Chapter 11

February’s POV

“Febi, pakibigay mo nga ito sa mga kapitbahay,” sabi ni Lola na inabot ang ilang bunga ng santol na nasungkit nina Lolo kanina.

“Opo, Nang,” sambit ko at naglakad na patungo sa kina Isaac.

“Aling Sally!” sigaw ko at kumatok sa pintuan nila. Si Isaac naman ang lumabas habang may hawak-hawak na mga damo. Hindi ko alam kung dapat ba akong matawa sa itsura nito o ano.

“Uyy, salamat!” nakangiti niyang sambit na inagaw na agad sa akin ang santol.

“Hoy, halika’t samahan mo akong kumuha ng buko kina Aling Tessy,” sabi niya sa akin.

“Pag-iisipan ko,” natatawa kong saad ko kahit na balak ko naman na talagang sumama sa kanya.

“Dami mong alam, bilisan mo na lang,” sabi niya na pumasok na sa loob ng bahay nila.

“Natural, nag-aaral!” sigaw ko naman pabalik sa kanya at nginiwian ito. Nagmake face lang siya sa akin. Inirapan ko lang siya at umalis na sa tapat ng bahay nina.

Nagtungo naman ako papunta sa bahay ni Sapphire. Wala ring ginagawa ang kupal na ‘yon kung hindi ang pumunta sa kung saan. Nakita ko naman siyang nakikipagtitigan sa pipino niya na lumalaki na.

Marami na rin itong tanim dito katulad ng kalabasa, kamatis at sili.

“Pinabibigay ni Lola,” sabi ko na iniabot sa kanya iyon.

“Fuck.” Napahawak pa siya sa dibdib sa gulat sa akin.

“Ngayon alam mo na?” natatawa kong tanong dahil ganyan na ganyan din ito kapag nagtutungo sa bahay.

“Look mayroon ng bulaklak,” sabi niya na pinapakita ang pipino niya. Natawa naman ako sa reaksiyon nito. Ngiting-ngiti ito habang nakatingin lang sa kaniyang tanim. Naiintindihan ko naman siya dahil ito ata ang kauna-unahan niyang tanim.

Imbis na bumalik na tuloy ako kina Isaac ay nakipagkwentuhan pa ulit ako kay Sapphire.

“Hoy, Febilyn, kanina pa kita hinihintay sa bahay, nandito ka lang pala.” Sabay naman kaming napatingin kay Isaac na may hawak pang itak. Hindi ko alam kung dapat ba akong matakot dito o mairita.

“Dalian mo na at kanina pa naghihintay si Aling Tessy,” sabi niya sa akin.

“Oo, teka lang. Ito na,” sabi ko na tumayo na para sumunod na sa kaniya. Nakatingin lang naman sa aming dalawa si Sapphire kaya nginitian ko siya.

“Gusto mong sumama?” tanong ni Isaac sa kanya. Tinignan ko naman ito. Nagtataka niyang binalik ang tingin sa amin.

“Where are you going?” tanong ni Sapphire.

“Mananaga,” sabi ni Isaac kaya agad ko siyang binatukan.

“Umayos ka nga, Isaac,” sabi ko na sinamaan siya ng tingin.

“Aray...” reklamo niya na napahawak pa sa binatok ko sa kanya.

“Totoo naman ahh! Mananaga tayo ng buko!” Nginiwian pa ako nito habang patawa tawang nakatingin sa akin.

“Ano, Pre? Sama ka?” tanong niya kay Sapphire.

“Alright,” sagot naman nito, talagang sasama ito dahil wala naman itong ginagawa kung hindi ang magpakalat -kalat dito sa amin. Pero paminsan minsan naman ay nakikita ko siyang kumukuha ng litrato.

Napatingin naman si Sapphire nang makita kung anong sasakyan namin.

“Are you sure you can drive that?” tanong niya kay Isaac. 

“Oo naman, Pre, palagay mo sa akin?” natatawang tanong ni Isaac sa kanya.

Tribic kasi ng mama niya ito at hula ko nakita ni Sapphire na pinagalitan ito noong isang araw dahil hindi nagpaalam sa kaniyang ina.

“Sure ka na gagamitin mo ‘yan?” tanong ko kay Isaac.

“Oo naman, lakas ko lang kay Mama,” sabi niya na pinapamadali na kami sa pagsakay. Natawa na lang ako at sumakay na sa tribic.

Paalis pa lang kami ay nakita ko na agad si Aling Sally na sumisigaw mula sa bahay nila.

“Isaac! Walanghiya ka talagang bata ka!” malakas na sigaw nito. Nagflying kiss lang si Isaac sa kanya. Hindi ko alam kung matatawa ako dahil dito o matatakot dahil paniguradong mayayari kami mamaya.

“Walanghiya ka talaga, hinahigh blood mo ang Mama mo,” natatawa kong saad sa kanyam Tinawanan niya lang naman ako.

“Mas lalo ka pang mayayari kapag naflat ‘yan,” sabi ko sa kaniya dahil bako-bako ang dadaanan namin.

