Kabanata 4

Natauhan naman agad si Lily nang marinig ang tunog ng busina ng kotse. Dali-dali siyang tumayo nang maayos, tapos ay nagpasalamat sa lalaki.

“T-thank you,” Lily said, looking a bit flustered.

Sino ba namang hindi? Matangkad ang lalaking sumalo sa kanya. Maayos ang hairstyle na para bang ginamitan ng isang gel para lang ma-perfect ang pagka-slick nito. Halatang custom made ang suit na yumayakap sa manipis ngunit halatang matipunong katawan nito.

He exudes the air of a powerful man that clearly held a high position. Sa pagtayo pa lang nito’y naguumapaw na ang authority and confidence.

“No need to thank me,” sabi ng lalake, his voice deep and husky, and the way he pronounces the words were quite different yet pleasant to the ears.

Bago pa makasagot si Lily, may boses na nanggaling sa likuran nito.

“Excuse me ho, Mr. Silvestre, dumating na po ang kotse niyo. Kailangan na po natin umalis para hindi tayo ma-late sa flight niyo,” sambit ng isang lalaki na naka formal ding ayos pero iba sa suot ng lalakeng sumalo kay Lily.

Tinanguan na lamang ng lalake si Lily bilang pagbati bago umalis.

Matapos sumakay ng lalake sa Rolls-Royce nito ay agad ding bumaling ang assistant nito na siyang tumawag sa kanya.

“Mr. Silvestre, wala pa rin po kaming nakakalap na impormasyon tungkol sa mga descendants ni Doctor Lagdameo kaya hindi namin alam saan siya sisimulang hanapin. Itutuloy pa rin po ba namin ang paghahanap?”

“Yes. Ipagpatuloy niyo lang ang paghahanap at walang titigil hangga’t hindi natin siya nakikita. Siya lang ang kasalukuyang nakakaalam ng mga technique na galing kay Doctor Lagdameo na maaaring magpagaling sa sakit ng lola ko,” seryosong sambit ng lalake.

Tumango ang assistant nito. “Noted, sir.”

###

Nang makauwi si Lily, sinalubong siya ng nag-iisa nilang yaya na si ate Alice. Kinuha nito ang mga bitbit niya bago nagtanong. “Saan ho kayo galing, ma’am? Tumawag po si Sir Giovanni at nagtanong kung nakauwi na kayo e.”

“Ako na po bahala magsabi kay Gio na nakauwi na ako,” kalmadong sambit ni Lily. “Siya nga pala, ate. Aalis po kami ng kaibigan ko, mga ilang araw din po ‘yon. Pwede rin po kayong umuwi muna para magpahinga.”

“Pero uuwi na ngayong weekends si Sir Giovanni, ma’am. Bakit hindi niyo na lang po muna siya hintayin bago kayo umalis?”

Napakunot ang noo ni Alice. Naalala niya ang sinabi ng asawa nito na hindi naman palaalis si Lily. Mas gusto nitong magbasa ng mga libro o di kaya ay mag-research tungkol sa mga medicinal diet para sa pagbubuntis. Bakit parang may mali kay Lily ngayon?

‘Matawagan nga si sir para masabi ko na parang may mali sa asawa niya ngayon,’ isip-isip ni Alice.

After all, bago umalis si Sir Giovanni para sa business trip nito, kabilin-bilinan sa kanya na bantayan at alagaan mabuti si Lily. Ginagawa niya lang ang trabaho niya.

Lily’s eyes darkened a bit nang marinig ang sinabi ng yaya.

Si Alice ang pangwalong yaya nila. Ang mga nakalipas na yaya ay nasisante dahil kung hindi sila pasimpleng tamad o maangal sa trabaho, pasimple naman nilang nilalandi si Giovanni.

Bare minimum, pero Alice is better than them dahil hindi niya sinubukan gawin ang mga ‘yon.

But the common thing they all had was that they listen to Giovanni better than they do with Lily.

Na hindi naman masisi ni Lily dahil si Giovanni naman ang nagpapasahod sa kanila. Still, ang alam nilang lahat ay asawa siya nito, kaya dapat ay nakikinig din sila sa kanya at hindi ‘yung nagmamarunong pa sila.

Dahil dito, she turned serious and her tone came out more stern than she intended. “Aalis ako kung gusto ko. Kailangan ko pa ba hingin opinyon mo kapag may gusto akong gawin? Pack your things now at umuwi ka muna sa inyo. Hindi mo na kailangan magluto ng dinner.”

Labis ang gulat ni Alice sa sinabi ng asawa ng amo niya at sa tono nito. Kailanma’y hindi siya nito pinagsalitaan ni Lily sa ganong paraan, kaya mas dumoble ang pagtataka nito sa biglang pagbabago sa asal ng babae.

Pero higit pa doon, nakaramdam si Alice ng bahagyang inis at pagkairita rito. ‘A woman of low status, tapos wala pang trabaho. Ni hindi nga mabuntis matapos makapangasawa ng mayaman at successful na lalaki. Ang kapal naman ng mukha nito mag-attitude.’ Isip-isip ng yaya.

Hindi naman niya pwedeng sabihin nang malakas ‘yon kung ayaw niyang matanggal sa trabaho, kaya bahagya na lang siyang yumuko at tumango. “Opo, ma’am.”

Napaikot na lang ng mata si Lily bago umakyat sa kwarto nito.

Kung wala lang sa loob ng kwarto ang mga gamit ni Lily, hindi na sana siya papasok dito kailanman. Dahil puno ito ng mga alaala nilang mag-asawa sa limang taon nilang pagsasama.

Mga photo albums nilang dalawa sa lahat ng dates at travels nila, mga souvenirs na binibili nila, ceramic works na ginawa nila. Lahat ng ‘yon ay itinapon na lang.

Dahil sa ano, hindi niya magawang magkaanak? Hindi niya mabigyan ng tagapagmana si Giovanni? She gritted her teeth in fury at the thought.

Sunod na inayos nito ay ang mga jewelries at designer clothes na binili ni Giovanni sa kanya. Wala sana siyang balak dalhin ‘yon pero ayaw niya rin namang mapunta kay Charmaine ‘yon kaya ang balak ni Lily ay kuhanan ito ng picture para maibenta online. Sa ganon, madadagdagan pa ang funds niya sa oras na iwan niya si Giovanni.

Tinago niya rin ang mga libro at handwritten instructions ng lolo niya tungkol sa traditional medicine and medical technique.

Walang problema sa lilipatan niya. Bago sila ikasal, bumili siya ng apartment gamit ang iniwang pera ng lolo niya para sa kanya.

Kaya hindi siya nangamba kung saan siya titira ngayong napagdesisyunan niyang umalis sa pamamahay ni Giovanni.

Hindi niya hahayaang magmukha siyang kawawa at uto-uto pa, lalo na ngayong alam niya na ang totoo.

Hindi na siya magpapaka ignorante pa ulit.