Chapter 42

“Maayos ka lang ba?”

Ilang ulit na ‘yong itinatanong sa ‘kin ni Arisa.

Magulo pa rin ang aming silid. Pinakiusapan ko muna siyang ‘wag munang ipagsabi ang nangyari.

Mula sa pagkakaupo ay marahan akong nahiga sa ‘king kama. Nag-aalala ang hitsura ni Arisa.

“May nangyari ba sa ‘yo? Nasaktan ka ba?” ulit niya.

“Wala, may gumugulo lang sa ‘kin ngayon,” mahinang sagot ko.

“Kailangan ko pa ring iparating ang nangyari sa silid natin—“

“Naiintindihan ko.”

“Nakita mo ba ang gumawa nito? Sa tingin mo ba ay bampira?”

“Hindi ko alam, hindi ko alam kung totoo rin ang nakita ko, naguguluhan ako.”

Hindi ko na siya pinansin.

Tinalikuran ko na siya at nagtalukbong.

Ang dibdib ko parang binibiyak. Alam kong baka halusinasyon lamang ang tungkol sa Young Master. Hindi ko pa rin talaga tanggap ang