"ATE, bakit po pala bigla kayong nawala sa kasal nila Mrs. Eyna at Mr. Arnold kahapon? Hindi rin po namin kayo nakita sa reception?" usisa ni Ria kay Monica nang umagang pumasok ito sa flower shop.
Tahimik lang na gumagawa ng bouquet si Monica. Natigilan siya at muling naalala ang nangyari sa kasal na naging dahilan para hindi siya makatulog ng maayos nang nagdaang gabi. Bakit kasi sa dami ng taong pwedeng pumunta sa kasal na iyon, bakit si Jericho at Zymon pa? Hindi na dapat sila bumalik sa buhay niya dahil kinalimutan na niya ang mga ito.
Pilit siyang ngumiti kay Ria na abala naman sa pag-aayos ng mga bulaklak na nandoon. "Nahilo lang ako, na marahil dahil sa pagod," dahilan ni Monica dahil wala naman siyang balak na i-open kay Ria o kahit sa kung sinong tao ang tungkol kay Jericho at Zymon. Ang pamilya lang niya at ang kaibigang si Crystal ang nakakalam ng tungkol kay Jericho pero ang tungkol kay Zymon, tanging si Crystal lang ang nakakalam niyon.
Bumakas ang concern sa mukha ni Ria nang tumingin ito sa kaniya. "Dapat po sinabi niyo para nasamahan ko kayo pag-uwi," anito.
"No, it's ok, Ria," sambit niya. "Sige, ikaw na ang bahala rito, huh, I need to contact our supplier for some Flowers to deliver," paalam ni Monica matapos niyang magawa ang isang bouquet. Ngumiti siya sa dalaga bago ito iniwan doon.
Dumeretso si Monica sa opisina niya. Wala roon ang anak niyang si Princes Monica dahil iniwan niya ito sa katulong dahil maaga siyang umalis ng bahay.
Nasapo niya ang sentido. Muli niyang naalala ang tila slow motion na paglabas ni Jericho at ang pagtama ng mga paningin nila. Biglang bumalik ang lahat ng aalala nang nakaraan sa isip niya na hanggang ngayon may dala pa ring sakit. Pero hindi niya pwedeng ikailang, may pananabik pa rin siyang nararamdaman para sa binata.
Hindi pa iyon doon natapos, bumalik din sa isip niya ang mukha ni Zymon. Ang gwapong lalaking naka-one night stand niya ng gabing iyon na sigurado siyang ama ng anak niya pero wala siyang balak ipaalam iyon sa binata. Hindi rin naman siguro mahalaga sa binata kung nabuntis man siya nito o hindi.
Mayamaya pa'y napapitlag si Monica nang maramdaman niya ang pag-vibrate ng cellphone niya na nasa table. Tiningnan niya ito at nakita niya ang pangalan ni Crystal, ang kaibigan niya. Kumunot ang noo niya at saka kinuha ang cellphone para sagutin ang tawag.
College friends ni Monica si Crystal George pero hindi katulad niya, mayaman ito dahil sa maraming negosyong mayroon ang pamilya nito.
"Monic!" agad na bungad ni Crystal sa kaniya. "I'm on my way to Davao," balita pa nito. "Yes, you heard it right, Monic, papunta akong Davao para bisitahin ka." Halata ang excitement sa boses nito dahil sa pagsigaw nito sa kabilang linya. Napapikit pa nga siya at agad inilayo ang cellphone sa tainga dahil sa nakakabingi iyon.
Nagulat naman si Monica sa narinig mula sa kaibigan. Seryoso ba ito? "Seriously, Crystal? Bakit hindi mo naman ako in-inform na darating ka, nakapaghanda sana ako," sambit niya.
"It's a surprise at alam kong nasopresa kita," masaya pa ring sabi ng nasa kabilang linya. "Wait me there, Monic, I have a good news for you," sambit pa ni Crystal.
Kumunot ang noo ko. "Good news? Ano na naman iyan?" usisa ko.
"Just wait me there at malalaman mo rin. Bye!" Kasunod niyon ang pagpatay ng tawag mula sa kabilang linya.
Ibinaba ni Monica ang cellphone habang nakatingin doon. Kumunot pa ang noo niya habang iniisip ang sasabihin ni Crystal sa kaniya na good news raw. Napailing na lang siya at kapagkuwa'y, napangiti.
—
"YEAH! I'm on my way, Tita I'm just finding some flower shop here to buy flowers for Lola," sambit ni Zymon sa Tita Aunor niya na nasa kabilang linya habang nagmamaneho siya at palinga-linga sa paligid para maghanap ng flower shop na pwede niyang mabilhan ng bulaklak para ibigay sa Lola niya.
Dumating siya ng Davao para dumalo sa kasal ng isa sa kaibigan ni Zymon no'ng college na si Arnold kaya naisipan na rin niyang dumaan sa kaniyang Lola na nasa Davao at nakatira sa Tita Aunor niya.
