One Night With The Tyrant Mafia

Kanina pa palinga-linga sa paligid si Roselle. Pakiramdam niya ay may mali sa agency na pinasukan niya. Marami silang mga kababaihan ang nakapila at pinipili lang ang mga pinakabata at magaganda. Wala rin siyang makitang mga lalaki na aplikante.

Akma na sanang aalis si Roselle para sa iba na lang maghanap nang trabaho nang tawagin ang pangalan niya. Pinapasok na siya sa loob at tiningnan lang ang katawan at itsura niya. Nang makita niyang tumango lang ang babaeng nasa middle age ay akma na sana siyang aalis nang pigilan siya ng isang babae.

“Saan ka pupunta? Akala ko ba kailangan mo ng trabaho?”

“Oo, pero yung normal na trabaho. Ano bang trabaho ang ibibigay niyo?” kinakabahan na tanong ni Roselle, she’s only 20 years old.

“Ito na yun, binibigyan ka namin ng trabaho na mabilis lang. Isang gabi lang ang trabaho niyo at malaking pera ang makukuha mo. Ang sabi mo ay kailangang kailangan mo ng trabaho para sa kapatid mong hindi makapaglakad, hindi ba? Ngayon ka pa ba aatras?” napalunok si Roselle. Narealize niyang tama naman ang babae pero hindi niya alam kung bakit siya natatakot at kinakabahan sa trabahong ibibigay sa kaniya.

“Anong trabaho ba yun?” tanong niya.

“Malalaman mo mamaya, sa ngayon kailangan mong sumama sa akin.” Hinila na ng babae si Roselle. Lumabas sila pero hindi na sila dumaan sa kung saan pumasok si Roselle kanina. Isasakay na sana si Roselle sa sasakyan nang muli siyang umatras.

“Hindi ko na tatanggapin ang trabaho. Uuwi na lang ako.” Saad niya at akma sanang aalis nang bigla siyang hampasin sa batok dahilan para mawalan siya ng malay.

“Hindi ka na pwedeng umatras. Siguradong malaki ang kikitain namin ngayong gabi dahil sayo. Still young and fresh.” Nakangising wika ng babaeng kausap ni Roselle kanina. Idinala nila si Roselle sa underworld kasama pa ng ibang mga kababaihan. Sa mundo kung saan talamak ang pagbebenta ng mga kababaihan sa mga mayayaman, mga mafia, mga gangster at mga sindikato.

Nagising na lang si Roselle sa isang kwarto na hindi pamilyar sa kaniya. Mabilis siyang bumangon para lumabas ng kwarto pero nakalock ang pintuan.

“May tao ba diyan? Palabasin niyo ako dito!” sigaw niya habang kinakatok ang pintuan pero tila ba walang nakakarinig sa kaniya. Nagulat na lang si Roselle ng makita niya ang sarili niya. Nakasuot na lang siya ng revealing clothes. Maiksing skirt at tube na tanging suso niya lang ang natatakpan. Mabilis na niyakap ni Roselle ang sarili niya. Natatakot na siya sa pwedeng mangyari sa kaniya ngayong gabi.

Nag-aalala na rin siya sa kapatid niyang naghihintay sa kaniya. Naiiyak na si Roselle dahil hindi niya alam kung nasaan siya at hindi niya alam kung paano ba siya makakalabas.

“Palabasin niyo ako dito! This is kidnapping!” sigaw niya pero wala pa ring nagbukas ng pintuan niya. Sunod-sunod niyang hinampas ang pintuan. Nang bigla itong bumukas ay napaatras si Roselle. Pumasok naman si madam Ruth, ang babaeng kausap din ni Roselle kanina.

“Palabasin niyo na ako dito. Nasaan ba tayo? Gusto ko ng umuwi.” Pakiusap ni Roselle na tila ba tutang nawawala at natatakot na. Sinenyasan ni Madam Ruth ang mga tauhan niyang lumabas muna ang mga ito saka niya kinausap si Roselle.

“Ibibigay ko sayo ang pera na kailangan mo. Magkano ba?” umiling si Roselle.

“Anong klaseng trabaho ba ang ipapagawa niyo sa akin?”

“Just one night, Roselle. Isang gabi lang ang kailangan mo para makuha ang perang gusto mo. 50% commission ang makukuha mo. Kapag malaki ang ibinayad nila sayo, malaki rin ang maiuuwi mo. Kailangan mo lang ibigay ang gusto ng customer mo sa buong gabi. Kapag may ginawa ka sa customer mo at sinubukan mong tumakas, wala kang makukuhang pera kahit piso.” Napailing si Roselle. Hindi niya kayang gawin ang pinapagawa sa kaniya lalo na at hindi naman ganitong trabaho ang hinahanap niya. Nag-aaral pa siya ng college at wala pang nakakagalaw sa kaniya. Ayaw niyang mawala ang iniingatan niya ng maraming taon sa ganitong klaseng trabaho.

