Chapter 2

Aaaaaaahhh!!!!” Isang malakas na hiyaw ang namutawi sa loob ng studio.

Punong puno ng galit ang nararamdaman ngayon ni Audrey dahil sa mga oras na ito ay malamang ikinakasal na ang kanyang boyfriend na si Drake. Ipinagbabato nya anu man ang kanyang mahagip. Wala syang pakialam kahit masira ang mga iyon na pag-aari ng modelling agency na nagmamanage sa kanya. Malakas ang loob ng dalaga dahil sya ngayon ang pinaka-indemand na modelo sa PhilStar Modelling Agency dahil na rin sa tulong ng kanyang maimpluwensyang boyfriend na sya ring pinakamalaking sponsor ng ahensya.

“I should have dispatched that b*tch a long time ago!” habol ang hininga dahil halos maubos ang kanyang enerhiya sa pagbato ng mga gamit.

“You need to calm down.” saway ng baklang manager ni Audrey na si Jonas.

Sa simula pa lang ng career nya sa modelling ay ito na ang kasa-sama nya. Napabuntunghininga ito habang tinitingnan ang kalat na ginawa ng alaga nyang modelo. Binalingan sya ni Audrey.

“It’s your fault. You shouldn't have allowed those reporters to see Drake with that b*tch!” Malakas na sigaw nito sa manager. Tumikwas ang kilay ng bakla.

“Look, sinunod ko lang ang instruction mo na dalhin ang mga reporters sa labas ng kwarto nyo ni Drake. Hindi ko kasalanan na natulog ka sa tent. Sino bang mag-iisip na pagdating namin dun eh yung mutsatsang yun ang madadatnan namin.” Pagpapaliwanag ni Jonas at isa isang inaayos ang mga upuan na ipinagtatalsik ni Audrey.

Totoo ang sinabi ng manager nya. Inutusan nya ang katulong nyang si Iska para lagyan ng pampatulog ang inumin ni Drake. Inutusan din nya si Jonas na magtawag ng mga reporters upang ibulong sa mga ito na may kasamang babae ang mailap na si Drake Rufino, 29 years old bachelor na tagapagmana ng Rufino Holding Company na isa sa pinakamalaking kompanya sa bansa.

Ang planong yun ay para sila sana ni Drake ang madatnan ng mga itong magkasama sa iisang kwarto upang mapilitan itong iannounce ang relasyon nilang dalawa. Malakas ang tolerance ni Drake sa alcohol kaya kahit lasingin nya ito ay maari itong magising agad at lumabas bago pa man dumating ang mga reporters. Nilagyan nya ng pampatulog ang inumin nito para siguraduhing makakatulog ito ng malalim hanggang kinabukasan. Ang hindi nya maintidihan ay kung bakit nakatulog sya sa tent kung saan sila nag-inuman ni Drake. Ang naaalala nya ay inihatid nya ang boyfriend sa kwarto nila ng unti-unti nang tumatalab ang pinainom nyang gamot. Bumalik lang sya sa tent para kunin ang kanyang gamit ngunit nakatulog sya doon.

Gusto rin nyang sisihin ang boyfriend nya dahil ilang beses na nya itong sinabihan na sisantihin ang katulong. Palagi kasi nya itong nahuhuling nakatingin kay Drake. Sabagay ay napakagwapo naman talaga ni Drake kaya madaming babaeng umaaligid at lumalandi dito. Nagalit sya ng makitang si Mutya pa talaga ang isinama nitong alalay nang magpunta sila sa resort nang magdiwang si Drake ng kaarawan. Si Audrey mismo ang nag-asikaso ng romantic dinner na yun sa isang resort. Sinabihan sya ni Drake na wag masyadong intindihin si Mutya dahil bata lang daw ito. Nagwala siya sa galit at dahil doon ay nangako ito na pagbalik ng Maynila ay sisisantihin ang katulong. Hindi nya akalain na sa bandang huli ay ito pa pala ang papakasalan ng boyfriend nya.

“Unang kita ko pa lang sa malanding tsimay na yun, alam ko nang walang gagawing mabuti. Kitang kita ko kung paano nya titigan ang boyfriend ko. Ang kapal!” paghihimutok ni Aubrey sa manager nito.

