Kabanata 8

Paulit-ulit ang pagbuntong-hininga ko habang walang tigil sa paghampas sa mga binti at braso kong pinapapak ng mga lamok. Pero ayos lang kahit pagpyestahan pa ako ng mga lamok kay sa naman manatili ako sa umuugang kubo.

Nandiyan na naman kasi si Telay. Mula kasi noong unang gabing pagkikita nila ng hilaw kong Tito ay napadalas na ang pagpunta ng babaeng haliparot na iyon dito.

Nakakainis nga. Dagdag siya sa hirap ko. Feeling entitled ang haliparot. Ginawa na nila akong alila. Taga silbi, at wala akong choice kung hindi ang sumunod.

Ang gaga ko rin kasi nagtiis ako ng ganito katagal. Umaasa pa rin kasi ako na kusa siyang aalis kapag nagsawa na sa liblib na lugar na ito pero hindi dumating ang inaasahan ko.

Lalo pang humigpit ang pagbabantay niya sa akin. Sinusundo na rin niya ako sa palayan tuwing hapon. Ilang beses na rin kasi akong nagtangkang tumakas at sa kada tangka ko, nahuhuli niya lang ako.

Hindi ko alam kung bakit ayaw niya akong pakawalan; kung bakit tinatali niya ako sa bu