Chapter 61

Nakita ko ang isang bugkos ng mga pulang rosas malapit sa aking desk. Naisip ko agad na ipinadala ni Drake ang mga iyon kaya bago ko paman hawakan ang mga rosas ay tinawagan ko siya.

“Hey, Mr. Hernandez para saan ang mga rosas na ipinadala mo?” bungad ko.

Matagal siya bago nakasagot pero lalo lamang ako nagulat sa isinagot niya. Kasunod ay ang nakahihiyang pakiramdam. “Roses? A-Ahhmm If you don’t like then throw it. Anyway it’s not mine,” ani nito.

“S-Sorry. B-Bye!” sa sobrang hiya ko ay agad akong nagpaalam. Dali-dali kong tinignan ang bugkos ng mga bulaklak at nabitawan ko ang mga ito ng bigla akong natusok ng mga tinik. Agad kong kinuha ang first aid kit at nilagyan ng gamot. Medyo malalim ang sugat na nagawa ng tinik na iyon. Muli kong binalikan ang bulaklak na nasa sahig at binuklat ang card.

Still love him? Huh. Magsaya ka dahil may araw ka rin.

Wala akong ideya kung sino ito pero isang tao lamang ang tinutukoy nito. ‘Si Drake!’ Siya lang naman ang nakasama kong lalaki nitong m