Unwanted Divorce: The CEO Wants Me Back

“Senyorita, dumating na po ang asawa niyo.”

Nang marinig ni Sierra ito, biglang nagliwanag ang kanyang mukha at mabilis niyang hinawi ang kurtina sa kanyang harapan. “T-Totoo ba?” 

Isang Lamborghini ang biglang dumating. Sinuri niyang mabuti ang tao na nasa loob ng sasakyan. Isang lalaki ang nakita niya sa loob na may magandang mukha at bakas sa galaw nito ang malakas niyang presensya. 

Lumiwanag ang kanyang mukha nang malamang ang asawa nga ang dumating. Kumabog nang malakas ang puso ni Sierra.

Namula ang kanyang pisngi nang maalala niya ang madalas na ginagawa ng asawa kapag dumating ito. Ang halik na kay tagal matapos at mapupusok...

Bigla siyang kinabahan at nahihiyang harapin ito. Gusto niyang magbihis subalit biglang nagbukas ang pinto at pumasok ang isang nakabihis ng pormal na lalaki.

Napatitig si Sierra sa lalaki at ngumiti. “N-Nathan...”

“Lumapit ka,” utos nito. Niluwagan ni Nathan ang kanyang suot na necktie habang ang braso naman ay may suot na isang mahahaling relo na mas lalong nagpapakita ng kanyang makapangyahirang dating. 

“Ginabi ka na ng uwi, Nathan. Kumain ka na ba?” tanong niya sa asawa habang nahihiyang naglalakad patungo sa direksyon nito. 

Bigla na lamang siyang niyakap ng asawa at sinunggaban ng halik. 

“Oh...” 

Walang nagawa si Sierra kung hindi ang mapaungol ng dalawang beses sa ginawa niya. Binuhat siya nito at dinala sa kama saka hindi tinigilan. 

Kung titigan ay mukha siyang mahinahon at magalang ngunit sa bagay na ito ay nawawala ang asawa sa kanyang sarili. Hindi ito titigil hangga't hindi siya mapaiyak nito. Tiniis ni Sierra ang lahat at piniling isara na lang ang kanyang mga mata. 

Napansin niyang mas nakakabaliw ang ginagawa nila ngayon kung ikukumpara noon dahil hindi ito nakuntento. Mas gusto niyang umiyak siya lalo at nang matapos 'yon, kinuha nito ang sapin ng kama para ibalot sa katawan. Pumasok ito sa loob ng banyo at narinig niya ang pag-agos ng tubig mula sa banyo. 

Pakiramdam ni Sierra ay nanlalambot pa rin ang katawan niya sa nangyari sa kanila kanina lang kaya humiga muna siya sa kama. 

Si Sierra Navarro-Delgado ay sekretong kasal kay Nathan Delgado sa loob ng dalawang taon. Noong una ay ayaw niyang magpakasal dito dahil wala siyang naramdaman kay Nathan pero pinilit ng kanyang ama ang asawa. 

Noong una rin ay hindi siya gusto ni Nathan pero dahil nagustuhan niya ito, nagsimula na siyang habulin at pinakasamahan ito nang maayos. At sa wakas ay nahulog na rin ang loob ni Nathan sa kanya. 

Nang maalala niya ang pagiging mapusok ng asawa, biglang kumabog ng malakas ang puso niya, at kasabay no'n ay nakadama siya ng panandaliang kilig. 

Kampante si Sierra na habang tumatagal ay mas lalong magiging maganda ang kanilang pagsasama. Alam niyang magiging isang masayang pamilya sila lalo na kapag mabigyan niya si Nathan ng anak. Mabubuo na silang pamilya at hindi siya makapaghintay para doon.

Bigla namang nagbukas ng malakas ang pinto ng banyo. Lumabas si Nathan na ngayon ay nakabalot ng tuwalya ang ibabang parte ng katawan nito.

Maganda ang pangangatawan ng asawa pero bakas sa gwapong mukha nito ang kalungkutan. Hindi nito pinahiran ang buhok na ngayon ay may tumutulong tubig sa kanyang katawan. 

Nagtatakang tinitigan siya nito at nagtanong, “Buntis ka ba?”

May hawak itong isang pregnancy test sa kanyang kamay at alam ni Sierra na kinuha niya ito mula sa loob ng banyo. 

Naupo siya nang tuwid pero nakita niyang wala itong emosyon kaya bigla siyang natakot. “H-Hindi ko pa matiyak dahil kaninang umaga ko lang ito nabili,”

“Why did you still buy it?” tanong ni Nathan.

