"SIMPLE PLEASURES"

GAYA ng inaasahan ni Andrew, nasa ibaba na nga ang pagkaing inorder ng sekretarya nito. Pagkakain ay niyaya siya ng binata sa rooftop. Ilang sandali nanatili lang silang tahimik at magkatabing naupo sa loveseat na naroon. Nang mapagod ang ulo ni Lana ay saka niya naisipang ihilig iyon sa balikat ni Andrew.

"Bakit parang hindi ka active sa showbiz ngayon?" ang naisipan niyang itanong saka pinaglaruan ang mga daliri ni Andrew na kanina pa hawak ang kamay niya.