kabanata 3

Biglang inagaw ni Daphne ang kape sa kamay ni Aeris at binuhos ito sa sarili niyang mukha. Pagkatapos naman ay sinampal niya ang sarili. Tumama pa ang noo niya sa corner ng mesa hanggang sa nararamdaman niya ang malagkit na dugo sa kanyang mukha. “I’m sorry, inaamin ko mali ako! Hindi ko dapat inabala si Lucas," pagsasalita ni Daphne habang may pumatak na luha sa mga mata.  "Kung gagaan ang loob mo sa pananakit sa akin, sige lang. Hindi ako lalaban, hayaan kita."

Kaagad naman narinig ni Lucas ang kumosyon mula sa kusina kaya nagmamadali itong bumaba. Pagpasok niya sa kusina ay agad niyang nakita ang duguan at punong-puno ng kape na si Daphne. Kumulo agad ang dugo niya nung marinig ang pagmamakaawa nito.

"Daphne!" Lumapit kaagad si Lucas sa kanya. Galit na galit siya nang makita ang pasa at dugo sa mukha ng babae. Tiningnan niya nang masama si Aeris na para bang expected niya na ito ang may kagagawan. "Aeris, anong problema mo? Bakit ba lagi mo siyang pinupunterya? Mag-sorry ka kay Daphne!"

Ngunit tinitigan lang siya ng diretso ni Aeris. "Kung sasabihin ko bang hindi ako ang gumawa niyan, maniniwala ka?" Naghihintay si Aeris kung kakampihan siya nito. 

Pero ngumisi lang si Lucas, isang ngisi na nakakainsulto. "Sasabihin mo bang si Daphne mismo ang nagtapon ng kape sa sarili niya at sinampal ang sarili niya? Aeris, nakita ko ng dalawang mata ko. Akala mo ba bulag ako?"

Makikita na nasasaktan si Aeris dahil hindi ito pinagkakatiwalaan ni Lucas, kaya mahigpit niyang naikuyom ang sariling mga kamao. 

Nang makita ni Lucas ang lungkot sa mata ni Aeris ay saglit siyang kinabahan, pero agad siyang nabahala para kay Daphne ng umungol ito sa sakit.  

“Lucas, ang sakit! Napaso ba ang mukha ko?" Tanong ni Daphne habang nakasandal kay Lucas at halatang nasasaktan ang mukha.

May mga pulang marka na ito dahil sa mainit na kape. Dahil dito, lalong nagalit si Lucas. "Aeris, sumosobra kana talaga!” 

"L-lucas, ayos lang ako," sabi ni Daphne habang marahan na hinahawakan sang mukha. "Kung gustong ilabas ni Aeris ang galit niya, tatanggapin ko, kahit saktan niya pa ako." Dahil sa mapagpanggap ni Daphne ay lalong naging malamig ang tingin ni Lucas kay Aeris. 

Napangiti ng mapait si Aeris. "Sigurado ka bang ako ang sumosobra?"

Hindi napansin ni Lucas ang tunog sarkastik sa boses ni Aeris dahil kay Daphne lang ito nakatingin. Akala rin ni Daphne na susuko na si Aeris kaya palihim itong ngumisi nang may pagmamayabang.

"Para matapos na ito, humingi ka ng tawad," matigas na utos ni lucas.

Ngumiti lang si Aeris kay Lucas at lumapit ulit sa sink kung saan nakapwesto ang coffee maker, pagkatapos ay bumalik siya sa dalawa,  habang ang dalawa naman ay nagtataka sa ginawa niya.  Walang pag aalinlangan na tinapon ni Aeris ang kape sa mukha ni Daphne. 

"Ah!" tili nito at humiyaw dahil sa totoong sakit. 

Hindi akalain ni Daphne na totohanin pala ito ni Aeris at walang awang sinampal pa ang kabilang pisngi ni Daphne na wala pang pasa. Mabilis na hinila ito palayo sa yakap ni Lucas at malakas na itinulak sa sahig.  Sa mismong harap pa ni Lucas bumagsak si Daphne sa sahig at agad namilipit sa sakit. 

Dahil sa nangyari ay hindi agad nakapag-isip si Daphne, nabigla ito sa mabilis at matapang na pagganti ni Aeris. Maging si Lucas ay natulala. Hindi siya agad nakakilos habang pinapanood si Aeris na saktan si Daphne nang walang pag-aalinlangan.

