Chapter 15

PAAKYAT na ng hagdan si Elise nang salubungin siya ni Terrence.

“Oh, you’re here,” sabi nito, nakangiti.

Hindi nga siya nag-hallucinate dahil totoong naroon si Terrence. Pinagpawisan siya nang malamig at hindi matingnan sa mga mata ang binata.

“Kuwan, naglinis lang ako sa loob,” alibi niya.

Sinuyod siya ng tingin ni Terrence. “Really?” nakangising untag nito.

Napilitan siyang tumitig sa mukha nito. “O-Oo. Natapos na kasi akong maglinis sa lobby at kusina kaya naisip kong linisin na rin ang underground mo.”

“Thanks, pero hindi mo na dapat ginawa. You must be tired. We can do general cleaning every Sunday naman.”

“Ayos lang. Gusto ko rin kasing pagpawisan.”

Naglaro ang paningin nito sa kaniyang leeg at dibdib. “Mukhang pinagpawisan ka na nga,” anito.

Napalunok siya. “Ah, kanina pa ako pawisan kakalinis.”

“Hm. You look good. Pero may mini gym naman ako rito. Puwede kang mag-workout anytime. Naka-lock lang ‘yon kasi matagal na di ko nagamit. Or maybe you want something activities to make