Chapter 36

KAHIT malinis at nakaligo na ay pakiramdam ko ay hindi naalis nang tuluyan ang harina sa buhok ko. Kahit ilang beses nang nag-shampoo ay parang nasa anit ko pa rin ito.

“Tapos ka na?” ang tanong ni Chris. Kanina pa ito naghihintay na matapos ako sa paggamit ng banyo. Tulad ko rin kasi ay nalagyan ng harina ang buhok at katawan niya.

Dahil kanina lang ay tinulungan namin si Thalia na gustong mag-bake. Pero dahil pareho naming gusto ni Chris na i-mix ang flour ay nag-agawan pa kami hanggang sa matapon sa sarili namin. Sa inis ay binato niya ako nang kung anong mahawakan hanggang sa nauwi sa giyera ang kusina. Naawat lang kami nang dumating sila Mr. Ben at tita Lea galing sa paggo-grocery.

“Oo,” ang sagot ko sa tanong niya na halos matawa. Namumuti kasi ang mukha at buhok niya. Actually, buong katawan niya ang binato ko ng harina kaya talagang nakakatawa ang itsura niya.

Sinundan ko lang siya ng tingin hanggang sa isara niya ang pinto ng bany