Chapter 43

KASALUKUYANG nasa labas ng bahay ng mga Del Mundo si Bastie at matiyagang naghihintay mula sa kanyang sasakyan. Nagbabakasakali na sumilip si Ice mula sa veranda sa itaas okaya naman ay ma-isipan nito na lumabas o pumunta ng boutique nito. 

Ito ang ikatlong araw ng kanyang paghihintay. Umuuwi lang siya tuwing hatinggabi upang maligo at matulog sandali at pagkatapos ay muling bumabalik sa labas ng bahay nila Ice. 

Araw araw din siyang may dalang bulaklak at ipina-pasuyo sa mga kasambahay nila Ice. Madalas siyang yayain sa loob ng bahay ng mga kasambahay o ng mga magulang ng dalaga ngunit magalang siyang tumatanggi.

Mas gusto niyang maghintay sa labas, upang sa ganoon ay may isa pa siyang pag-asa na makita ang dalaga. Ang veranda sa silid nito. Nagbabakasakali siya na dudungaw ito roon kagaya ng dati. <