“Hindi ‘yan, lakas ko lang,” mayabang na saad nito kaya napailing na lang ako sa kanya at hinayaan na siya.

Magkatabi naman kami ni Sapphire. Pakiramdam ko talaga ay mapaflat ito dahil ang bigat-bigat naming tatlo. Halos dikit na dikit na rin kami ni Sapphire dahil maliit lang naman ang upuan dito.

Mabuti na lang ay matiwasay naman kaming nakarating sa bahay nina Aling Tessy.

“Aling Tessy!” tawag ni Isaac dito. May bukuhan kasi ang matandang babae at hindi naman niya mapaakyat ang mga anak kaya naghahanap pa sila ng mga pwedeng umakyat dito.

Kasama ko naman si Isaac sa mga ganitong bagay kaya madalas kami ang mga sinusuggest ng mga kapit bahay namin.

“Mabuti naman at nandito na kayo, Isaac,” sabi ni Aling Tessy.

“Mas maaga pa nga po sana kung hindi lang dahil sa isa riyan.” Pagpaparinig niya sa akin. Nagmake face lang naman ako sa kanya, ganoon din naman siya sa akin.

“Nako, kayo talagang dalawa, para talaga kayong aso’t pusa,” natatawang saad ni Aling Tessy sa amin.

“Oh? Sino ‘yang gwapong batang kasama mo, Febi?” tanong ni Aling Tessy sa akin.

“Ako ba ang tinutukoy mo, Aling Tessy?” natatawang tanong ni Isaac. Agad ko namang tinulak ang mukha nito palayo. Natawa tuloy sa amin si Aling Tessy.

“Si Sapphire po, Aling Tessy, kapit bahay namin,” sabi ko na tinuro si Sapphire. Ngumiti naman si Sapphire ng tipid dito. Nginitian na lang din siya ni Aling Tessy.

“Kumain na ba kayo? Baka gusto niyo munang magmeryenda sa loob.” Sasagot pa sana si Isaac ngunit hinarangan ko na siya dahil kapahamakan lang ang dala nito kapag ganitong nagsasalita siya.

“Hindi na po, malakas naman po ‘tong si Isaac,” sabi ko at ngumiti pang lumingon kay Isaac. Pinagkunutan niya naman ako ng noo.

“’Di ba? Lakas mo nga,” natatawa kong saad sa kanya. Dumila lang ito at inirapan ako.

“Tara, Sapphire,” sabi ko kay Sapphire na kanina pa tahimik sa tabi ko. Ngumiti lang siya at tumango. Nagsimula naman ng umakyat si Isaac sa puno ng buko. Sanay na sanay na ito.

Nakatingin lang naman si Sapphire doon. Ni hindi umaalis sa kinatatayuan niya. Hinila ko siya ng muntikan ng malaglagan ng buko, ako tuloy ang natamaan sa paa.

“Punyeta ka, Isaac! Mag-ingat ka naman!” malakas kong sigaw sa kanya.

“Sorry!” sabi niya na nagpeace sign pa mula sa taas. Sinamaan ko siya ng tingin at binantaan.

“Ikaw naman, para kang tanga no?” tanong ko kay Sapphire.

“You almost get hurt!” sermon ko sa kanya na tinignan pa ito kung may sugat. Nakatingin lang naman siya sa akin.

“You’re the one who got hurt because of me,” sabi niya na naupo pa sa tapat ko. Hinawakan niya naman ang daliri sa paa na siyang nabagsakan ng buko. Saka ko lang naman naramdaman ang sakit no’n.

“Hoy! Huwag kayong maglandian diyan! Hindi ko na kasalanan kapag nabagsakan kayo ng mga buko!” malakas na sigaw ni Isaac mula sa taas. Patawa-tawa pa ito habang tinitignan kami. Susumbong ko talaga ang isang ‘yan sa nanay niya.

Lumayo naman kami. Hagis lang kasi nang hagis ang kupal na ito.

“Ano? Masakit ba?” tanong ni Sapphire na nag-aalala sa akin. Hindi ko naman tuloy maiwasang titigan siya. Agad akong napailing dahil sa naisip.

“Oo naman! Daplis lang ‘yon ‘no!” natatawa kong saad na tinulak siya dahil sa nararamdaman. Tinignan niya tuloy ako sandali bago siya tumango.

Pinapanood lang namain si Isaac na nilalaglag ang mga buko sa baba. Bumaba na rin ito ng wala ng makuha.

Namulot naman kaming dalawa ni Sapphire. Habang namumulot ay ang dami dami nitong tanong. Sinasagot ko lang naman ang mga tanong niya.

“So, how much they going to sell this?” tanong niya sa akin. Sinagot ko naman ang tanong niya.

“What about you guys? Magkano naman ang ibabayad sa inyo?” tanong pa niya ulit.

“Ang dami-dami mong tanong, gusto mo bang magnegosiyo nito?” natatawang tanong ko sa kanya.

