Chapter 3: “You're my wife and you deserve everything.”

NAPAYAKAP si Serena sa sarili noong makalabas sa office ng judge. Dahil gabi na, malamig ang ihip ng hangin. Napaigtad siya noong may lumapat na kung ano sa balikat niya. Bahagya niya pang naamoy ang panlalaking cologne. Pagsilip niya, nasa balikat niya ang coat ni Kevin. 

“You're shivering from the cold, put the coat on,” anito sa baritonong boses. 

Napakurap ng mata si Serena ngunit sinunod niya si Kevin. Huminto naman sa harapan nila ang kotse at pinagbuksan sila ng driver ng pinto. 

Pagkaupo, napaisip agad si Serena. Ngayong kasal na siya... ibig bang sabihin no'n ay sa bahay na siya ni Kevin uuwi? Nanlaki ang mga mata niya. 

“Ano...Mr. Sanchez,” tawag niya rito. 

“What did you call me?” malamig ang pagkakasabi nito, parang inis. 

Bakit parang galit? May nasabi ba siyang mali?

“M-Mr. Sanchez? 'Di ba iyon ang apelyido mo?”

Kumunot ang noo ni Kevin at matiim siyang tinitigan. Mayamaya, gumuhit ang mapaglarong ngisi sa labi nito. “Yes, Mrs. Sanchez?”

Si Serena naman ang napipilan ngayon. Ramdam niya ang pamumula ng pisngi dahil sa hiya. Pero teka, hindi siya dapat malibang! Kailangan niyang linawin kung saan siya uuwi ngayon. 

“Pwede mo bang ihatid ako sa Hillary St.? Naroon ang apartment ko. Malapit iyon sa SGC Corporation Building. Doon ako nagtatrabaho.”

“I know that. Doon kita unang nakita.”

Bulong iyon pero malinaw ang pandinig ni Serena. Unang nakita?

“Anong ibig mong sabihin? Unang nakita? Nagkita na tayo dati?”

“SGC Bldg.”

“You mean, doon ka rin nagtatrabaho?”

“Well, maybe. I'll start working there in a week or two.”

Magiging workmate niya ang asawa? Office romance? Teka, bakit niya ba naisip iyon? Nililibang siya nito, ah! 

“O sige, future workmate, pakihatid mo ako sa apartment ko. Maraming salamat.”

Kevin furrowed his brows and stared at Serena. “What do you mean ihatid?” 

Napamaang siya. “Tapos na ang usapan natin, 'diba? Pahatid na ako sa apartment namin para makauwi ka na rin.”

“You're my wife, Serena.”

“Oo nga. Hindi naman ako tumatanggi.”

Kevin laughed coldly. “Since you're my wife, you're going home with me.”

“Teka, wala naman sa usapan natin 'yan, ha?”

Mariing titig ni Kevin ang sumalubong sa kanya kaya napayuko siya. Pero kahit na! Ano, papasindak siya? Hindi pwede! 

“Really, Serena? Hmm?”

Nang marinig niya iyon, parang kinilabutan si Serena dahil sa sobrang lamig. Kahit may suot na coat, nilamig siya. Galit nga yata.

Nag-angat siya ng tingin at matamis na ngumiti kay Kevin. “Sasama na pala, ikaw naman hindi mabiro.”

Kevin snorted but a ghost of a smile was seen on his lips. Lumipat ang atensyon nito sa driver. “Go to Holy Saint Hospital.”

Nabigla na naman si Serena. Iyon ang ospital kung saan naka-confine ang lola niya, ha?

Napansin siguro ni Kevin ang tingin niya kaya bumaling sa kanya. “We're going to see your grandma before we go home.”

“T-talaga?” 

Tumango ito. 

Sa tuwa, dinamba ni Serena si Kevin at mahigpit na niyakap. Nanigas naman sa kinauupuan si Kevin dahil sa gulat. 

“Maraming salamat, Mr. San—Kevin!”

“It's good that you like what I did.”

Mabilis silang nakarating sa ospital at mas lalong nagulat si Serena nang malaman niyang nilipat na sa VIP room ang lola at may private nurses at doctors ito! 

“Rinrin, apo, nandito ka!”