“Gusto ko nang umuwi.” Matigas na sagot ni Roselle pero ngumiti lang si Madam Ruth sa kaniya.

“Hindi na pwede, Roselle.” Sagot naman ni Madam Ruth saka ito tumayo at binuksan na ang pintuan. “Ilabas niyo na siya.” Utos ni Madam Ruth. Hinawakan na ng dalawang lalaki si Roselle pero nagpumiglas siya.

Sinuntok ang bandang puson ni Roselle dahilan para manghina siya. Inilabas na siya ng kwarto kasabay ng ibang mga babae saka sila idinala sa stage. Nanghihina pa si Roselle dahil sa suntok sa kaniya.

“Nasaan ba talaga tayo? Gusto ko ng umuwi.” Natatakot ding wika ng ibang mga kababaihan.

“Ayos ka lang ba?” tanong ng isang babae kay Roselle. Inalalayan niya si Roselle para makatayo ito ng diretso.

“Alam mo ba kung nasaan tayo?” tanong ni Roselle. Umiling naman ang babae.

“Hindi ko rin alam pero ang alam ko ay balak nila tayong ibenta sa mga taong nandito sa lugar na ‘to.” Napapaiyak na lang si Roselle dahil ang gusto niya lang naman ay maayos na trabaho para maipagamot niya ang kapatid niyang hindi makapaglakad dahil sa nangyaring aksidente sa kanila two years ago.

Nagsimula ang bidding, nauna na ang ibang mga babae.

Mula naman sa mga crowd ay may lalaking nakatingin na kay Roselle. Napapangiti at napapailing na lang siya dahil kitang kita kay Roselle na para itong kuting na takot na takot. Ibinuga ni Darius ang usok mula sa ginagamit niyang vape. Wala siyang balak na bumili ng babae dahil hindi niya naman kailangan yun. Isinama lang siya dito ng kaibigan niya at gusto niya lang manuod.

Nagpatuloy ang bidding. Panay ang buga ni Darius ng usok habang isa-isang tinitingnan ang mga babae.

“May gusto ka bang bilhin sa kanila?” tanong ni Nigel, ang kaibigan ni Darius.

“Hindi ako interesado.” Sagot ni Darius. Nanuod lang siya. Nang magsimula ang bidding kay Roselle ay napapataas ang kilay niya.

“1.5 million,”

“3 million,”

“10 million,” pataas nang pataas ang bidding kay Roselle. Muling hinigop ni Darius ang vape niya at ibinuga ang usok nun. Titig na titig siya kay Roselle, pilit na ibinababa ni Roselle ang skirt niya habang tinatakpan ang katawan niya.

“20 million!” napatingin si Darius sa matandang lalaki na gustong gustong bilhin si Roselle. Hindi pa man tapos ang bidding nang tumayo na si Darius.

“Saan ka pupunta?” tanong ni Nigel.

“Iihi lang ako, gusto mong sumama?” sagot ni Darius na ikinatawa naman ni Nigel.

“Sige na, umalis ka na.” wika ni Nigel. Lumabas naman na si Darius saka niya kinuha ang sigarilyo niya at sinindihan iyun. Samantala naman, nanginginig na ang buong katawan ni Roselle. Hindi niya akalain na posible niyang kitain ang million sa isang gabi lang pero ayaw pa rin niyang isuko ang katawan niya.

Umabot ng 100 million ang halaga kay Roselle at tuwang tuwa si Madam Ruth dahil tama ang hinala niya, malaki ang kikitain nila kay Roselle. Nang matapos ang bidding sa kaniya ay muli siyang hinawakan ng dalawang lalaki at ibinaba na siya ng stage.

“Saan niyo ako dadalhin?! Gusto ko nang umuwi!” umiiyak na sigaw ni Roselle. Kinaladkad naman na siya ng dalawang lalaki.

“Dalhin na siya sa room 108,” utos ni Madam Ruth.

“Please, hayaan niyo na akong umuwi. Pakiusap!” pagmamakaawa niya. Inilabas naman na si Roselle. Nagpupumiglas pa siya sa dalawang lalaki. Napatingin si Darius kay Roselle nang makita niya ang mga ito.

“Nagmamakaawa ako, hayaan niyo na akong umuwi. Pauwiin niyo na ako. Kakalimutan ko ang pangingidnap niyo sa akin, pauwiin niyo lang ako!” umiiyak niyang pakiusap.

“Tumigil ka kung ayaw mong mapilitan kaming saktan ka.” Galit namang sigaw sa kaniya ng isang lalaki. Nang makita ni Roselle si Darius ay nakikiusap ang mga mata niya. Nagtitigan silang dalawa pero natigil na iyun nang makalampas na si Roselle. Napapailing na lang si Darius saka siya bumalik kung nasaan ang kaibigan niya.