CHAPTER 2- DEAL

TININGNAN ng maigi ni Hillary ang mga mata ni Mr. Joaquin at ikinaway ang kanyang mga kamay sa harapan para malaman kung may deperensya ba ito sa mata.

Natawa bigla si Mr. Joaquin sa kanyang ikinilos, sinenyasan din siya nitong umayos ng pagkakaupo. "I'm not blind, dear. I can see you clearly." Aniya.

"But sir? I look different from the picture. You should be disappointed at me" Gusto pa ni Hillary na hikayatin itong i-reject siya.

Napatingin din si Hillary sa mga magulang niyang hindi makapagsalita dahil iba rin ang kanilang inaasahan na mangyayari pero mayroong tuwa sa kanilang puso na tinanggap ang kanilang anak ni Mr. Joaquin na walang masamang sinabi. Maliban lang kay Lorraine Gavinski na makikita sa reaksyon ng mukha na hindi niya gusto si Hillary.

"Mr. Joaquin, are you serious with this? B-baka po kasi magkamali kayo ng desisyon?" Tanong ni Harold, gusto niyang klaruhin nito ang kanyang desisyon.

"Yes, I am serious with this. Ang anak mo ang pinipili ko na maging bride ng aking anak. And I'm going to set the wedding tomorrow morning. Is that okay Hillary?" Ngumisi ng malapad si Mr. Joaquin habang nakatingin ng deretso kay Hillary na namumutla na.

Sa mga oras na ito, maraming pumasok na mga bagay sa isipan ni Hillary, karamihan sa mga ito ay mga bagay na kanyang kinakatakot na mangyari, isa na rito ay malagay sa alanganin ang buhay ng kanilang pamilya.

Kung tatanggihan niya ang kasal, tiyak na mapapahiya sila sa publiko kapag ginawa niya iyon, baka mas lalong malugmok ang kanilang negosyo. Ang tanging magagawa niya nalang sa ngayon ay pumayag para wala ng problema. Inisip niya nalang ang kapakanan ng kanilang negosyo. Kailangan nila ng tulong at makukuha nila iyon mula sa pamilya Gavinski.

Nang mapabalik sa reyalidad si Hillary, napalunok siya ng laway bago sumagot. "Y-yes po. P-pumapayag po ako." Nauutal niya pang sagot.

Imbes na matuwa ang kanyang mga magulang sa kanyang sagot, nagkaroon ng kalituhan sa kanilang mga mukha lalo na ang kanyang ina.

"Anak? S-sigurado ka na ba talaga?" Nag-aalala siya na mapilitan itong ikasal sa taong hindi niya naman gusto.

"S-s'yempre naman Mommy, sino pa bang aayaw sa anak niyang si Hugo?"

Sa katunayan, dapat narito rin si Hugo ngayon para kilatasin ang kanyang magiging bride pero hindi na ito naglaan ng oras at mas inuna pa ang ibang bagay, wala kasi itong pakialam.

Ang pangangamba ni Lucille sa anak ay posibleng hindi maganda ang magiging trato ng kanyang mapapangasawa.

"Pero anak kung napipilitan ka lang we can cancel this engagement if you want." Sabi ni Harold.

Bilang ama ayaw ni Harold na maliitin ang kanyang pinakamamahal na babaeng anak. Naghahangad man siya na makakuha ng pondo para sa negosyo pero mas mabigat pa rin sa kanya ang kapakanan ng anak. Ipapakasal ito sa taong medyo matanda sa kanya ng anim na taon kaya normal na mag-alala siya sa kalagayan nito.

"Why are you worried Mr. Bermudez? This arranged marriage is crucial to save your crumbling business. Besides, your daughter is in good hands, my son is a good man." Mahinahong sabi ni Mr. Joaquin, kanina niya pa napapansin na hindi sila komportable tatlo.

"Umm...it's not like that Mr. Gavinski, gusto sana naming humingi ng kaunting oras para makapagdesisyon kami ng maayos. We want to make sure our daughter decide what she wants for herself hindi lang para sa amin." Tugon ni Harold.

“Sure, take your time.” Pahintulot ni Joaquin Gavinski.

Napabuntong-hininga si Hillary na sobrang nalilito na ngayon kung ano ba ang kanyang uunahin, ang kanya bang sarili o ang pamilya?

×××××

Matapos makipag-usap ng pamilya Bermudez sa mga Gavinski, nagpunta si Mr. Joaquin sa opisina ng anak para kausapin ito tungkol sa kanyang darating na kasal.

Makikita niya ang anak na nakaupo sa kanyang desk at sobrang tutok ito sa pagbabasa ng mga dokumento. Napaangat naman ito ng ulo nang marinig ang ingay ng sapatos ng kanyang ama na papalapit sa kanyang mesa.

"Hugo, tomorrow is your wedding day. You have to prepare." Seryosong sabi ni Joaquin.

Saglit na natigilan si Hugo sa pagbuklat ng folder at walang reaksyon ang kanyang mukha na tumingin sa ama na naupo sa harapan.

"I know you hate marriages but you can't run away from this. May nahanap na akong babae na magiging katapat mo." Aniya, napainom pa si Joaquin ng alak na nasa tabi. "And she's 21 years old, not bad, right?"

"This is not a good idea, Dad. Getting married is not in my plans! You really planned for me to marry a twenty year old? That's b*llsh*t!" Inis na sabi ni Hugo, sumakit ang kanyang ulo dahil sa mga pinanggagawa ng ama ng walang permiso mula sa kanya.

"Hugo, if you don't want to get married then expect that you won't inherit this company. You know you need to become a married man to be eligible to acquire all of our assets. Don't wait for your cousins to steal this company from us." Paliwanag ni Joaquin. Matagal niya na itong kinukumbinsi na magpakasal pero ayaw din nitong pumayag. ”Lastly, this is your mother's dream.”

Natahimik si Hugo na walang masabi, may punto ang ama niya dahil posibleng mawalan siya ng kapangyarihan sa kompanya kapag hindi pa siya kasal sa kanyang edad. Naalala niya rin ang pangarap ng kanyang yumaong ina na matagal ng namatay.

"Dad, I know, but I should be the one deciding, not you!" Reklamo ni Hugo.

"Hugo! I have the right to decide because I know what's the best for you." Dikta ni Joaquin at hindi niya gusto ang pananalita nito.

"Really, Dad? Eh, hindi mo nga ako tinatanong kung gusto ko ba o hindi? Ikaw lang naman ang laging nasusunod, it's all about your decisions, not mine!"

"I'm your father, Hugo. Hangga't buhay ako, masusunod ang mga utos ko. I'm doing this for your good, so listen. Tomorrow, you have to get married!"

Gustong matawa ni Hugo. "Hindi pa ako pumapayag, Dad. Don't dictate me what to do!" Pagmamatigas niya.

Napahampas naman si Joaquin sa mesa sa sobrang inis, "It's all set, bukas na bukas kailangan mong maghanda. You have to be there for your bride."

Bago umalis si Joaquin, mayroon siyang inilagay na folder sa mesa at naglalaman iyon ng impormasyon tungkol kay Hillary Bermudez.

Pag-alis ni Joaquin, kinuha niya ang folder at binuksan, unang bumungad sa kanya ay ang magandang larawan ng isang babae.

Hindi niya gustong maikasal sa kahit na sinong babae pero sa oras na nakita niya ang mukha ng babaeng kanyang papakasalan bukas, parang mayroong nagtulak sa kanya na ituloy ito.