Kabanata 11

Mablis na nahawakan ni Shawn ang kamay ni Maxine at nasalo ang pagbagsak ng katawan niya. Ibinaba nito ang mga kamay at tinitigan ang babae habang pinipigilan ang inis sa boses.

“Bakit nandito ka, Maxine?”

Hindi inaasahan ni Maxine na nasa bahay ang lalaki. Mukhang kagagaling lang nito sa labas dahil naka-suit pa.

Mainit na mainit ang pakiramdam ni Maxine. Sa isang likas na reaksyon, idinikit niya ang sarili sa katawan ni Shawn at umasang sa pamamagitan niyon ay mapapatay ang apoy sa loob niya gamit ang malamig, matatag at mamahaling pabango nito.

Kumikislap ang mga mata ni Maxine habang nakatitig sa lalaki. “Shawn, tulungan mo ako. Please…”

Bago pa niya matapos ang sasabihin niya, itinulak na siya ni Shawn palayo. Malamig ang titig nito sa kanya. “Qnong nangyayari sa ‘yo?”

Natigilan si Maxine dahil sa ginawang pagtulak sa kanya nito palayo. Kani-kanina lang, naisip niyang humingi ng tulong kay Shawn pero paano nga naman siya matutulungan nito?

“May nainom akong gamot—sa palagay ko… aphrodisiac ‘yon…”

‘Nakainom siya ng gamot?’ kunot ang noo ni Shawn. ‘Ang babaeng ‘to talaga! Nakakainis! Laging may baong gulong dala!’

Pero hindi niya rin natiis. “Maghintay ka dito.”

Tinungo ni Shawn ang malaking bintana at kinuha ang cellphone mula sa bulsa ng suit. Ilang sandali pa, may sumagot na ng tawag niya.

Hawak niya ang cellphone sa isang kamay habang kinakalas ang kurbata gamit ang isa pa. Nakalaylay na iyon sa leeg na nagbigay sa kanya ng isang relaxed at mapanuksong anyo.

Hindi na muling naglakas loob pa si Maxine na tumingin sa direksyon ni Shawn.

Sa wakas ay sinagot din ni Jared ang tawag.

“Shawn, napatawag ka?”

“Jared, may itatanong ako,” sabi ni Shawn. “Kung ang isang babae ay nabigyan ng aphrodisiac, anong dapat gawin?”

Tumawa si Jared, parang nakarinig ito nang matinding tsismis.

“Ano? Nakainom nang ganoong gamot si Monica? Kung ganoon, huwag ka nang magpigil. Tlungan mo na lang siya. Alam mo na ‘yon.”

Humigpit ang pagkakahawak ni Shawn sa cellphone niya. “Ayusin mo nga ‘yang sinasabi mo. Diretsahin mo ako.”

Nag-alinlangan na rin si Jared.

“Teka, hindi si Monica? Kung hindi siya, paliguan mo ng malamig na tubig. Mahirap ang proseso dahil magiging mapusok siya pero kung malalagpasan niya, magiging maayos na rin siya. Kung hindi, baka pumutok ang ugat niya at mamatay siya kung hindi mapapahupa ang init ng katawan niya.”

Binaba na ni Shawn ang tawag at hinarap si Maxine. “Kaya mo bang maligo sa malamig na tubig nang mag-isa?”

Tumango si Maxine. “Kaya naman.”

Agad itong pumasok ng banyo.

Habang hinuhubad ni Shawn ang coat, isang matinis na sigaw ang narinig niya mula sa banyo.

“Ah!”

Awtomatikong kumunot ang kilay ni Shawn sa inis. ‘Ano na naman kayang kalokohan ang ginawa ng babaeng ‘yon?’

Mabilis siyang pumasok sa banyo. “Anong nangyari?”

Nakatayo si Maxine sa ilalim ng showerhead, wala ng suot kung hindi ang panty at bra niya. Ang suot niya ay lalong nagpatingkad sa maputi at makinis niyang balat—napaka-inosente ng itsura niya.

Hindi pa nakabukas ang shower pero hawak-hawak nito ang noo, puno ng luha at sakit ang mga mata. Mahina ang boses nang nagsalita, “Nabangga ko ang ulo ko.”

Ang itsura niya ay walang depensa at mahina. Ang mga mata ni Shawn ay namilog. Lumapit siya para alisin ang kamay ni Maxine sa noo—namumula nga iyon.

“Tsk, paano ka naging ganito kapabaya?”

“Hindi ako pabaya, Shawn! Nahihilo ako!”

“Tumayo ka lang riyan.” Utos ni Shawn.

“A-Ano?”

