Kabanata 28

Nakita ko naman ang biglang pagkatensyonado n'ya kaya alam ko na agad na may tinatago s'ya.

"Pinaiwan n'ya ako dito dahil alam n'yang pupunta ka dito sa office n'ya. Nasa meeting si Director kanina pero ngayon," sandali s'yang huminto upang tingnan ng kan'yang relos. "Pero ngayon kakatapos lang ng meeting n'ya." 

"Pakisabi na lang kay Director, babalik na lang ako dito kapag nakabalik na din s'ya," ngiti kong wika at maglalakad na sana palabas nang pigilan n'ya na naman ako. 

"Ah Doc, kasi kaya ka pinapapunta doon ni Director dahil after ng meeting n'yo hindi na s'ya babalik dito sa ospital, uuwi na po s'ya sa bahay n'ya," alanganin n'yang sabi, halata ko sa kaniya ang pagiging kabado dahil hindi ako pumapayag. Mukhang mapapagalitan s'ya sa sandaling hindi ako sumipot.&nbs