Chapter 20

Nagising si Olivia sa malakas na yugyog ni Ellise sa kanyang balikat. Ayaw pa sana niyang bumangon dahil inaantok pa siya eh, kaso nga ayaw siyang tantanan ng pinsan niya. Ayun kahit hindi pa niya naibubuka ang kanyang mga mata ay bumangon na siya.

Humikab pa siya pero nanatiling nakapikit ang mga mata.

"Ano ba, Ellise inaantok pa ako. Dis-oras ng gabi ginising mo pa ako!" nagmamaktol na sabi niya sa pinsan.

"Tsk! Bumangon ka na riyan, dali!"

"Bakit ano ba?" pupungas-pungas na tanong niya rito.

Napakunot ang noo niyang sinundan ang nagtatakbong pinsan papunta sa sala. Nakita niyang may sinilip ito sa pintuan.

"Hoy! Ano ba sinong sinisilipan mo riyan, huh?"

Suminyas itong huwag maingay.

"Halika rito, dali!"

"Tsk! Ayoko! Mabuti pa babalik na lang ako sa kwarto. Akala ko pa naman may importante kang sasabihin eh, maninilip lang pala tayo, solohin mo na lang iyan, Ellise."

Babalik na sana siya sa silid nang bigla na naman siyang pinigilan nito.

" Ano ka ba! Matulog na nga lang Tayo!"

"Shhh