Hindi malaman ni Aubrey ang gagawin para pakawalan ang galit na nararamdaman. Pasalya syang umupo sa couch. Sapo-sapo ang ulo na nananakit na sa sobrang stress. Mabuting boyfriend si Drake. Sunod lahat ng luho niya. Nag-iba ang takbo ng kanyang career mula nang maging sila. Kung dati-rati ay matumal ang projects na natatanggap nya, ngayon ay kabi-kabila na dahil sa impluwensya ni Drake. Dati ay nangako ang binata sa kanya na oras na makuha nito ang posisyong CEO ay iaannounce nila sa publiko ang kanilang relasyon ngunit hindi nya kayang maghintay ng ganung katagal. Tatlong buwan pa lang silang magboyfriend ni Drake at maraming babaeng umaaligid dito kaya binalak nyang bakuran agad ang kasintahan. Hindi naman nya akalain na ang katulong nito ang makinabang sa pinlano nya.

“Sana pinigilan mo yung kasal. Bakit ka kasi pumayag” sagot ni Jonas na patuloy na nililinis ang paligid.

“Pano ko gagawin yun, eh tatanggalan sya ng mana pati trabaho nya mawawala. I know Drake is f*cking hot pero aanhin ko naman yun kung wala syang pera. Pano na career ko? Tengga na naman kagaya dati? Ayaw ko nang bumalik sa ganung buhay na minamaliit ka ng mga kapwa mo modelo.” ani Aubrey na kumukuyakoy ang mga paa. Unti-unti ng nawawala ang kanyang pagka histerical.

“So pano ngayon kasal na sila nung mutsatsa?” tanong naman ni Jonas dito.

“He will become the CEO in less than a year, taking over from his dad then idi-divorce nya ang malanding yun.” Kahit masama pa rin ang loob ang napangiti sya sa idea na magiging malaya na muli Drake. Sigurado syang tutuparin nito ang pangako dahil alam na alam nya kung gaano sya kahalaga para sa binata.

**************************

Samantala agad na ipinadala ni Don Antonio si Mutya sa Singapore pagkatapos makuha ang passport nito. Palibhasa ay maraming koneksyon kaya naman mabilis itong naproseso. Kasama ni Mutya si Donya Agatha na umalis ng bansa. Sa Singapore na rin nagdiwang ng ika-18 na kaarawan si Mutya. Isinama sya ng ginang sa isang mamahaling restaurant at niregaluhan sya ng mamahaling necklace. Yun ang unang beses na makatanggap ng mamahaling regalo si Mutya. Nahihiya man ay tinaggap nya ito. Laking pasalamat ni Mutya dahil sa magandang pakikitungo ng ginang sa kanya.

Simula ng magtungo sila ng Singapore ay isang beses lang nakita ni Mutya si Drake. Yun ay sa mismong kaorasan na ng kanilang kasal. Kagaya nang nakaplano ay nagpakasal sila pagkatungtong na pagkatungtong nya ng disi-otso anyos. Wala silang bisita maliban kay Donya Agatha at isang abogado ng pamilya Rufino. Nag pirmahan lang silang ng marriage contract. Wala pang 15 minutos ay tapos na ang kasal. Agad din nagpaalam si Drake na hindi man lang kinausap ang bagong asawa. Hindi naman yun nakaapekto kay Mutya dahil napakabait ng ginang at parang anak na siya kung ituring nito. Marahil ay pinupunan lang nito ang matabang na pakikitungo ni Drake sa asawa.

Pagkabalik nila ng Pilipinas ay ikinuha ni Don Antonio ng condomiunium unit ang bagong kasal upang doon manirahan. Kasama ni Donya Agatha na namili ng mga bagong gamit si Mutya. Bilang bagong miyembro ng pamilya Rufino ay nakatanggap din si Mutya ng Black Card. Yun ay isang exclusive credit card na para lamang sa mga ultraweathy family. Ramdam ni Mutya ang maluwag na pagtanggap sa kanya ng pamilya Rufino maliban kay Drake.