CHAPTER 09

EDNALYN

Hindi ba niya ako nakilala? Anong nangyari? Hindi ako maaaring magkamali siya iyon eh. Siya si Everette De Ocampo not Altamerano.

Lumipas man ang apat na taon ay walang nagbago sa itsura niya. Mas lamang nga lang ang pagka suplado nito ngayon kaysa noon pero kilala ko si Sir Everette. Kilala s'ya ng puso ko kahit nakapikit man ako.

Nakagat ko ang loob ng pisngi ko upang maiwasan ang galit para sa binata. Baka may dahilan lang ito kaya ayaw akong kilalanin. Pero paano kung ayaw na talaga niya sa akin? Nang maisip ko iyon hindi ko maiwasan ang masaktan.

Dammit! Kailangan ko siyang makausap upang Ipaalala na dati na kaming magkakilala. Dati ko siyang kasamahan sa trabaho. Kapag ipaalala ko iyon sa kaniya siguro naman hindi niya iyon nakalimutan dahil ang Eagle Eye, ang sentro ng buhay niya noon. Nakita ko kung gaano n'yang minahal ang trabaho. Tama hindi ako maaaring sumuko. Magiging boss ko siya kaya may chance na makilala ko siya.

Hindi muna ako bumalik sa table ng kaibigan ko.