Lumiko siya pakanan. "Ok, Zymon, ingat," sagot ng Tita Aunor niya, saka pinatay ang tawag. Binaba niya ang cellphone at nagpatuloy sa pagmamaneho. Sa gawing kanan, bumagsak ang mga mata ni Zymon at nabasa niya ang pangalan ng flower shop na naroon. 'Princess Flower shop'. Naagaw niyon ang atensyon niya dahil sa pangalan nito.
Glass wall iyon kaya naman kitang-kita mula sa labas ang maraming bulaklak na naka-display sa loob. Ngumiti si Zymon, saka inihinto ang sasakyan sa gilid ng kalsada. Bumaba siya ng sasakayan at napakunot ng noo dahil sa sikat ng araw. Pinaglaruan pa niya sa kamay ang susi ng sasakyan habang papalapit sa flower shop.
Hindi alam ni Zymon pero napangiti siya sa pangalan ng shop. Hindi rin niya maiwasang mamangha sa kakaibang disenyo niyon. Caramel ang kulay niyon sa labas at napaka-fresh ng ambiance na wari niya'y katulad ng mga bulaklak sa loob.
Nang makarating si Zymon sa pinto ng gusali, agad niyang binuksan iyon at pumasok sa loob ng flower shop. Sumalubong sa kaniya ang mabangong amoy ng sari-saring bulaklak at ang kakaibang ambiance ng lugar. Ang sarap pagmasdan ng mga bulakalak na tila ba nagbibigay ng happiness sa kaniya.
Marami ring customers sa loob na tumitingin ng maraming bulaklak na nakahilera sa loob. Hindi niya maiwasang mapangiti.
Nang malibot ng paningin niya ang lugar, dumeretso siya sa mga bouquet na malapit sa glass wall. Hindi niya maiwasang mamangha sa designs ng mga bouquet. Napaka-appealing ng mga iyon. Fresh flowers talaga ang ginamit at ang sarap sa mga mata.
"Sir, ano pong hanap ninyo?"
"Do you have a bouquet of pink rose flowers?" Lumingon si Zymon sa babaeng nagsalita at nang makilala niya ito, natigilan siya at napatitig sa dalaga, ganoon din ito sa kaniya na halos manlaki ang mga mata.
Nanliit ang mga mata ni Zymon habang sinusuri ang dalaga sa harap niya. Hindi siya pwedeng magkamali, kilala niya ito. Nagkita na sila ng dalaga nang nagdaang araw sa kasal ni Arnold. Siya ang babaeng naka-one night stand niya ilang taon na ang nakakaraan at hindi niya makakalimutan ang mukha ng babaeng ito dahil hindi siya lasing ng gabing iyon. Hindi rin nawala sa isip niya ang mukha nito na hanggang ngayo'y kilala pa rin niya.
Kapagkuwa'y, ngumiti si Zymon at bahagyang yumuko. "We've meet again, Miss," sambit niya. "Nakikilala mo ba ako?" tanong pa niya.
Bakas sa dalaga ang labis na kaba at gulat. Umiwas ito ng tingin sa kaniya at nakita niya ang paglunok nito.
"H-hindi," pakli ng dalaga na hindi makatingin sa kaniya. "A-ano po bang kailangan ninyo?"
"Don't act like you don't know me, Miss. Alam kong kilala mo ako," giit ni Zymon.
"S-sino po ba kayo? Kung may kailangan kayo, sabihin niyo para maibigay namin," patuloy nito.
Napangisi si Zymon at bahagyang kumiling dahil alam niyang nagsisinungalin ito na hindi siya nito kilala. Ni hindi nga ito makatingin sa mga mata niya.
"A night in a club. You were drunk and wasted that time. I thought you were broken with a man named Jericho—"
"Mommy, I'm hungry."
Natigilan si Zymon sa pagsasalita nang may batang lumapit sa dalaga na nasa harap niya. Sa tantiya ni Zymon, nasa edad tatlo hanggang apat na ang bata at hindi maikakaila ang taglay nitong kagandahan. Hindi alam ni Zymon pero may kakaiba siyang naramdaman sa babaeng bata. Tila ba nakilala na niya ito.
"K-kung wala ka ng kailangan...maiwan na kita," paalam ng dalaga.
Hindi nakaiwas sa mga mga mata ni Zymon ang kaba at pamumutla sa labi ng dalaga na nagmadaling umalis sa harap niya. Hindi niya alam pero may nararamdaman siyang kakaiba sa babaeng iyon. May anak na pala ito. Bigla siyang nakaramdam ng guilty dahil tila may pamilya na ang dalaga pero patuloy niyang ipinapaalala rito ang nakaraan.
