CHAPTER 7

Alora's POV

Nagising ako dahil bigla ko na lang naramdaman na nasusuka ako kaya naman tumakbo ako agad papunta sa cr. Ilang araw nang ganon ang nararamdaman ko, hindi ko alam kung anong meron sa katawan ko at hindi ko rin naman masabi kay Azrael dahil busy siya masyado sa trabaho.

"Manang meron po bang mangga diyan?" tanong ko pagkababa ko sa pero umiling lang ang taga-luto.

Bumalik na lang ako sa kwarto ko at bumaba lang ulit noong kakain na ako ng hapunan.

Kakain na sana ako pero noong maamoy ko ang steak ay bigla na lang akong naduwal kaya todo takbo na naman ako sa cr.

Ano bang nangyayari sa katawan ko?

"Asan si Azrael?" tanong ko sa isa sa mga tauhan ni Azrael noong makalabas na ako ng cr. Hindi ko siya kilala. Hindi ko naman memoryado ang mga pangalan nila dahil sa sobrang dami ng tauhan ni Azrael.

Umiling lang siya at sinabing maaga na nagpunta sa trabaho ang boss niya. Pumunta na lang tuloy ako sa kusina para sabihin kay Manang na dalhin na lang ang pagkain ko sa kwarto ko at huwag nang isama ang steak para kaseng maduduwal na naman ako sa oras na makita ko iyon.

Those morning sickness continued at wala akong mapagtanungan. Si Azrael busy sa trabaho niya, si Sheila at Stella naman ay umuwi sa kanila para magbakasyon, si Manang naman ay hindi kami masyadong close pati ang ibang tauhan ni Azrael.

"I miss you," bulong ni Azrael. Kakarating niya lang at ito agad siya nakayakap sa akin pero hindi ako sumagot.

Hindi naman sa nagtatampo ako, sadyang pagod na pagod ako ngayong araw kahit wala naman akong ginawa kundi maglibot lang sa buong bahay. Hindi ko na lang siya pinansin at hinayaan siyang yakapin ako patalikod hanggang sa makatulog ako.

Paggising ko ay naabutan ko siya pero paalis na rin siya dahil nagka-problema raw ang negosyo nila sa Japan kaya kailangan niyang pumunta doon.

Dahil umalis siya ay bored na bored ako ulit mabuti na lang at pumunta ngayon ang teacher ko ng english.

"Teacher, may itatanong po sana ako," panimula ko. "Palagi po kase akong nagsusuka tapos hindi ko po alam parang naninibago ako sa katawan ko. Noong isang araw rin ay nasuka ako dahil sa amoy ng steak eh favorite ko naman po iyon." nakatingin lang siya sa akin na para bang inaalesa ang bawat lumalabas sa bibig ko. "Ano po bang nangyayari sa akin? May sakit po ba ako? Mamatay na po ba ako?"

Napatingin ako noong tumawa siya sa sinabi ko. "Hindi, nag-try ka na bang mag pregnancy test?" Umiling ako, ang alam ko ay para sa mga buntis yun eh hindi naman ako buntis.

"Wait ka dito, bibili lang ako nun." Tumingin ako sa kanya na kinukuha ang bag niya.

Umalis nga siya at naiwan akong tulala doon. Hindi ko kase siya maintindihan, hindi naman ako buntis kaya bakit kailangan ko iyon. Yung mga buntis malalaki yung tiyan yung akin hindi naman.

Bumalik siyang may dalang paper bag. "Ihian mo yan." Nagpabalik-balik ang tingin ko sa kanya at sa hawak ko na kaparehas nung ginagamit kapag chine-check yung lagnat ng isang tao.

Nag-aalinlangan akong pumunta sa kwarto ko at dumiretso sa cr habang nakasunod pa rin siya. Ginawa ko ang iniutos niya at kita kong may lumalabas na parang line, kaya binigay ko iyon sa teacher ko.

Hindi ko naman kase alam kung ano yun.

Tiningnan niya muna iyon bago magsalita, "Congratulations you're pregnant!" masaya niyang bati sa akin at ipinakita sa akin iyong parang pregnancy test

Hindi ko pa rin alam kung bakit niya sinabi na buntis ako at kung bakit siya sigurado doon at kung maniniwala ba ako sa kanya kase ngayon ko lang naman nalaman na ganon pala ang proseso para alamin kung buntis ang isang babae.

"Sure po kayo? Baka mali po iyan."

May inabot ulit siya sa akin. "Ayan para makasigurado." Tinangap ko ang ibinigay niyang pregnancy test at ipinaliwanag muna kung paano niya nasabing buntis ako bago niya ako pumasukin ulit sa cr.

Inulit namin iyon ng tatlong beses pero pareho pa rin ang resulta, dalawang guhit.

"Kung ayaw mo pa ring maniwala, magpa-check-up ka sa doctor."

Gusto kong gawin ang suhestyon niya pero natatakot akong lumabas ng bahay dahil baka inaabangan lang ako ni Koen sa labas.

Wala rin dito si Azrael kaya wala akong maisasama. Ilang araw pa raw siya roon sabi ni Calem.

Si Calem na lang kaya isama ko? Pero nakakahiya naman ata.

"Calem," tawag ko sa kanya noong dumaan siya sa harapan ko habang nakaupo sa sofa. "Pwede ba tayong magpapunta ng doctor dito?"

Nagtataka siyang tumingin sa akin. "Bakit may kaibigan kang doctor na bibisita?" Umiling ako.

Wala naman akong ganon, ang tanging mga kaibigan ko lang ay ang mga batang inaalagaan ni Manang Karla na kasama ko rin sa pamamalimos.

"Hindi gusto ko lang sanang magpa-check-up." Mas lalong lumala ang pagtataka sa mukha niya. "Kase ano, yung mga pasa ko gusto ko sana ipatingin kung okay lang sila." pagdadahilan ko pa, mabuti na lang at iyong iba kung mga pasa na galing kay Koen ay hindi pa nawawala.

Ayoko kaseng sabihin sa kanya at baka sabihin niya rin kay Azrael. Gusto ko sana ako ang magsasabi kay Azrael.

"Tawagan ko lang si Azrael, sasabihan na lang kita kung pumayag siya." Umalis siya kaya naghintay naman ako.

Hindi naman ako nabigo dahil pagsapit ng hapon ay may dumating nga na doctor.

"Congratulations Mrs. Alcazar!" Iyon agad ang unang sabi ng doctor matapos niyang magtanong ng kung ano-ano at i-check ang tiyan ko gamit ang iba't-ibang aparatus.