“Nakaramdam ako ng pagsusuka at walang ganang kumain nitong mga nakaraan at isa pa, ikaw ang nagsabi na kapag nakaramdam ako ng mga sintomas ay kailangan ko agad mag-pregnancy test,” inosenteng sagot ni Sierra.

“You should go and try to test it,” ani Nathan sa kanya. 

“H-Hintayin na lang kitang matapos sa paliligo dahil sa tingin ko ay hindi ka pa naman tapos at—”

“I said now.” 

Biglang lumamig ang tingin ni Nathan sa kanya. Sinubukan niyang bagalan ang inutos sa kanya pero wala siyang nagawa kung hindi ang pumasok sa loob ng banyo upang subukan ang pregnancy test.

Ilang minuto ang nakalipas ay lumabas na siya sa banyo. Naabutan niyang nakaupo si Nathan sa couch. 

Nag-angat ito ng tingin saka nagsalita. “How was the test?”

Dismayado ang mukha ni Sierra nang tingnan niya ang asawa. 

“The test shows one line, Nathan...”

‘Not pregnant.’

Hindi alam ni Nathan kung anong mararamdaman niya. Dapat ba siyang madismaya o makahinga dahil sa kanyang nalaman.

Sa huli, kinalma niya ang sarili at nagsalita, “Get me some clothes to wear.”

“Aalis ka sa ilalim ng gabi, Nathan?” takang tanong ni Sierra. 

“Yes,” malamig na sagot ni Nathan sa kanya. 

Huminga nang malalim si Sierra at walang nagawa kung hindi sundin ang asawa. Nagpunta siya sa closet nito upang kumuha ng damit. 

Kahit siya man ay dismayado dahil hanggang ngayon ay hindi pa siya buntis. Gustong-gusto niyang mabuntis. Alam niya kung gaano kagusto ng pamilya Delgado ang mabuntis siya lalo na si Nathan subalit dalawang taon na...

Dalawang taon na niyang sinusubukan. Marami na siyang nainom na gamot pampabuntis subalit wala pa rin. Hanggang ngayon ay hindi pa rin nagbunga. 

Pero hanggang ngayon ay hindi pa rin siya sumusuko. Hindi siya pwedeng sumuko dahil baka hindi niya makuha ang asawa. 

Habang tumatagal ay mas lalong lumalalim ang nararamdaman ni Sierra para kay Nathan ngunit palagi itong abala. Halos hindi ito umuuwi kahit isang beses man lang sa loob ng sampung araw o kalahati ng isang buwan. At ngayong nakita niya na ito ay bigla na naman itong aalis. 

Mapait na napangiti si Sierra. Kumuha siya ng kulay itim na damit nito sa closet at saka lumabas. Narinig niyang may kausap ito sa cellphone pagdating niya.

“'Wag kang mag-alala dahil nandiyan naman si Amanda para tignan ka. Nandiyan na ako maya-maya,” ani Nathan sa mahinahong tono. Ngayon lang narinig ni Sierra ang mahinahong pananalita ni Nathan kaya natuod siya. 

Ang tuwang naramdaman niya kanina ay bigla na lang naglaho.

“Nathan,” tawag niya sa pangalan ng asawa. “S-Sino ang tumawag?”

Tinitigan siya ni Nathan dahil sa kanyang tanong. Umabot ng halos 1.9 meter ang taas nito kaya kailangan pang mag-angat ng ulo para matitigan siya.

“It's just no one.” Malamig ang tono nito nang sagutin si Sierra. 

“Babae ba 'yon?” tanong ni Sierra bigla sa asawa.

Tinitigan muna siya nito saka sumagot. “Hindi ito tungkol sa 'yo.”

Hinablot naman bigla ni Nathan ang damit na hawak ni Sierra at mag-isang sinuot ito. Nagulat si Sierra dahil madalas siya ang nagsusuot ng damit sa asawa.

Hindi niya maiwasang mag-isip. Paano kung...

May nagugustuhang ibang babae ang kanyang asawa? Ito na ba ang simula para tanggihan siya nito?

Biglang sumakit ang tiyan ni Sierra. Parang may problema talaga siya sa kanyang tiyan. Pakiramdam niya ay palagi itong malaki kaya palagi siyang hindi komportable. 

Nakabihis na si Nathan at bigla na lang itong tumalikod saka naglakad paalis sa direksyon niya. 

