Chapter 37

February’s POV

“Hoy? Nakikinig ka ba sa sinasabi ko, Febilyn?” tanong sa akin ni Isaac habang naglalakad kami patungo sa gate.

“Oo, naririnig kita,” sabi ko naman habang tinitignan ang cellphone ko. Nagtext na si Sapphire, papunta na raw siya.

“So what’s your plan?” tanong niya habang pasipa-sipa sa daan.

“Sabi ko naman sa’yo, I’ll surprise him nga sa birthday niya,” sabi ko naman at napangiti pa ng malapad. Next month pa naman ang birthday ni Sapphire ngunit talaga namang pinaghahandaan ko na ‘yon. Nag-iipon na para makapunta ng manila.

“Sinasabi ko talaga sa’yo, huwag kang magtangkang sabihin sa kaniya. Nako, makakalbo talaga kita,” sabi ko pa.

“Wow, sino bang madaldal sa ating dalawa?” tanong niya na pinagtaasan pa ako ng kilay.