“I’m just asking, it’s not that bad to ask someone when you want to learn,” sabi niya na napanguso. Napangiti naman ako sa kaniya. He’s always curious. Madali lang din naman siyang natuto, minsan nga ay tignan niya pa lang ay tila alam niya na. Nagtatanong kapag hindi alam. Tama rin naman siya, walang masama sa pagtatanong lalo na kapag gusto mong matuto.

“’Yan, Febilyn, diyan ka magaling, sa pakikipagharutan,” natatawang saad sa akin ni Isaac. Binantaan ko naman siya na ihahagis ang buko sa kaniya.

“Teka, teka, malaki ‘yan, oyy!” malakas niyang sigaw na napalayo pa sa akin.

Natawa na lang ako na napailing sa kaibigang si Isaac.

“Did you ever like Isaac?” tanong ni Sapphire sa akin. Napakunot naman ako ng noo sa kanya.

“Oo naman, kahit gago ‘yan, best friend ko ‘yan,” natatawang sambit ko.

“I mean romantically?” tanong niya pa. Bakit ba ang inosente nitong tignan?

Natawa naman ako sa tanong niya. I never even thought about him as a man.

“Parang kapatid ko na ‘yan no!” naiiling kong saad sa kanya. Halos lahat ng baho niyan alam ko na.

“I never like him romantically, I mean he’s okay but nah… ang sabi nila hindi pwedeng maging magkaibigan ang isang babae at lalaki? But no, ‘yon ang akala nila,” natatawa ko pa ring saad dahil hindi ko maimagine ang sariling nagkakagusto kay Isaac at sigurado rin naman akong ganoon din siya sa akin.

Napatango na lang si Sapphire sa tabi ko. Nakita ko pang malalim ang iniisip niya bago ako nginitian.

“Oh, Febi, ikaw na ang aakyat?” tanong sa akin ni Isaac nang matapos naming pulutin ang iba. Naghanda naman na ako ngunit agad akong pinigilan ni Sapphire.

“I want to try it,” sabi niya sa akin.

“It’s not that easy,” sabi ko naman sa kanya. Baka mamaya kung ano pang mangyari dito at kami pa ang malalagot.

Si Isaac naman ay painom inom lang ng buko sa tabi. Pinapanood kaming dalawa ni Sapphire.

“Let me try,” sabi pa niya na naghahanda na. Inadvice-an naman siya ni Isaac, hindi ko naman akalaing makikinig ito sa kupal. Inalis niya naman ang t-shirt niya.

“Hoy, Febi, malusaw ‘yan,” natatawang saad ni Isaac dahil napatitig ako sa katawan nito. Looks like he’s also working out.

“Spg!” natatawang saad ni Isaac sa akin. Binato ko naman siya ng maliit na bato dito.

“Palibhasa kasi patpatin ka!” sambit ko sa kanya pero may abs din naman ito, mas lakas nga lang ang dating ni Sapphire para sa akin.

Bakit pati pag-akyat ay ang hot pa rin nitong tignan? Nakatitig lang tuloy ako sa kanya. Nagawa niya namang makaakyat hanggang sa taas kaya lang ay medyo nahihirapan sa pagkuha ng mga buko ngunit maya maya lang ay nagawa niya ng maayos iyon.

Nang bumaba siya ay halos mapaatras ako ng lumapit siya sa akin. Napakagat ako sa aking mga labi nang makita ko ang pawisan nitong katawan. Mas nakita ko pa tuloy ng malapitan ang abs niya. Napaiwas naman ako ng tingin ngunit kinausap niya ako kaya no choice akong lumingon sa kanya. No choice ba talaga, Febi?

“I thought it’s easy, I never thought it’s really tiring. It’s quite a work out,” sabi niya pa at ngumiti.

“Ah, oo...” sabi ko na nag-iwas ng tingin. Ramdam ko naman ang pamumula ng pisngi ko dahil dito.

“Why? What’s wrong?” tanong niya na lumapit pa ng kaunti. Susubukan niya pang kapain ang noo ko ngunit agad kong hinampas ang kamay nito.

“Huwag mong sabihing crush mo na ako. Nako, abs lang pala ang katapat mo,” natatawa niyang saad sa akin na nilapit pa ang mukha. Tinampal ko naman siya ngunit mas lalo pa siyang nang-asar.

“Be, tiyansing ka, Be,” natatawa niyang saad sa akin.

“Ang kapal ng mukha mo! Wala ka namang abs!” sambit ko sa kanya ng matauhan. Nagkukunwari namang niyayakap ni Sapphire ang sarili habang tinawanan ako.

Humahagalpak naman na ng tawa si Isaac sa isang tabi. Sinamaan ko siya ng tingin.

“Kaya pala kanina pa tumutulo ang laway mo riyan, Febi. Nako, Pre, magtago-tago ka na kay Febi, crush ka niyan,” sabi ni Isaac na nakipag-up here pa kay Sapphire.

Parehas naman nila akong inasar na dalawa at sabay pang humagalpak ng tawa. Ang mga epal na ito!