Kabanata 12

Nang makita ni Shawn ang pangalan ni Monica, bumalik siya sa reyalidad. Sa mga sandaling magkalapit sila ni Maxine, naguluhan siya. Halos basa ang damit niya at ang katawan niya ay may mga marka ng halik at hindi rin pantay ang kanyang paghinga.

Kanina pa siya na-e-excite. Siya ay na-excite dahil kay Maxine!

Hindi naman niya gusto si Maxine. Sinisisi ni Shawn ang pagiging lalaki niya at ang hindi niya magawang pagtakas sa tukso ng isang mapang-akit na babae.

Sinagot ni Shawn ang tawag. Nakaramdam siya ng guilt para kay Monica. Habang tumitindi ang guilt na iyon, lalong naging banayad ang tinig niya.

“Monica.”

Malakas ang tugtog na maririnig mula sa kabilang linya. Malamyos ang boses ni Monica nang magsalita ito.

“Shawn, alam mo bang nasa bar ako ngayon?”

“Huwag kang uminom, Monica,” paalala ni Shawn. “Mag-juice ka na lang.”

“Sige. Nakikinig naman ako sa ‘yo, eh. Pwede ka bang pumunta dito? Hintayin kita dito.”

Ngunit may maliit na kamay na humila sa manggas ng damit ni Shawn. Lumingon siya at nakita si Maxine na basang-basa. Ang strap ng bra nito ay nalalaglag na at kitang-kita ang kurba. Pulang-pula din ang mga mata habang mahigpit na hinahawakan ang manggas niya, tila ayaw siyang pakawalan.

Sinubukan pa ni Shawn na hilahin ang manggas niya mula sa kamay nito pero matigas ang ulo ng babae at lalo pang namumula ang mga mata habang hindi inaalis ang tingin sa kanya.

Magsasalita sana si Shawn pero bigla na naman siyang niyakap ni Maxine nang mahigpit. Bumulong pa ito sa tenga niya, “Huwag kang aalis. Dito ka lang.”

Nasa tamang edad na si Maxine pero doon niya napagtanto na kahit gaano na katagal ay natatakot pa rin siyang maiwanan. Kahit sa mga kalye ay may takot siyang maiwan lalo na kung matao.

Nakaramdam nang kawalang-magawa si Shawn. Nasa alanganing sitwasyon siya. Samantala, narinig niya ang boses ni Monica sa kabilang linya.

“Hello, Shawn? Naririnig mo ba ako? Bilisan mo.”

Nakatingkayad na si Maxine at marahang bumulong, “Kuya Sungit…”

‘Kuya!?’ Ang tumatawag sa kanya nang ganoon ay isang tao lang, pero hindi ba si Monica lang ang tumatawag sa akin ng ganoon?

Nagbago nang husto ang ekspresyon ni Shawn. “Monica, may emergency. Pasensya na pero hindi ako makakapunta.”

Pinutol na niya ang tawag at itinulak si Maxine sa pader. Matalim ang titig niya, “Sino ang nagsabing tawagin mo akong ‘Kuya Sungit’? Maxine, sino ka ba talaga?”

Imbes na sumagot, yumakap pa si Maxine sa leeg niya at hinipo ang minipis niyang labi. Ang malambot na labi ng babae ay may ibang klase ng bango at pang-aakit.

Hindi ipinikit ni Shawn ang mga mata. Sinalubong niya ang mga tingin nito. Si Maxine ay ganoon din ang ginawa. Ang mabilog at medyo namumugto nitong mga mata ay tumitig din pabalik.

Biglang napagtanto ni Shawn—ganoon din ang mga mata ng batang babae noon. Kagayang-kagaya nang kay Maxine.

Siniil siya ng halik ni Maxine. Pero walang tugon mula kay Shawn. Sa halip ay tumigil pa ito at umatras kaya napagpasyahan niyang itigil na iyon. Tumalikod si Maxine para umalis na.

Pero biglang hinapit ni Shawn ang braso niya at hinila siya palapit. Sa isang iglap, binalot sila ng kakaibang init habang ibinababa niya ang ulo para halikan ang babae pabalik.

***

Sa bar.

Nasa counter si Monica kasama ang assistant niya sa mga oras na ‘to.

“Miss Monica, hindi ba darating si Mr. Velasco ngayon?” tanong ng assistant sa boss niya.

Nagsimulang maghinala si Monica. Medyo kakaiba ang boses ni Shawn kanina habang magkausap sila at para bang may kasama ito.

