Chapter 23

Aria’s Pov

Tulog. Iyon agad ang ginagawa ko pag-uwi mula sa trabaho. Nang sabihin ni Damian na magtrabaho lang ako nang magtrabaho—ginawa niya talaga.

Kaya kahit katabi ko siya sa kama, parang wala lang... o siguro dahil sobrang bigat na ng katawan ko para mag-isip pa. Halos hindi ko na maigalaw ang sarili sa dami ng ginagawa sa buong araw.

Pero sabi ko sa aking sarili ay mas gusto na rin ito kaysa makaharap si Mrs. Valtor—baka hindi lang sakit ng katawan ang abutin ko, pati kahihiyan, bitbit ko pa pauwi.

Kinabukasan, hindi alarm clock ang gumising sa'kin, kundi sikat ng araw na lumusot sa kurtina at dumiretso sa mukha ko. Napapikit ako, nag-inat, at napatigil nang makita ang oras sa dingding.

Eight a.m.!

Agad akong nagmamadali papunta sa banyo para gawin ang morning routine ko—pero muntik na akong atakihin sa puso nang makita kung sino ang nandoon.

Si Damian.

At—oh, Diyos ko—nakita ko pa ang hubog ng puwit niya. Walang kahit anong saplot.

Napaawang ang bibig ko, mabilis kong isinar