Chapter 165

Draco

“Uncle, is it true?”

“Ano na naman ito, Samuel?” Naiinis kong tanong sa aking pamangkin habang hindi inaalis ang tingin sa mga papel na nasa mesa. Malinaw pa sa sikat ng araw, may kung ano na naman siyang nabalitaan tungkol kay Margaux.

Bumuntong-hininga ako, pilit pinipigilan ang sarili. Kung hindi ko lang nakikitang may potensyal siya sa negosyo, matagal ko na siyang pinaalis sa kumpanya.

Pero sa kabila ng kabataan at kakulitan niya, siya ang bukod-tanging may direksyon sa mga anak ng mga kapatid ko. Sa dami ng posibleng tagapagmana, siya lang ang may ulo at pusong sapat para humawak ng ganitong kalaking imperyo.

Sa isip ko, kung sakali mang tuluyan ko nang maaya si Margaux na tumira sa Germany, malamang siya ang iiwan kong magpapatuloy sa lahat ng maiiwan kong pinaghirapan.

Pero heto siya, nakaupo sa harap ko, tila may mabigat na tanong.

“I heard... nanganganib daw ang buhay ni Margaux,” aniya, seryoso ang tono.

Nabitawan ko ang hawak kong ballpen.

“Kanino mo naman narinig an