الفصل الثالث

في الكليه كانت نور تجلس في الكافتريا جلس عمر بجانبها وهو يقول: قاعده لوحدك ليه.

نور بابتسامه: ابيه عمر ازيك عامل ايه

عمر: الحمد لله كويس وانتي اخبارك.

نور: الحمد لله تمام انت هنا ليه.

عمر: جای لاخوکی

نور: كريم مش هنا.

عمر: راح فين

نور: مش عارفه شفته من شويه طالع بعربيته وكان ماشي بسرعة.

عمر باستغراب: خير هكلمه افهم منه

نور: تمام.

رن هاتف كريم فأجاب: ايوا

عمر: فينك.

كريم: مشوار كدا.

عمر: انا في الكليه استناك.

كريم: لا انا مش هرجع الكليه اصل احتمال اتأخر روح انت.

عمر: اجيلك.

كريم: لا ملوش لزوم

عمر:انت فين يا كيمو

كريم: فى المستشفى فى بنت عندى اغمى عليها وديتها المستشفى وهاستنى على ما تفوق.

عمر بخبث: بنت اه ماشي حلوه

كريم: اتلم يابنى انا مش ناقصك.

عمر لنور: متقلقيش يا نور كريم فى مشوار بس هيخلص ويروح

كريم: هو انت مع نور.

عمر: اه كنت جايلك لقيتها قاعده روحت اسلم عليها.

كريم: طب تمام خدها روحها بقا علشان انا هاتأخر.

عمر: تمام عيش بقا وابقى احكيلي.

كريم: اقفل یا حیوان

عمر: مع السلامه

**********

في شركة الصياد

أحمد يمشي بضيق ولم ينتبه لمحمد الذى اصكدم به

محمد: مالك يابني في ايه

احمد بضيق: مفيش

رن هاتف محمد برقم غريب محمد: ايوا مين

فاطمه: بشمهندس محمد.

محمد: ايوا مين معايا.

فاطمه: انا فاطمه النجار صاحبت مريم

محمد: اهلا یا فاطمه عامله ای.

فاطمه: الحمد لله كنت عاوزه اقول لحضرتك تعالى المستشفى مريم اغمى عليها واحنا هناك.

محمد بخضه: مریم طب هي كويسه

فاطمه: اه هي كويسه

محمد: طب تمام انا جاى على طول مسافة السكه وهاكون عندك.

أحمد : فيه اى مريم مالها.

محمد: مفيش انا ماشى خلى بالك من الشغل سلام.

وصل محمد إلى المشفى وصعد إلى الغرفة التي اخبره بها الاستقبال وجد فاطمة ومعها شاب لا يعرفه اقترب منهم وتكلم بغيرة: فاطمه ايه اللي حصل

فاطمه: مفيش يا بشمهندس هی بس ضغطها وطى ومكانتش اكلت حاجه وكدا وانت عارف مريم مش بتستحمل والشغل في الورشه وكدا.

محمد: طب هي عامله ايه دلوقتي.

فاطمه: كويسه الحمد لله هى نايمه دلوقت وشويه وها تصحى.

محمد : تمام.

كريم: حمد لله على سلامة البشمهندسه مريم.

محمد: الله يسلمك بس مين حضرتك.

كريم: كريم الغازى دكتور مريم في الكليه.

فاطمه: دكتور كريم هو اللى نقل مريم هنا يا بشمهندس

محمد وهو يمد يده اليه: اهلا يا دكتور اتشرفت بمعرفتك شكرا تعبنا حضرتك معانا

كريم وهو يصافحه: الشرف ليا يا بشمهندس

محمد: عاوز ادخل اشوفها ينفع ولا لاء.

فاطمه: ادخل عادي.

دلف محمد الى الغرفه وجدها نائمة جلس بجانبها وهو يطالعها بحنو ويربت على جبينها.

محمد:خضتینی علیکی يا حبيبتي

في الخارج

كريم: ليه مقولتيش لاخوها على اللى الدكتوره قالته وعلى اللي حصل في الكلية

فاطمة: علشان مريم مش عاوزه حد من أهلها يعرف وياريت حضرتك متقولش حاجه لمحمد

كريم بتفهم: انا مش هقول حاجه بس كدا غلط انها تخبي عن اهلها وليه تخبي اصلا

فاطمة: اسفه بس دا سر صاحبتي

********

مساء في بيت الصياد

يجلس محمد مع مريم فس غرفتها

محمد: عامله ای دلوقتی

مريم: الحمد لله كويسه يا حبيبي.

