Chapter 6

Nang makarating sila sa Harmony ay dumeretso sila sa bahay na tinitirahan ni Camina; hindi ito kalakihan 'tulad ng bahay nila na pinagtulungan nilang ipundar ni Ezra, pero two storey house ito na may tatlong maliit na kuwarto sa taas. Sapat na sapat na para sa nag-iisang babaeng 'tulad ni Camina.

“Magkape ka muna,” mahinhing saad ni Camina, kasabay ng paglapag nito ng isang tasa ng kape sa center table ng maliit na sala nito.

“Mag-isa ka lang talaga dito?” tanong niya, kahit na alam naman niya na ang sagot. Nasabi na rin nito na mag-isa nalang itong namumuhay ngayon noong gabing una silang magkakilala. Sa pagkakaalala niya'y naglayas ito dahil sa magulong pamilya nito, mas pinili nitong mamuhay nalang mag-isa ke'sa manatiling miserable kasama ang kinalakihan nitong pamilya.

Pinagtapos nito sa pag-aaral ang sarili, nagsikap ito hanggang sa makapagpundar na ng sariling bahay at negosyo. At dahil do'n ay mas humanga siya sa babae; hind