Chapter 12

"GOOD morning, Ma'am!"

Nangunot ang noo ko nang makita ang isang babaeng nurse sa harapan ko. Nasa ospital na ba ako ulit? Ibinalik ba ako ni Francisco?

"Dahan-dahan, Ma'am," sabi pa niya nang napabalikwas ako ng bangon. Inalalayan pa akong umupo at sumandal sa headboard.

"S-Sino ka? B-Bakit---?" Nilibot ko ang mga mata ko sa paligid. Nandoon pa rin ako sa kuwarto ni Francisco.

Nakangiting naglahad ng kamay ang babae. "Ako po si Nurse Jean. Kinuha ako ni Sir France para maging private nurse n'yo. I'm here to help and take good care of you until you're fully recovered, Ma'am. Ano nga palang itatawag ko sa inyo?"

"S-Sandy..." mahinang tugon ko. Ano namang pumasok sa kukote ng lalaking iyon at ikinuha pa ako ng nurse? Gusto niya ba akong gumaling agad para mapaalis na ako ora mismo?"

"Okay, Ma'am Sandy. Pinsan kayo ni Sir France, 'di ba?"

Napamulagat ako.

"Pinsan?"

Tumango ang babae. "Opo. Iyon ang sabi niya. Anyway, Ma'am, kain na muna kayo ng breakfast. Inom ng gamot and then iche-c