"MONIC!"Nagulat na lang si Monica nang marinig niya ang sigaw na iyon mula sa isang babae. Hindi nga siya nagkamali nang humarap siya at nakita ang kaibigang si Crystal, bitbit ang maleta nito na kakapasok lang ng flower shop suot ang masayang ngiti. Ilang buwan rin kasi simula nang hindi sila nito nagkita dahil sa Manila ito nakatira at dumadalaw lang sa kaniya kapag gusto nito."Crystal?" gulat namang banggit niya sa pangalan nito, saka masayang ngumiti. Saglit silang nagkatinginan, saka tumakbo si Crystal palapit sa kaniya at mabilis siyang niyakap. "I miss you, Monic, I'm sorry ngayon lang ulit ako nakadalaw. Alam mo naman kung gaano ako ka-busy, 'di ba?" malungkot nitong paghingi ng paumanhin.Nginitian niya ito nang maghiwalay sila. "Ano ka ba, it's ok kasi alam ko naman kung gaano ka ka-busy diyan sa boyfriend mo—I mean sa salon mo," natatawang pagbibiro niya. Nitong nakaraan kasi'y sinabi ni Crystal may boyfriend na ulit ito at kilala niya ang kaibigan, sa tuwing may kasintah
TAHIMIK na pinagmasdan ni Monica ang anak na mahimbing na natutulog na katabi niya. Marahan niyang hinagod ang buhok nito saka ngumiti. Sa maraming nangyari sa buhay niya, masaya siyang napalaki niya ng isang mabuti at maayos na bata si Princesa Monica sa kabila ng pagiging single mother niya. Hindi maikakaila ang taglay na ganda ng kaniyang anak na sinasabi ng maraming kamukha niya.Pinili niyang ilayo ang bata sa lahat at gayon din ang sarili niya dahil alam niya kahihiyaan ang magiging dulot niyon, hindi lang sa kaniya kung 'di maging sa pamilya niya. Itatago niya ang katotohanan hanggang kaya niya.Bumuntong-hininga siya. Tumihaya siya at matamang pinagmamasdan ang kisame. Hindi niya alam kung ito na ba ang tamang panahon para bumalik siya ng Manila kung saan nandoon ang alaala ng nakaraan niya at nandoon din ang mga taong naging parte niyon na pinili niyang layuan. Pero sa kabila ng paglayo niya, tila lumiliit na rin ang mundo sa kanilang tatlo dahil sa dami ng lugar, sa Davao pa
"J-JERICHO?" gulat na banggit ni Monica sa lalaking nagsalita kahit expected na niya na ito ang bubungad sa kaniya. Gustong titigan ng mga mata niya ang mukha nito pero pinigil niya ang sarili. Limang taon na ang nakalipas pero nararamdaman pa rin niya ang bahagyang pananabik sa binata at ang kagustuhan niyang titigan ito. "A-anong ginagawa mo rito?" malamig niyang tanong at umiwas dito ng tingin dahil pakiramdam niya, kung hindi pa siya iiwas, baka madala siya sa kakaibang tingin nito. Ito na ang kinatatakutan niyang mangyari.Napuno ng kaba ang sistema niya.Sa kabila ng hindi pagsipot ni Jericho sa kasal nila at iwan siya nito ng walang paalam, natutunan niyang tanggapin at patawarin ang binata kahit wala siyang narinig na paliwanag o salita man lang mula rito noon na gusto niyang marinig."Pwede ba kitang makausap?" malumanay na tanong nito habang nasa mukha niya ang paningin nito na nangungusap. Parang nababanaag niya ang pananabik doon at ang kagustuhan nitong makausap siya.Kum
"AKALA ko ba uuwi ka rin ng Manila after ng wedding ni Arnold?" nagtatakang tanong ni Tita Aunor kay Zymon dahil akala nito uuwi na rin siya ng Manila pero hanggang ngayon nasa Davao pa rin siya sa hindi rin niya alam na dahilan. Kararating lang niya sa bahay nito na pangsamantala niyang tinutuluyan.Kapatid ng kaniyang ama si Tita Aunor na piniling manirahan sa Davao.Almost one week na si Zymon sa lugar na iyon kahit dalawang araw lang sana siya mamamalagi roon. Nag-extend siya nang makita muli niya ang babaeng iyon na nakasalo niya sa isang mainit na gabi limang taon na ang nakakaraan. Hindi niya mawari pero mayroon sa loob niya na gusto niyang makilala siya nito kahit alam niyang dapat na rin niyang kalimutan ang nangyari.Limang taon na simula nang magising na lang si Zymon na inangkin niya nang gabing iyon ang isang babaeng hindi naman niya kilala at simula noon, hindi mawala sa isip niya ang nangyari at ang mukha ng babaeng iyon na natagpuan niya sa bar. Naglalasing at tila gal
