10 Toyang

SABADO NGAYON AT maagang natapos ang klase namin sa masteral ko tapos kaninang umaga naman ang schedule ko on-air kaya libreng-libre na ako sa hapon. Mama tagged me along with her, papa, and Tito Tonton sa mall. We shopped clothes and some items for him. Namili na rin kami ng groceries at mga paninda para sa tindahan saka mga rekados para sa karinderya.

“Kapag talaga nagawa na nina Alekhine iyong mall sa atin ay hindi na natin kailangan pang lumuwas dito sa siyudad para mamili. Sana talaga matapos na iyon,” paulit-ulit na wika ni mama habang nasa meat section kami ng grocery ng Gaisano Mall.

Masyadong mahal sa Rustans sa Ayala Mall kaya dito na lang kami dumiretso sa katapat na mall.

“Ilang buwan na lang naman, ma. Konting tiis na lang.”

Hindi ko maiwasang malungkot pagkatapos sabihin iyon. Ilang buwan na lang pala at aalis na si Alekhine sa apartment ni Aling Mercy at babalik na kami