Kabanata 4

"Hmmpp! Tabi tayo maya." Anito at kumagat ng lumpia.

Tumango siya at ngumiti kay bunso. Rinig niya ang buntong hininga ni Zeus ngunit di niya pinansin. Nagpatuloy ang hapunan nila habang pinag-uusapan ang buhay ni Zeus sa syudad. Si Zeus ang naghugas ng pinggan habang siya naman ay nasa mesa. Pinaliguan ng kanyang Mommy Lory si Poseidon at nakalimutan nito ang sinabi sa hapagkainan.

Pumasok siya sa kitchen habang dala ang dalawang baso at inilagay sa sink kung saan naghuhugas pa rin si Zeus. Naka puting sando lamang ito at jogging pants.

"Doon ka lang, Thena. Just sit. Malapit na to'." Pagtataboy nito na akmang tutulong siya.

Nagkibit-balikat siya at umalis sa tabi ni Zeus. Nilapitan niya ang isang silya at umupo rito. Pinagmasdan ni Athena ang swabeng galaw ni Zeus hanggang sa natapos nga ito.

"It's still eight in the evening, you don't want to watch television?" Tanong nito habang nagpupunas sa sink.

Napatingin siya sa wall clock mula sa sala at tama nga si Zeus. Napaisip naman siya sa tanong ng lalaki pero walang maganda sa television. Aside from bias news at cringe na teleserye, hindi siya interesado.

"Magbabasa na lang ako ng pocket book." Sagot niya nang maalala ang binigay sa kanya ni Azyl.

Azyl is number one fan of pocket books. Marami itong libro kagaya ni Zebediah. Ang dami nitong koleksyon mula old editions hanggang bagong labas. Nahawa ang kababata sa ate Zebediah nilang mahilig sa precious hearts romance. Kaya pati si Athena, nadadala na rin minsan. Kahit minsan, di niya pa alam kung para ba talaga iyon sa edad niya.

"Is that good, Thena? Baka kung ano-ano ang pinabasa sa'yo ni Ursula." May halong duda at protective tone ang boses ni Zeus tila walang tiwala si Zeus sa sarili nitong kapatid na si Zebediah Ursula.

Alam kasi niya kung anong klaseng stories ang meron kay Zebediah Ursula. Mga pocketbook na puno ng kilig, drama, at kung minsan… sobra sa kaartehan.

And he knows what that world looks like. Zebediah grew up in the elite circle and the city, where people were loud, expressive, and incredibly liberated. Hindi lahat doon pang-bata, ‘ika nga.

Napairap si Athena nang kaunti.

“Z, it’s just a story…” bulong niya, kahit sa loob-loob niya curious din siya.

Napasandal na lang si Zeus sa sink at ang tingin sa kanya ay parang scanner. Nilalabanan niya ang titig nito kaya't napabuntong hininga ang lalaki.

Napasuklay ito sa magulong buhok at umayos ng tayo.

"Fine.. let's go to bed, Thena. I'm sleepy."

Tahimik lamang nagbabasa si Athena sa kama habang nakadapang nakahiga si Zeus sa kanyang tabi. Inaantok na ito pero pinagmasdan lamang siya sa kanyang ginawa. Suot niya ang kanyang reading glass na regalo ng kanyang Daddy Phoenix.

"It's already eleven in the evening, Thena. No more one chapter." Mahinang saway sa kanya ni Zeus.

Mabilis siyang sumulyap dito at muling tinuon ang atensiyon sa kanyang binasa. Ten chapters na lang at ending na. Humapdi na rin ang mga mata niya kaya nilagyan niya ito ng bookmark bago tiniklop.

Napabuntong hininga si Zeus at umayos ng pagkadapa para bigyan ng space si Athena kung saan pinatong ang pocket book sa study table nito. Agad itong tumabi sa kanya at inayos ang kumot bago humiga.

Napatitig siya sa wall painting malapit sa bintana. Mariin, halos hindi na kumukurap.

He knows… he knows what’s behind that painting.

Athena’s dad is watching him. Again.

Kung hindi pa niya nakita minsan na kumurap ang tiny lens sa sulok, iisipin niyang paranoid lang siya. Pero hindi. Sigurado siyang may CCTV sa likod niyon. Siguro isa na namang “precaution” ng Tito Phoenix niya. Nakalimutan nga ni Poseidon tabihan ang ate pero ang pagiging sumbongero nito ay kakambal na niya.

It was fine for him. Kahit siya, gagawin din iyon kung may lalaking pumasok sa kwarto ni Zebediah. Walang duda.

But in his case with Athena, wala siyang gagawin na.....na ano?

Hindi siya lalapit. Hindi siya gagawa ng kahit anong puwedeng bigyan ng maling meaning. Hindi siya gagawa ng bagay na ikagagalit ng ama nito. At higit sa lahat, hindi niya hahayaang masaktan si Athena—hindi dahil sa kanya.

He swallowed, jaw tightening slightly.

Sa totoo lang, hindi niya rin alam kung bakit ganoon kabigat ang nararamdaman niya tuwing napapansin niyang binabantayan siya. Wala naman siyang masamang balak. Hindi rin niya alam kung dapat ba talaga siyang kabahan o ma-offend na isang higanteng trained warrior ang may hawk-eye sa bawat galaw niya kapag nasa tabi siya ni Athena.

Pero sigurado siya sa isang bagay. He respects her. More than anyone thinks he does. And whatever everyone assumes...whatever her dad fears…he won’t cross that line.

Kahit na minsan, deep inside, hindi niya maintindihan bakit hirap siyang lumayo kay Athena.

"Sleep ka na, Z. Inaantok ka na." Malumanay na sabi ni Athena, para bang siya ang mas nakatatanda.

Napakurap si Zeus, parang nagising sa sariling pag-iisip. Bumaling siya agad sa kanya, at doon agad sumalubong ang maiitim, kalmadong mata ni Athena. Nasa gilid lang ang mukha niya, nakatagilid ito paharap sa kanya, yakap-yakap ang malambot nitong unan na parang security blanket.

Isang kumot lang ang meron sa kanilang dalawa, at kahit na sanay naman siya makitulog sa kwarto ni Athena, iba ang pakiramdam ngayon. Hindi niya alam kung dahil ba sa katahimikan ng gabi, sa lamig ng hangin mula sa bintana, o dahil lang kay Athena mismo.

She looked so small. So gentle. So unaware of the thousand thoughts running through his head.

At doon niya naramdaman ang biglaang kirot sa dibdib. Hindi ito masakit pero nakakapuno. Something he couldn’t name. Something he had no right to name.

"You should sleep too, Thena. Goodnight.." bulong niya rito at dinampian ang noo.

Napapikit si Athena sa ginawa ni Zeus at mahigpit niyang niyakap ang unan. Kalaunan ay nakatulog siya habang walang kaalam-alam na nakatitig lamang sa kanya si Zeus.

Hinaplos ni Zeus ang pisngi ni Athena at hinawi ang iilang hibla sa mukha nito. He's sleepy pero hindi siya makatulog dahil kapag tumitingin si Athena sa kanya, tila lumiliit ang mundo sa paligid nila.