Dali-dali siyang tumawag kay Jared. “Hello, magkasama ba kayo ni Shawn ngayon?”

“Ha?” nagtatakang tanong ni Jared sa kabilang linya. “Hindi, pero tinawagan niya ako kanina. Ang sabi niya may babae daw na na-drugs at nagtatanong siya kung ano ang dapat niyang gawin. Monica, hindi kaya si Maxine ang tinutukoy niya?”

‘Posible,’ hinala ni Monica.

Palaging malinis ang bahay ni Shawn. Dati ay si Monica lang ang kasama niya. Iba na ngayon dahil naroon na si Maxine at hindi mahirap hulaan na siya ang kasama nito.

Dumilim ang mukha ni Monica at nagkuyom ang mga kamao. ‘So, kasama nga niya si Maxine?! Magkasama sila!’

Sa kabila ng galit, nakuha pa rin ni Monica na ngumiti. “May ipapagawa ako. Kuhanan mo ako ng isang pakete ng gamot.”

Naguluhan ang assistant, “Anong gamot po?”

May mapaglarong ngiti ang sumilay sa labi ni Monica.

“Aphrodisiac.”

***

Sa banyo ng villa.

Nanghihina ang mga binti ni Maxine mula sa marubdob na halik ni Shawn. Halos bumagsak siya sa sahig. Naramdaman ito ni Shawn kaya niyakap niya ang babae nang mahigpit sa baywang gamit ang malakas niyang braso para hindi ito matumba.

Namula ang mga pisngi ni Shawn.

Naputol ang eksenang iyon nang biglang may video call request sa cellphone niya—si Monica iyon. Tiningnan muna niya si Maxine bago tinanggap ang tawag.

Nasa bar pa rin si Monica, may baso ng alak sa harapan niya at nakangiti.

“Shawn, huwag kang mag-deny. Kasama mo si Maxine, hindi ba? Na-drugs daw siya?”

Hindi sumagot si Shawn.

Dinampot ni Monica ang isang pill at sa harap ng camera, ininom iyon.

Nagtaka si Shawn, “Monica, ano ‘yon? Anong ininom mo?”

Ngumisi si Monica.

“Ah, ‘yon ba? Isang aphrodisiac.”

Nanginig ang kalamnan ni Maxine. Malinaw na sa kanya ngayon, pero hindi pa rin niya inaasahan na si Monica ang nag-droga sa kanya.

Dumilim ang mukha ni Shawn. “Monica!”

Bigla na lang may isang matangkad at gwapong lalaki ang lumapit kay Monica. Mukhang sinusubukan nitong makipag-usap sa babae.

“Hi, beautiful. Can I buy you drinks?”

Itinuro ni Monica ang screen ng cellphone niya, sabay sabi, “Kita mo ‘yan? Siya ang boyfriend ko pero kung hindi siya nakarating dito sa loob ng thirty minutes, sa ‘yo na ako ngayong gabi.”

Natawa ang lalaki.

Nagyeyelo ang boses ni Shawn nang sabihin, “Monica, ano bang ginagawa mo?”

Umaliwalas ang mukha ni Monica. Kampante at sarkastiko niyang sinabi, “Hindi ba malinaw? Sige, ganito na lang. Isang babae lang ang pwede mong piliin ngayong gabi, Shawn. Ako, o si Maxine.”

Pinutol nito kaagad ang tawag.

Nagliyab ang mga mata ni Shawn sa galit. Umiigting din ang mga ugat sa kamay dahil sa higpit ng pagkakahawak sa cellphone niya.

Pero si Maxine, iba ang naririnig niya.

‘Isang babae lang ang pwede mong makasama. Isang anak lang ang pwede mong mahalin.’

Paulit-ulit na bumalik sa tenga niya ang mga salitang iyon na para bang sumpa.

Nawala na rin ang init sa katawan niya kaya pinakawalan na siya ni Shawn at umalis.

Tumingala pa si Maxine sa lalaki pero hindi na siya pinapansin nito. Nagpapalit na ito ng damit na isang T-shirt at maong na ang suot nito.

Bumalik si Shawn na ngayon ay bihis na. Malalim at madilim ang mga mata nito.

“Anong tipo ang gusto mo?”

“Ano?” Hindi maintindihan ni Maxine ang ibig niyang sabihin.

“Hahanap ako ng lalaki para sa ‘yo. Kahit dalawa pa, kung gusto mo.”