“Lola!” Niyakap agad ni Serena ang abuela at halos maluha siya noong makita niyang maayos ang lagay nito. Tahimik namang nakamasid si Kevin sa kanila. 

“Kumusta ka? Sino iyang kasama mo?” 

Lumingon si Serena kay Kevin. Mabuti na lang at dahil madalas tumanggi si Alex na sumama sa kanya sa ospital, hindi pa ito nakikita ng abuela.

“L-Lola, ano...siya po si Kevin. A-Asawa ko po.”

“Kasal ka na, apo?!” masayang turan nito. Dito na lumapit si Kevin at magalang na bumati sa matanda. 

“Grandma, I'm Kevin Xavier Sanchez, her husband. Nice to meet you.”

“Kay guwapong bata! Magaling kang pumili, Rinrin. Sayang lang at hindi ako nakapunta sa kasal ninyo dahil nandito ako sa ospital.”

Kevin smiled softly at the elderly woman. “We're going to invite you to our church wedding so get well soon, grandma.”

Dahil kailangan na ring magpahinga ng matanda, nagpaalam din sila. Nang makalabas, hinarap ni Serena si Kevin. 

“K-Kevin...maraming salamat sa pagdala mo sa akin dito. P-Pwede ba akong humingi ng pabor sa'yo?”

“Hmm?”

“Pwede bang...manghiram sa'yo ng pera para sa pagpapagamot ni Lola? Pangako, babayaran ko kahit paunti-unti!”

Seryosong tumingin sa kanya si Kevin. “What are we, Serena? We're husband and wife. So even if you don't say that, I'll support our grandma as I see it as a filial duty. You're my wife and you deserve everything.”

Parang may humaplos na kung ano sa puso ni Serena at maluha-luha siyang tumitig kay Kevin, nakangiti. Maliit na ngumiti rin si Kevin pabalik. 

“Now, let's go home?”

MALAKING mansyon ang sumalubong kay Serena noong dumungaw siya sa kotse. Bumukas ang malaking gate at tuloy-tuloy na pumasok ang kotse na nagpaawang ng bibig ni Serena. 

“Ito iyong sinasabi mong bahay? 'Yang mansyon na 'yan?”

Sinulyapan lang siya ni Kevin at huminto naman ang kotse sa main door ng mansyon. Sa labas ng main door, may pila ng maids at may naka-tuxedo na middle-aged guy. 

Lumapit ang lalaki at binuksan nito ang pinto. “Good evening, Master and Madamé.”

Tumango si Kevin at nilingon siya. Pinulupot nito ang kamay sa beywang niya at giniya siya papasok ng mansyon. 

Umakyat sila ni Kevin at dinala siya nito sa master's bedroom. 

“Here's our room, Serena,” anito sabay turo sa nakapinid na pinto. “That will be your closet. I already ordered the maids to fill your wardrobe.”

Nang matapos si Kevin ay umakto itong maghuhubad ng long-sleeve shirt kaya napatalikod si Serena. Nakarinig siya nang mahinang pagtawa at mayamaya lang, pagbagsak ng tubig mula sa shower room ang narinig niya. 

Inikot ni Serena ng tingin ang buong kwarto. Pwede ngang sabihin na parang bahay na ito sa sobrang laki ng kwarto. 

“You can take a shower now.” Napapitlag si Serena noong may magsalita sa likod niya. Pagharap, ang bagong ligong si Kevin ang sumalubong sa kanya. 

Napalunok siya dahil sa nakita kaya halos takbuhin niya ang banyo. Mabilis siyang naligo at noong matapos, saka lang naalala na wala siyang damit! Buti na lang at may bathrobe. Iyon ang suot niya palabas. 

“Saan ako matutulog? Isa lang ang kama rito.”

Tinapik ni Kevin ang kama. “You'll sleep beside me. You're my wife, remember?”

“H-Ha?”

Nabigla si Serena noong hatakin siya ni Kevin kaya bumagsak siya sa ibabaw nito. Pinagpalit nito ang pwesto nila at ito na ngayon ang nasa ibabaw. 

“Ready for our first night, wife?”

“Ha? A-Anong—”

Serena was cut off when Kevin kissed her lips.