Nang makita niyang nakahandusay na si Daphne sa kanyang paanan, doon lang natauhan si Lucas. Agad siyang yumuko at binuhat ang babae.

Pinagkurus pa ni Aeris ang kanyang mga braso at malamig silang tiningnan. "Ayan," kalmado niyang sabi, "Totoo na ang bintang niyo. Humihingi na ako ng tawad." Ibinaling niya naman ang tingin kay Daphne na ngayo'y halatang nasasaktan. "Daphne, pasensya na. Dahil kung anu-ano na ang ibinibintang mo sa akin, parang hindi naman tama na mag-sorry ako nang hindi ko muna ginagawa ang pinaratang mo. Salamat sa pagkakataon."

Sambit niya habang may manipis na ngiti sa mga labi.

Nanginig naman sa galit si Daphne. Ang kanyang mga mata ay nag-aapoy na tila gusto niyang lapain si Aeris ng buhay.  Kung hindi lang ito binuhat ni Lucas baka sumugod na ito.

Naintindihan ni Aeris ang tingin na iyon. Bahagya niyang tinagilid ang ulo habang nakamasid sa bawat ekspresyon ni Daphne. "Daphne, hindi mo ba gustong gamutin ang mukha mo? Baka kasi kapag pinatagal mo pa, hindi na yan gumaling at mag-iwan ng peklat, ang pangit non kung ganon."Sabi niya na tunog nang uuyam. 

Lalong lumapad ang ngiti ni Aeris. "Sayang naman. Hindi mo na magamit pa ang mga paawa mong mukha para manloko ng mga tao." Dahil sa sinabi ni Aeris, tuluyang nawala ang kontrol ni Daphne sa sarili. 

Isinubsob nito ang mukha sa dibdib ni Lucas at humagulgol. "Sira na ang mukha ko! Ang sakit! Lucas, pangit na ba ako? Waaaah..." Iyak nitong sabi. 

Lalong hinigpitan ni Lucas ang yakap sa kanya.

"Hindi. Dadalhin kita sa ospital ngayon din, sisiguraduhin kong hindi mag-iiwan yan ng peklat, kahit hanapin ko ang pinakamagaling na doctor ay gagawin ko, magamot ka lang.” 

Habang inaamo si Daphne, masamang tiningnan ni Lucas si Aeris. "Magtutuos tayo pagbalik ko."

Hindi pa siya tapos magsalita ay mabilis na siyang lumabas ng pinto bitbit si Daphne.

Pinanood sila ni Aeris habang paalis, bakas pa rin ang pang-uuyam sa kanyang mga mata. Hindi niya sineryoso ang mga banta ni Lucas.

Dati kasi gagawin niya ang lahat para magpaliwanag—para patunayan na inosente siya at magmakaawa na magtiwala ito sa kanya. Pero ngayon... wala na siyang pakialam. Sa unang pagkakataon, matapos niyang piliin ang sarili at bumitaw, naramdaman ni Aeris ang gaan sa kanyang loob. Masyado siyang naging tanga noon sa pag-ibig, laging sinasaktan ang sarili para sa lalaking ito. Hindi na niya iyon uulitin.

Aalis na sana siya nang biglang tumunog ang kanyang telepono.  Ang real estate agent pala. May buyer daw na interesado sa apartment at gustong tumingin. "Walang problema," sagot ni Aeris. "Puntahan niyo na rito." Pagbaba ng tawag, ipinadala niya sa agent ang code ng pinto. Kailangan na niyang bumalik sa bahay ng pamilya niya.

Para mabilis na mabenta, inilagay ni Aeris ang pinakamababang presyo para sa apartment. Balak niyang iwan pati ang mga gamit, kasama na ang lahat sa benta. Hindi siya nag-aalala sa bibisita. Alam niyang hindi babalik si Lucas ngayong araw. Kapag si Daphne ang pag-usapan, masyadong maalaga si Lucas. Pabor iyon sa kanya. Ito ang perpektong oras para ibenta ang bahay.

Hindi takot si Aeris kung malaman man ito ni Lucas sa huli. Gusto na lang niyang maputol ang anumang ugnayan sa kanila ni Daphne.

Ngayong bumitaw na siya—wala na siyang dahilan para manatili pa.