0003.

Napangiti ako ng makita ang repleksyon ko sa salamin. Ganitong klaseng dress talaga ang mga gusto ko. Maikli at v-neck ang neckline. Fitted at hapit sa balingkinitan kong katawan. Hindi aakalain ng sinuman na nagkaroon na ako ng asawa dahil maganda pa rin ang figure ko at hindi mukhang laspag.

'Paano ka malalaspag 'eh hindi ka nga tinikman ng ex mo!' Tuya ng isip ko.

Nakadama ako ng panliliit sa sarili ko. "Come on, Natalia. Dapat magpasalamat ka dahil hindi kayo nagkaanak. Sayang ang lahi at ganda mo kung napunta ka lang sa kagaya niya!”

Dumilat ako at tumingin sa salamin. Tapos na ako maglagay ng makeup at magkulot ng buhok. Naglagay din ako ng silver jewelry kagaya ng kwintas, singsing, hikaw at bracelet. Bumagay ito sa ayos ko at lumitaw lalo ang ganda ko. At pagkatapos ay nagsuot ako ng heels na 2 inches ang taas. 5'3 lang kasi ang taas ko kaya kailangan ko 'to para tumangkad ako. Ang gusto ko sanang suotin ay 5 inches heels. Mahilig ako sa matataas na heels noon pa. Pero 2 inches heels lang ang nakita ko sa kwarto. Iniwan ko kasi ang karamihan ng gamit na galing kay Victor. Kaunting gamit lang ang dinala ko.

"Oh my god, Nat! Ang ganda mo! Yung totoo, stress ka ba talaga sa lagay mong 'yan?!" Papuring puna ni Jeffy ng makita ako. Kadarating lang nito kasama si Meryl na napanganga rin ng makita ako.

"Hindi ka pa nasanay. Head turner naman talaga ang kaibigan nating 'to." Ani naman ni Meryl na nilalagyan ng lip gloss ang labi ko. "Di ba mas bagay kung may gloss ang labi mo! Perfect!"

Inirapan ko sila. Kung makapuri akala mo ay nalalayo ang ganda. Maganda rin sina Jeffy at Meryl. Parehong morena at pang modelo ang atake. Mas matangkad din silang dalawa sa akin. Marami ang napagkakamalan na Indian ang mga ito dahil sa mala-indian beauty nila. Pareho kasing may half ang dalawa.

Sa kotse kami ni Jeffy sumakay. Malakas itong nagpapatugtog habang nasa biyahe kami. Inutusan kong hinaan dahil nakakahiya pero hindi nakinig ang loka.

"Isang rock song para sa mga single! Woahhh!"

Natampal ko ang noo ko ng buksan ni Jeffy ang bubong ng kotse nito at sumayaw si Meryl na may patalon-talon pa habang naka-rock sign pa ang kamay. Paminsan-minsan ay tinataas pa nito ang suot na black boots. Top tube na pinarisan kasi ng maikling kulay pink na palda at black boots kasi ang suot ng dalawa. Mukhang ang makipag-rock-rockan sa bar ang balak ng dalawa mamaya.

Pagdating sa bar ay humanap kami ng magandang pwesto sa baba. Pumuwesto kami malapit sa dance floor dahil mahilig sumayaw ang dalawa. Hindi nakontento si Jeffy sa ladies drink. Paano daw ako makakalimot kung yun lang ang iinumin ko. Walang uuwi ng hindi gumagapang—ayon pa sa mga ito.

Napangiwi ako ng gumihit ang mapait na alak sa lalamunan ko. Kahit nagtrabaho ako sa club noon ay hindi talaga ako umiinom. Napilitan lang ako noon dahil kailangan sa trabaho. Tatlong taon na ng huli akong tumikim ng alak. Tuwing lalabas kasi kami noon ay puro shopping lang ang ginagawa namin nila Jeffy. Ngayon lang din nag aya ang mga kaibigan ko na pumunta sa ganitong lugar. Patay na kasi ang asawa ng mga ito.

