Chapter 34

Chapter 34

"Pwede ba kitang makausap?" 

"Oo naman, tungkol ba saan?" sagot ni Brandon kay Dylan.

Nakita kong huminga muna ng malalim si Dylan bago nagsalita, ako nama'y nagpatuloy sa paglalakad pa lapit sa kanila.

"Gusto ko munang humingi ng tawad para sa masamang asal ko kanina, at ganun din sa mga sinabi ko," sinserong pagkakasabi pa ni Dylan kay Brandon.

"Wala yun pre, kung makita ko din na inihatid ng ibang lalaki ang mahal ko, lalo na kung asawa ko pa siguradong magagalit din ako." 

"Yun nga ang isa pang gusto kong linawin."

"Dylan, pwede bang ako na ang magpaliwang sa kanya?" paghingi ko pa ng permiso sa kanya ng makarating ako sa kinatatayuan nila.

"Pero Ry ko, gusto kong tulungan ka," bakas sa mukha nya ang pag-aalala.

"Ok lang ako atsaka sakin naman nagsimula ang lahat ng ito, sorry talaga Dylan dahil nadamay ka pa," nakatingin ako ng deretso sa kanyang mga mata para ipakita na sobra akong nagsisi.