محمد: ايه اللى حصل

مریم : مفيش يا حبيبى ضغطى بس وطى شويه علشان مكنتش كلت ووقفنا كتير في الورشه.

محمد وهو يجذبها الى احضانه: خضتینی علیکی متعرفيش اى اللى حصلى لما لقيت فاطمه بتكلمنى وتقولى انك في المستشفى.

مريم وهو تشدد من احتضانه : متقلقش يا حبيبي انا كويسه اختك حديد.

محمد بضحك وهو يبتعد عنها: حديد اي بس حديد مغشوش ثم تابع بس دكتور كريم كان شكله قلقان عليكي

مريم باستفهام: دكتور كريم؟

محمد بمكر: ايه دا هو انتى متعرفيش ان هو اللى وداكي المستشفى انا قابلته هناك لما روحت وكان شكلو قلقان عليكي.

مريم وداني المستشفى لا والله وفاطمه هي اللي قالتلو بقا ولا ايه

محمد: لا انا لما سألت فاطمه قالت انه لما شافك وقعتى جه وسندك معاها ووداكى المستشفى

مریم: اممممممممممم تمام

محمد: يلا انا هقوم انام بقا تصبحي على خير

مريم: وانت من أهله

وامسكت هاتفها وطلبت صديقتها

فاطمه: الو ايوا یا روما عامله ای.

مریم : قوليلى بقا كدا انا روحت المستشفى ازاى

فاطمه بارتباك: بصي من غير زعيق كدا دكتور كريم هو اللي وداكي انتي وقعتي مني ومكنتش عارفه اعمل اي هو سندك معايا وركبنا عربيته وروحنا

مريم وقد تفهمت خوف صديقتها عليها: طب تمام خلاص محصلش حاجه

**********

في بيت الغازى كريم قاعد مع محمد في المكتب

كريم:بابا هي العيلة اسمها اى.

محمد: الصياد.

كريم : نعم الصياد.

محمد: اه .

كريم: كريم الصياد يبقى ايه لحضرتك.

محمد: كريم اخويا الكبير منا مسميك على اسمه انت تعرفه منين.

كريم: اعرف ابنه محمد وبنته مريم طالبه عندي في الكلية

محمد: اه تمام.

كريم: هنروح امتا.

محمد: قريب.

کریم: تمام

*******

بعد اسبوع في احد المستشفيات وخاصة في العناية المشددة يرقض رجل متعلق بجسده اسلاك كثيرة

أمجد بضعف: عاوز اشوف كريم الصياد.

ماجد: حاضر يابابا هكلمه واقوله يجى لحضرتك.

بعد فتره يدلف كريم الصياد بهيبته وحراسته الى المستشفى ويصل إلى مكان أمجد

أمجد: مش عاوز حد هنا غير كريم

كريم وهو يجلس إلى جانبه: في ايه يا أمجد

أمحد: انا حاسس ان ساعتی قربت علشان كدا بعتلك فيه حاجه لازم تعرفها يا كريم.

کریم: متقولش كدا ربنا يطول في عمرك الكلام هايتعبك بلاش تتكلم احسن.

امجد : الوقت بيعدى لازم اقولك علشان لما اقابل وجه كريم ابقى مرتاح أخوك محمد عايش مماتش كان عايش في المنصورة وجه اسكندريه من فتره قصيرة متزعلش منو يا كريم هو معرفش يرجع علشان كان خايف عليكم لانهم لو عرفوا انه لسه عايش كانو ها يخلصو عليكم علشان ينتقموا منه دول مبيهزروش و مش اى حد دول مافيا علشان كدا القيادة رتبت جثة واندفنت على اساس انها جثة محمد وهو اتنقل المنصورة وعاش هناك بإسم تانى واتجوز وعندو ولد وبنت هو ساكن فى ....... روح ليه يا كريم واعرف انه كان غصب عنه دي كانت اوامر معرفش يرجع.

كان كريم في حالة من الصدمة الكبيرة فأخاه الأصغر مازال على قيد الحياة أخاه الذي كان يحبه أكثر من أي شيء