Chapter 21

“Gaga ka! Buntis ka nga! Sino'ng ama niyan?!” pabulalas na tanong ni Angeline matapos nilang makita ang dalawang pulang guhit sa pregnancy test kit.

Umiling-iling lamang siya habang nakasabunot sa sariling buhok. Buntis nga siya, may nagbunga nga sa mga ginawa nilang pagtatalik ni Julius.

‘Ano na'ng gagawin ko ngayon?’ Iniwan na siya ni Julius, siguradong hindi nito pananagutan ang batang ngayon ay nasa sinapupunan niya na. Ano na'ng gagawin niya ngayon?!

“Ano'ng iling-iling 'yan, Camina? Hindi mo alam kung sino'ng ama niyan? Umamin ka nga sa 'kin, Sis, me'ron ka ba'ng hindi sinasabi sa 'kin?” kunot na kunot ang noong muling tanong nito. Napahilamos na lamang siya sa muka niya't pinunasan ang mga luhang nagsitulo mula sa mga mata niya.

“Sorry, Angeline, sorry, hindi ko na alam ang gagawin ko ngayon, ang tanga-tanga ko kasi ehh, ang tanga-tanga ko!” umiiyak na sagot niya, saka humagulgol. Paano niya palalakihin ang b