Dayne, eh," saad ko at binalik ang tingin sa labas ng bintana.

Napabuntonghininga ako. Masyadong mabigat sa loob na iwanang muli ang Alta Vieza. Kahit pa masyadong mahirap sa lugar na 'to ay narito pa rin ang puso ko. Kung papipiliin man ako, dito ko pa rin gustong manirahan. Kaso, hindi pa natatapos ang misyon ko bilang isang substitute wife ni Dayne. Isa pa, hindi ko pa rin nahahanap ang kasagutan sa lahat ng tanong ko. Kung ano nga ba ang totoo kong pagkatao.

Isa pang nagpapagulo sa isipan ko ay ang pag-alis ko sa lugar na ito nang hindi nakakausap si Nate at Madge. Masakit para sa akin na masaktan si Nate. Hindi ko alam o wala man akong ideya na may nararamdaman pala siya