Puno ng pag-aalala ang puso ni Sierra. Ang ganitong pakiramdam ng isang babae ay hindi maaaring magkamali kaya hinabol niya ito. 

“Pwede bang huwag ka na munang umalis ngayong gabi? May masama akong nararamdaman, Nathan,” aniya sa asawa. 

Nilingon siya ni Nathan. Ang gwapong mukha nito ang sumalubong sa kanya, ngunit may manipis itong mga labi at bakas sa mukha ang pagiging malamig at walang puso nito. 

“If you felt something, you better tell Lilian called our family doctor. I won't be back early.”

Tuluyan na ngang naglakad si Nathan paalis. Habang papalayo ito ay unti-unting naglalaho sa paningin niya si Nathan. 

Nakaramdam ng pagkahilo si Sierra dahil parang wala lang siya sa puso ng kanyang asawa. Samantala, bigla naman siyang nakaramdam ng pagkulo ng tiyan kaya tumakbo siya sa banyo at doon inilabas lahat ng mga kinain niya kanina. 

Hanggang sa makaramdam siya ng sobrang sakit. Namutla ang kanyang mukha at nahirapan pang umakyat sa kama para humiga. 

Sa pangalawang pagkakataon ay halos mamilipit na siya sa sakit. Tumakbo siya ulit sa banyo para sumuka ngunit isang mapait at kulay green na laway lamang ang kanyang nailabas. 

Alam niyang hindi dahil sa buntis siya kung hindi pagkalason sa pagkain.

Nanghihina man ay pinilit niyang inabot ang cellphone saka tinawagan ang katulong nilang si Lilian. 

“M-Manang Lilian, sumasakit ang tiyan ko. Dahil niyo po ako sa ospital, please...” pagsusumamo niya. 

Agad namang tumakbo si Manang Lilian sa taas at nakita si Sierra na ngayon ay nakahiga sa carpet na basang-basa. Mabilis niyang tinawagan ang driver at dinala si Sierra sa ospital.

Inalalayan ni Manang Lilian si Sierra na makapasok sa loob pagdating nila ng ospital. Binigyan siya agad ng paunang lunas ng doctor gamit ang isang injection ng painkiller at sinabihang kailangan nilang sumailalim sa B-ultrasound upang malaman kung isang acute cholecystitis o gastritis ang nangyari sa kanya.

Paglapat ng painkiller sa kanya, biglang humupa ang pananakit ng kanyang tiyan pansamantala at dahil doon ay unti-unting nanumbalik ang kanyang lakas. 

Dinala siya ni Manang Lilian sa kwarto ng B-ultrasound pero isang hindi inaasahang tao ang biglang dumating. 

Dumating ang kanyang asawa na si Nathan. Lumiwanag ang mukha ni Manang Lilian habang nakatingin sa kanya.

“Senyorita, nandito po ang asawa niyo!” 

Pinilit ni Sierra na tignan ang direksyon na tinutukoy ni Manang Lilian at nakita niya ang isang gwapong mukha ng lalaki na nakasuot ng itim na suit, hindi kalayuan sa kanya. 

Alam niyang si Nathan nga ito at walang iba. Lumiwanag ang kanyang mukha nang malaman na nandito ito. 

Tatawagin niya sana ang pangalan nito subalit nagulat siya nang makitang may kasama itong ibang babae. Lumabas ang babae mula sa kwarto ng ultrasound at nakalagay ang kamay sa tiyan habang may hawak na isang papel sa kamay nito.

“The doctor said the baby is fine, Nathan,” sabi ng babae.

Ang nag-aalalang mukha ni Nathan ay biglang lumambot nang marinig niya ang sinabi ng kasamang babae. “That's great to know. You should be extra careful with what you eat next time. You are already pregnant and you should not eat too much, especially the crabs.”

Ngumiti nang malapad ang babae. “Alam ko naman 'yon kaya hindi na talaga ako kakain ng crabs next time.”

Natuod si Sierra sa kanyang nalaman. Ang kanyang masayang mga mata ay biglang napalitan ng lungkot at gulat habang nakatitig sa babaeng kausap ni Nathan. 

Isang light-colored na dress ang suot ng babae. Maganda at may maamo itong mukha habang ang kanyang buhok ay maitim. Ang kanyang mga mata ay maganda rin. Higit sa lahat, alam ni Sierra na may maamong pag-uugali ang babaeng kasama ni Nathan ngayon.