Chapter 63

NAIHAMPAS ni Laila ang kaniyang kamay sa lamesa ng malaman ang pagtatanong ng isang imbestigador sa nabili niyang property.

“B-Bakit ba nila pilit na inuungkat ang nakaraan? Tapos na ang lahat hindi ba? Napaghiwalay ko na sila at ngayon magkasama na naman sila ulit!” nagsusumigaw siya sa kaniyang maliit na opisina.

Dali-dali niyang kinuha ang bote ng alak at nagsalin sa kaniyang kopita. Hindi siya papayag na mahuli siya at maging dahilan ng pagbabalikan nila Drake at Lumiere.

Matapos niyang lagukin ang halos kalahati sa kopita ay napangiti siya sa naisip.

“It’s time to say goodbye, My dear cousin,” naiusal niya.

+++

ISANG bisita ang nakita ni Lumiere sa kaniyang pintuan ng umaga ding iyon. Agad niya itong nilapitan at pinagbuksan. Si Laila.

“Couz,”

“Laila, Anong ginagawa mo dito?” direkta niyang tanong.

“Hmm..masama bang bisitahin ka? Ikaw lang ang natitira kong kakilala dito sa Syudad. Alam mo namang nag-migrate na ibang bansa si Mom,” dire-diretso itong pumasok sa loob ng gallery.

T