“Uupo ka na lang ba diyan?” lumapit sa akin si Jeffy at hinila ako para magsayaw. “Come on, Nat! Have some fun! Hindi ka makakalimot kung tutungga ka lang ng alak diyan! Look at Meryl, mukhang may matutulog ng nakangiti mamaya! Tara hanap din tayo ng magpapangiti sa atin mamaya! Kalimutan mo na ang ex mo! Hindi malayo na may kinakalantari din ang lalaking ‘yun! Hindi naman maglalakas-loob yun na makipaghiwalay kung wala siyang iba ‘di’ba?! Hindi nakikipaghiwalay ang lalaki ng walang reserba kaya mag enjoy ka at palitan siya agad! Kahit ngayong gabi lang!”

Tama ito. Iyon din ang naisip ko ngunit denial lang ako no’ng una dahil ginagaslight ko pa ang sarili ko na hindi niya magagawa ‘yon.

Tumayo ako at hinayaan na iginiya ako ni Jeffy sa gitna ng dance floor. I slowly swayed my hips. Sinabayan ko ang mabagal na saliw ng musika habang banayad na pinapadaan ang kamay ko pababa hanggang sa aking leeg. Nagkagulo ang kalalakihan at pinalibutan ako. And that boosted my confidence, na hindi ko naramdaman sa loob ng tatlong taon naming pagsasama ni Victor. Wala akong natanggap na papuring tingin sa ex ko magbuhat ng ikasal kami noon. Panunuya at pandidiri lang.

Sinuklay ko ang kulot kong buhok gamit ang kamay at nang aakit na sinabayan ng galaw ng balakang ang tugtog. Patuloy ako sa pagsayaw. Wala naman sigurong masama na sumayaw at magpakasaya ako dahil wala na akong asawa ngayon. I’m free to do whatever I want to do. I turned my head to look at my back when someone grabbed me from behind. Ngunit malakas na pwersa ang pumigil sa akin. Masyadong malakas ang bisig na nakapulupot sa bewang ko at nagawa ako nitong ipihit pabalik kung saan ako nakaharap kanina.

I looked around, I noticed everyone gasp in disbelief while looking at my back. Humawak ako sa ulo ko ng lalong tumindi ang hilo ko dahil sa pagsasayaw ko. Inalis ko ang matipunong braso na nakapalibot sa bewang ko subalit lalong humigpit ang pagpulupot nito, tila ayaw akong pakawalan.

Then suddenly I remember what Jeffy said earlier. Kung kaya ng ex-husband ko na makahanap ng iba, kaya ko rin dapat.

Sinubukan kong humarap sa lalaking nasa likuran ko pero hinalikan ako nito sa leeg—my lips parted in shock. Nanlambot ako hindi lamang sa halik nito, maging sa kuryenteng dumalay sa balat ko galing sa mainit na labi nito. Hindi ako nakagalaw sa sobrang gulat ko. Samo’t saring perfume ang naghahalo sa hangin, panlalake at pambabae, subalit ang amoy nito ang nangibabaw sa ilong ko.

Pamilyar ang amoy nito. Lalakeng-lalake at nakakahalina. Hindi nakakasawa na amuyin buong magdamag.

‘Magdamag?’

Namungay ang mata ko. Lasing na nga yata ako. Ngayon lang ako nabanguhan sa amoy ng isang tao ng ganito — at nakakatawa ay sa estranghero pa.

Hinawakan ko ang mukha niya at paos na nagsalita. Hindi ko alam kung maririnig niya dahil umingay muli ang paligid.

“Do you want me?” Tanong ko ng nakatagilid ang ulo ko, habang ito ay pinapatakan ng halik ang punong tenga ko.

I bet matangkad ito dahil nakayuko ito.

“Yes… so badly, baby.”

Nangilabot ako sa pagtama ng mainit na hininga nito sa tenga ko. Pati ang boses nito ay lalakeng-lalake. Baritono at masarap pakinggan.

Eh sa kama… magaling kaya siya?

“Then take me somewhere… sa lugar na tayong dalawa lang.” Malandi na pagkakasabi ko.

Lasing na yata ako. Ang lakas ng loob ko na ayain ang isang estranghero. Ahh bahala na. Bago matapos ang gabing ito ay gagawin ko ang gusto ko.