"RIA, mayroon ba tayong roses na white? Tita Aunor Called me and she ordered white roses," pukaw ni Monica sa staff niya nang makalabas siya ng opisina. Nadatnan niya roon si Ria na nag-aayos ng mga bulaklak.Humarap ito sa kaniya at saglit na nag-isip. Tumango ito. "Mayroon pa po ate pero mukhang iilan na lang po ang nandoon," sagot nito na nag-aalangan."We only need five roses, abot ba 'yon?" tanong niya rito. Hindi pwedeng wala silang maibigay rito dahil bukod sa naka-oo na siya, ito rin ang masugid niyang customer. Palagi itong kumukuha sa kaniya ng mga bulaklak kahit panglagay lang sa mga vase sa bahay nito.Ngumiti si Ria. "Yes po ate, kasya po iyon," anunsiyo nito. "Teka lang po, ihahanda ko muna ang flowers bago dumating si Ma'am Aunor," paalam nito, saka tumalikod sa kaniya para ayusin ang mga bulaklak. Nakahinga naman siya ng maayos dahil abot pa ang bulaklak sa order ni Tita Aunor.Bumalik muli siya sa opisina para ayusin ang mga orders at supplies ng mga bulaklak. Next we
"MOMMY, gusto kong pumunta ng mall, pwede po ba? I want to buy some toys po kasi," sweet na sabi ni Princess Monica sa Ina nito habang nakaupo sa sofa at naglalaro ng manika nito.Weekend at nagpasiya si Monica na hindi pumunta ng shop dahil balak niyang magpahinga. Lunes kasi ay aalis na sila papuntang Manila. Nag-angat siya ng tingin at binalingan ang anak na naka-pony tail na mas lalong nagpa-cute rito."Gusto mo mag-mall? Sige, later pagkakain natin pupunta tayo ng mall, ok? Basta kakain ka ng gulay," aniya na may kondisyon sa anak. Hindi kasi ito mahilig kumain ng gulay at laging hotdog at mga karne ang gustong kainin.Hindi agad nakaimik si Princess. Ngumuso ito. "I don't eat gulay, Mommy, eh. Para kasi silang damo tapos kakainin ko? 'Di ba po mga hayop lang kumakain ng damo?" tanong nito na nagpakunot sa noo niya. Kapagkuwa'y napatawa siya.Nilapitan ni Monica ang inosenteng anak. Hinawakan niya ito sa balikan. "Anak, hindi damo ang gulay, ok? Iba ang damo na kinakain ng hayop
"WHAT are you going to buy here at kailangang kasama ako, huh?" tanong ni Zymon sa kaibigan niya na si Well na kararating lang sa Davao para sundan siya at sumama sa pagbabakasyon niya. Inaya siya nitong pumunta sa mall dahil may bibilhin daw ito roon."Some stuffs na nakalimutan kong bilhin sa Manila. Pagdating ko sa hotel at binuklat ang mga gamit ko, I realized I forgot to bring underwear." Natawa ito sa sinabi. "Kaya kailangan kong bumili rito."Napailing si Zymon at napangiti dahil sa pagiging makakalimutan ni Well na hindi na bago sa kaniya. "Sa dami naman ng pwedeng kalimutan, underwear talaga? Well, hindi pa ba ako nasanay? You always like that every time we have go to a trip."Pumasok sila sa mall at tumambad sa kanila ang maraming tao na abala sa pamimili. Wala naman kasi siyang bibilhin sa mall kaya wala siyang balak sumama, pinilit lang siya ng kaibigan.Umakyat sila ng second floor kung saan nandoon ang ilang shop ng mga underwear. Tahimik lang si Zymon habang nagmamasid
HINDI mapakali si Monica habang lulan sila ng eroplano patungo sa Manila. Hindi niya mawari ang kabang nararamdaman niya habang papalapit sila sa lugar na iyon na pilit niyang nilayuan at kinalimutan sa lumipas na limang taon. Gusto niyang umatras at bumalik ulit sa Davao pero hindi na niya iyon pwedeng gawin dahil ilang minuto na lang at tuluyan na silang makararating sa Manila.Binalingan niya si Princess na nakatulog na sa byahe. Napangiti siya dahil sa napakaganda nitong mukha na puno ng bahid ng kainosentihan na sana ay hindi masira sa pagbalik nila sa Manila.Hindi lang ang mga taong naging parte ng nakaraan niya ang kaniyang kinatatakutan, pati na rin ang nararamdaman niya at ang katotohanang tungkol kay Princess na maaaring maungkat sa pagbabalik niya. Handa ba siya roon?Marahan niyang iniangat ang kaniyang palad at dinampi iyon sa ulo ng anak, saka marahang hinimas iyon. "No matter what, I'll protect you from the truth, Princess," mahina niyang sabi. Hindi niya papayagang ma