Chapter 39

Parang alam na alam niya ang bawat sulok ng gusaling pinagdausan ng party.

Ayon sa ‘ming source, ang lugar ay personal na pag-aari ng pamilya Dela Fuerte, isang bilyonaryong pamilya. Nagkakaroon nang maraming pagdaraos dito dahil tumatanggap sila ng fee. Ilang beses na ring naganap ang mga party rito at talagang bigatin tuwing may kaganapan.

Hila-hila pa rin ako ng bampira.

Dinala niya ‘ko sa bahagi ng hardin kung saan mayroong matataas na mga puno at halaman. Base sa kilos niya, hindi ito ang unang beses na napunta siya rito.

“Anong ginagawa natin dito?” tanong ko.

“Huwag kang magsalita nang magsalita, gawin na natin dahil padating na ang boss,” aniya kasabay nang pagkabig sa ‘king balikat.

Malakas ang kanyang katawan. Nang mag-angat ako ng tingin ay saglit na nagpula ang mga mata niya. Ang pagiging mahilig niyang umamoy at bumuntong-hininga ay gawain ng mga bampira sa kanilang bagong kakilala na gu