Kabanata 15

“Ma? Hello to my beautiful mother. Are you still with me?” Bumalik lang ako sa katinuan nang ang kaharap kong si Audrey ay kumakaway sa akin. “Parang ang lalim po ng iniisip mo kanina pa. What’s the matter, ma?”

“Uh… it’s something… you don’t have to think about. Basta tapusin mo na muna ‘yang kinakain mo nang maka-diretsyo na tayo sa singing lesson mo. Okay?”

Mula sa school niya ay didiretsyo na talaga dapat kami sa Bernard’s Singing Studio, e kaso itong si Audrey ay biglang pinahinto muna ‘yong sasakyan para kumain sa nadaanan naming karinderya.

Nakipagtalo pa talaga ako sa kanya kung sure ba siyang sa gan’tong klaseng lugar kami kakain… e, kadalasan pa naman ng mga pagkain sa gan’tong kainan ay dinadapuan na agad ng langaw bago pa man makain ng customer.

But then again… Audrey wins the battle against me.

Kaya hinayaan ko na lang din siyang kumain, pero ako… hinding-hindi niya ako mapipilit na kumain sa gan’tong klaseng lugar.

Galing ako sa hindi karangyaan na pamilya pero hindi nam