At saka binuksan ni Shawn ang shower at bumulwak ang malamig na tubig at nabasa nang tuluyan si Maxine. Mainit ang katawan niya pero parang yelo ang tubig—nagbanggaan ang apoy at yelo kaya natumba siya papunta kay Shawn.

“Ang lamig. Ayoko na maligo sa malamig.”

Muling yumakap si Maxine hanggang sa tuluyan nang nabasa ang damit at pantalon ni Shawn. Napaatras ito ng dalawang hakbang habang sabay silang nabasa ng tubig.

Mainit na mainit pa rin ang katawan ni Maxine, para siyang isdang mamamatay sa uhaw. Ang maliit niyang kamay ay gumapang, hinahaplos ang bewang ni Shawn. Ang maliit niyang mga kamay ay tila may buhay na gumapang at humahaplos sa baywang ni Shawn.

Normal na lalaki si Shawn kaya agad itong nagkaroon ng epekto sa kanya—agad na nanigas ang katawan niya. “M-Maxine, saan ka humahawak?”

Halatang lasing ang babae pero puno ng inosenteng alindog. “Sa abs mo.”

Tumingala pa si Maxine para titigan ang mukha ni Shawn. Mapungay ang mga mata, “Alam mo, ang gwapo mo talaga.”

Itinulak ni Shawn si Maxine sa malamig na pader, nanikip ang lalamunan niya kaya lumunok muna siya bago bumulong, “Please lang, umayos ka.”

Ngumiti si Maxine. “Wow, ang lakas mo. Gusto ko ‘yan.”

Pinatay na ni Shawn ang shower at ginamit ang hose na may malamig na tubig at tinutok iyon sa mukha ni Maxine para gisingin ito.

Umatras si Maxine at saka tinabig ang kamay ng lalaki. “Shawn, kung si Monica ba ang na-drugs nang ganito, tutulungan mo siya, hindi ba?”

Natigilan si Shawn. “Ha?”

Namumula ang mga mata ni Maxine, parang iiyak na. “Oo nga naman. Dahil ako ‘to kaya papaliguan mo lang ako ng malamig na tubig para mahimasmasan ako. Siyempre, hindi mo ako gusto.”

Kitang-kita ni Shawn ang pamumula ng mga mata nito, tila kanina pa ito umiiyak at ang sumunod na nangyari ay hindi inaasahan. Biglang sumugod si Maxine at pinuntirya ang leeg ni Shawn.

Ang lalamunan ang pinakasensitibong parte ng katawan ng isang lalaki. Nang puntiryahin iyon ni Maxine, namilog at nanlaki ang mga mata niya, kasabay nang panghihina ng likod.

‘Lintek!’ mura ni Shawn.

Hinila niya ang baywang ni Maxine. Ang baywang ng babae ay napakalambot. Halos isang ruler lang ang lapad dahil kasya lang sa pagitan ng magkabilang hinlalaki at hintuturo ni Shawn.

Sobrang delikado nito.

Hindi na makahinga si Shawn kaya hinawakan niya ang magkabilang pisngi ni Maxine para subukang itulak palayo.

Marahan ang pagpisil na ginawa niya. “Mahilig ka talagang kumagat, ano?”

Hindi na malinaw ang isip ni Maxine dahil sa pinagsamang alak at droga kaya sobra siyang nanghina. Tinitigan niya ang lalaki, ang mga mata ay namumula at namamasa.

Nanigas ni Shawn at binawi agad ang kamay.

Pero muling yumakap agad si Maxine at pinulupot ang mga braso sa leeg niya. “Sorry, hindi ko sinasadya. Masakit ba?”

Bago pa makasagot si Shawn, naramdaman na niya ang malambot na halik nito sa kanyang lalamunan. Umakyat ang halik na nag-iwan ng pulang marka sa panga niya.

Ang mabangis na kuting kanina ay naging maamong pusa na ngayon at hinahalikan si Shawn kahit saan.

Bumulong nang mahina si Maxine, “Naging kayo ba ni Monica?”

Lumalim ang mga mata ni Shawn sa narinig.

Tumayo naman si Maxine pero nanatiling nakatingin sa mga labi ng lalaki. “Shawn, na-drugs ako. Asawa mo pa rin naman ako, tulungan mo naman ako. Please.”

Bilang tugon, hinawakan ni Shawn ang baywang ni Maxine na sobrang kinis at lambot, gustong-gusto niyang pisilin ‘yon. Dahan-dahan inilapit ni Maxine ang labi niya sa labi ni Shawn.

Hindi ito umatras.

Mas malapit pa at halos maghalikan na sila.

Tumunog bigla ang cellphone ni Shawn at kinuha niya iyon mula sa bulsa niya saka nalaman na ang tumatawag ay walang iba kung hindi si Monica.