Chapter 5

Adriel: [ Guys! Let’s get together. I’d like to introduce my girlfriend to everyone.]

At nag - post ito ng picture sa group chat. Dumaan ang ilang segundo ay walang nangahas na magsalita. Direkta nitong ti - nag ang lahat na miyembro ng group chat. Pati na rin siya.

Adriel: [Is my girlfriend pretty? Come on, guys! Say a word.]

Then the messages from other people started to pop up. Sunud - sunod iyon hanggang sa nabingi na si Sereia sa ugong ng notification. Siya naman ay hindi makahuma. Pilit pa rin niyang pinuproseso ang anunsiyo nito.

Nang bumalik ang kanyang diwa ay pumalo na sa 99+ ang chat. Hindi na niya iyon binasa at ang mata niya ay nakatuon na sa litrato na naka - blurd pa dahil hindi niya pa ito tinap.

She clicked on the photo. When she saw a young girl wearing a beautiful blue dress, a flash of familiarity hits her head.

Kilala niya ang girlfriend nito. Sino nga naman ang hindi. Sikat at maugong ang pangalan nito sa campus dahil marami ang humahanga rito. Freshman pa ito sa kursong Bachelor of Performing Arts.

Nagsimula itong sumikat nang sumayaw ito sa Introduction ng Scholl Festival nila. Napakagaling nitong sumayaw. Parang wala itong buto sa katawan dahil sa lambot ng katawan nito. She’s like a living ballerina doll. Napaka - graceful pa nito kung sumayaw at damang - dama talaga nito ang bawat galaw kaya nahatak nito ang puso ng karamihan. Na - nominate ito sa isang beauty contest at nanalo ito bilang ‘Most Beautiful Innocent School Girl of The Year.’

Nangalumihan siya. Napatitig siya sa magandang mukha nito. Maganda nga ang dalaga pero hindi niya inaasahan na ito ang magiging girlfriend ni Adriel. Certified playboy pa naman ito ng campus nila.

Mag - eexit na sana siya nang mabasa niya ang kanyang pangalan sa group chat. Natigilan siya.

[Hindi ba kasali rin si Sereia sa gc na ito? Paano kung nakita niya ito? I wonder if she will go if she finds out.]

Mayamaya pa ay may nag - send na naman ng panibagong chat.

[Hindi naman siguro. Hindi ba nag - away sila ni Adriel?]

…

[Ano? Pustahan na lang? Akin, pupunta siya tapos sa’yo hindi?]

[Ge!]

Kahit gaano siya kawalang hiya, hindi naman siya papayag na maging kerida ni Adriel. Lalo na at alam na niya na may girlfriend na ito.

Dala ng inis, nag - chat siya sa gc. Tumaas pa ang kanyang kilay nang mabasa niya kung sino ang naunang makipag - pustahan.

[Drake, don’t worry. Hindi ako kabit.]

Pagkatapos niyon, natahimik na naman ang buong miyembro. Hindi nila inaasahan na gaganti siya sa mga tsismis.

Mayamaya pa ay nakita niyang nagsulat ng mensahe si Adriel.

…

Adriel metioned @Sereia Lilou Rebeiro

[Sereia, since nandito ka rin naman. Gusto ko lang itong linawin para matahimik ka na rin. Iba siya sa mga babaeng nakasalamuha ko. I like her very much. I don’t want her to misundertand our relationship. You’re just a friend.]

…

[Sa loob ng ilang taon, hinayaan kita sa gusto mo. Palagi mo akong ginagambala at okay lang sa akin noong una pero sumusobra ka na, Sereia. Nakakairita na. Nakakainis na iyong parati kang sumusunod sa akin. Hindi ka ba napapagod?]

Napatungo si Raine. Matapos niyang basahin ang chat ni Adreil ay naibagsak niya ang kanyang cellphone.

Ginagambala?

Mahirap man paniwalaan pero naiinis na rin si Sereia sa inaasal niya. Hindi naman siya ganito rati, pero may magagawa ba siya? Hirap na nga siyang kontrolin ang kanyang sarili, paano pa kaya ang ibang tao?

Pakiramdam niya ay napaka- boring ng mundo dahil parati siyang mag - isa. May mga magulang nga siya pero parati naman itong abala at walang oras. Nakakapagod na maghanap ng libangan para lang patapusin ang araw. Nakakaumay.

Pagkatapos ng tatlong taon, akala niya ay tuluyan na niyang makakalimutan ang paninigarilyo. Ngayon na samu’t - sari na ang kanyang stress ay mukhang mapapabalik siya sa kanyang bisyo.

Dinampot niya ang cellphone at mabilis na nag - reply.

@Adriel Latimer

…

[Pasensiya na sa inasal ko. Huwag kang mag - alala, hindi na mauulit.]

…

[I wish you all the best.]

Pagkatapos niyon ay hinanap niya ang leave button at pinindot ito.

Sereia Lilou Rebeiro left the group

(At a night party)

Napatitig si Adriel sa kanyang cellphone nang mabasa niya ang chat ni Sereia. Ano ang ibig nitong sabihin?

Nang may mag - pop up sa pinakababa ng group chat ay nabasa niyang umalis si Sereia. Kumunot ang kanyang noo. Malakas niyang binato ang kanyang cellphone sa la mesa dahilan upang masira ito at magkanda - lasog.

Si Helios na nakakita sa inasal ni Adriel habang pumapasok sa kwarto ay napatigil.

“Adriel, galit ka na naman?”

Marahas siyang napubuntonghininga. Kung pagbabasehan ang sinabi ni Helios ay mukhang hindi pa nito alam na umalis sa grupo si Sereia.

Napasabunot siya sa kanyang buhok. Napadaing siya ng malakas at sumandal sa sofa.

Napatingin sa paligid si Helios. Hinanap niya ang girlfriend nito pero bigo siyang makita ito.

“Nasaan ang girlfriend mo? Hindi ba sabi mo sa group chat ay ipakilala mo siya sa amin?”

Napabuntonghininga ulit si Adriel. “Nasa practice. Susundiin ko siya mamaya.”

Kumunot ang noo ni Helios. Mayamaya pa ay maang ito nakatitig kay Adriel. "Galit ka ba dahil late ang girlfriend mo?"

"Hindi."

Nagtaka si Helios. Umatras ang kanyang leeg. "Eh bakit?"

Pinalatak ni Adriel ang kanyang dila. "Hindi mo ba nabasa iyong bagong chat sa gc?"

Natigilan si Helios. Hindi na niya ito nabasa dahil nagmamadali siya na pumunta rito.

Hinugot niya ang kanyang cellphone sa bulsa at chineck ang gc. Dalawang mensahe lang ang nadagdag doon at galing lahat iyon kay Sereia.

Namilog ang mata ni Helios nang mabasa niya ang chat nito. "Adriel, ano ang ibig nitong sabihin?"