الفصل السادس

وقفت مريم تطالعه وهو يضحك مع أخيها وأبيها وفى داخلها صراع من المشاعر والاضطرابات ماذا يحدث هو ابن عمها يبدو أن القدر يقربهم أكثر وكأن كل شيء يأبى أن تبتعد عنه ارادت أن تخرج مما يدور في عقلها فاختارت ان تبتعد من أمامه

مريم: نور تعالى اوريكي اوضتي ونقعد مع بعض شويه

نور: يلا بينا

نظر كريم لها شزرا فهى تعلن تجاهلها له حسنا يا ابنة الصياد فأنتى من بدأتي اللعب.

ذهبت نور مع مريم وجلست كل من أمينه وصفاء يتحدثان وذهب الرجال الى جنينة المنزل ليتحدثون

كان يجلس محمد الغازى وكريم الغازي وكريم الصياد ومحمد الصياد.

كان يعم الهدوء نوعا ما إلى ان قال كريم الغازي: أنا كنت عاوز اتكلم معاكم في موضوع ثم أردف: عمي انا عاوز اتجوز مريم بس اللي واضح ليا انها بتبعدني عنها كل ما احاول اقرب منها بتهرب مني اوقات بحس ان فيه مشاعر منها ليا بس هي بتداريها

كريم الصياد: انا معنديش مانع بس الرأي الاخير لمريم لو وافقت يبقا تمام

كريم الغازي: مهو انا كنت عاوز اطلب من حضرتك طلب انا مش عاوز مريم تعرف دلوقت اي حاجه لحد ما اتأكد من مشاعرها ليا انا بس كنت عاوز اكتب كتابي عليها علشان اعرف اقرب لها واقربها مني

محمد الصياد: انت عارف انت بتقول ايه يا كريم

كريم الصياد بهدوء: انا موافق يا كريم بس خلي بالك لو زعلت مريم او ضايقتها انا هزعلك جامد

كريم الغازي: متقلقش يا عمي انا بحب مريم وهحافظ عليها

**********

بعد عدة أيام انتهت إجازة العيد

في منزل الصياد صباحاً

محمد الصياد: روما يلا علشان اوصلك.

مریم : حاضر جايه اهو

أوصلها محمد الى الجامعه وظل واقف مكانه ابتسمت مريم بمكر: واقف ليه يا حبيبي

محمد: مفيش انا ماشي.

مریم بضحك: لسه مجاتش على فكره وبعدين هتشوفها بليل يا حبيبي يلا بقا علشان متتأخرش على الشغل

ذهب محمد وهو في داخله يغلى من صغيرته التي تكشفه دائما فهى تفهمه من عينيه حتى دون أن يتكلم.

بعد انتهاء المحاضرات كانت مريم تجلس مع فاطمه وتحكى لها ما حدث يوم العيد وأن كريم ابن عمها

فاطمه بصدمه : یعنی دكتور كريم هو كريم ابن عمك.

مريم: اه هو ووطى صوتك انا مش عاوزه حد يعرف انه ابن عمى تمام مش عاوزه واسطه انا ولا عاوزه حد يعرفني فهمتی.

فاطمه بتفهم: حاضر يا روما

********

مساء في بيت الصياد كان كل من كريم الصياد وولده محمد يتجهزان للذهاب لبيت باسل النجار والد فاطمه.

كريم الصياد: يلا يا محمد خلصت ولا لسه.

محمد وهو يخرج من غرفته : خلصت يا بابا ونزل تحت عندهم

محمد: روما كدا كويس اي رأيك في اللبس.

مريم وهى تصفر : جامد عليك يا كبير اي الحلاوة دى .

محمد یعنی: حلو مش عارف ليه متوتر كدا وحاسس ان فيا حاجه غلط.

امينه: لا يا حبيبى انت كويس ومفيش حاجة غلط.

وذهبوا إلى بيت باسل النجار كان في استقبالهم

باسل: نورتوا البيت

أخذو يتحدثو فى بعض المواضيع إلى ان اردف كريم لصياد: طبعا يا باسل انت عارف احنا جايين النهارده ليه وأنا يشرفني أن أطلب فاطمه بنتك لمحمد ابنى.

باسل: وانا موافق مبدأيا بس لازم أخد رأيها هي الاول.

نادى باسل فاطمه وذهيت للجلوس معهم

باسل : فاطمه عمك كريم طالبك لابنه ايه رأيك.

فاطمه وقد تسربت الدماء الى وجهها وهي تنظر الى الارض بصوت جاهدت أن يبدو ثابتا وخالي من التوتر : اللي تشوفه حضرتك يابابا.

نظر باسل لمحمد ثم لابنته ثم أردف: يبقى خلاص كدا متفقين نقرا الفاتحه.

تهللت أسارير محمد فأخيرا حب حياته ستصبح له وامتلئ البيت بالزراغيط.

بعد فتره من الوقت غادر كريم ومحمد بعد ما اتفقوا على ميعاد للخطبة وعقد القران حتى يتعامل معها بحرية

صدعت الزعاريط أيضا في بيت الصياد فهاهي أمينه تعبر عن فرحتها بزواج ولدها.

انشغلت كل من فاطمه ومريم فى التجهيز للشبكة فمريم بين الاثنين فهي رفيقتها وهو أخيها.

*********

بارك الله لكما وبارك عليكما وجمع بينكما في خير.

أنهى المأذون جملته هذه وصدعت الزغاريد في أرجاء المكان وأخذ كل من فاطمه ومحمد يتلقيان التهاني من الجميع.

كريم الغازي وهو يميل على مريم: عبالك يا روما.

أجابته ببرود: انت الاول يا ابن عمى.

كريم لا ما احنا الانتين ها نبقى في يوم واحد.

مريم وقد فهمت ما يرمى إليه: بتحلم.

كريم بثقه : لا وقريب كمان وها نبقى نشوف مين فينا اللي بيحلم يا روما.

مريم وقد اغتاظت من ثقته ومن حديثه كله ذهبت من أمامه قبل ان تتهور وتقتل ذلك المتعجرف المغرور.

مريم لنفسها ابعد عنى بقا أنا مش عاوزه اتعلق بيك ضحكت على حال نفسها فهى تقول أنها لا تريد التعلق به ثم أردفت وهو انا لسه ها تعلق بيه انا اتعلقت بيه من زمان من يوم ما دخل عندنا المدرج من يوم ما عرفت انو دكتورى ليه اتعلقت بيه ليه هو بالذات ليه هربت منها دمعة من حسرتها على حالها وقلبها مسحتها بسرعه قبل ان يلاحظها أحد

انتهت السهرة وذهب الجميع إلى منازلهم وبقى محمد مع زوجته فاطمة

محمد: مبروك يا فاطمه

فاطمه بكسوف : الله يا بارك فيك.

محمد وهو يقترب منها : مبسوطه يا حبيبتي.

فاطمه بصدمه: حبيبتك.

محمد : طبعا حبيبتي وروحي كمان

فاطمه: لا براحه عليا بالله عليك انا كدا مش ها استحمل والله.

محمد وهو يشدها من خصرها ويقربها إليه وينظر في عينيها ويهمس لها بشغف : بحبك من زمان اوي كنت مستني تبقى حلالي علشان اقولهالك وانا عيني في عينك كنت بحلم باليوم اللي هتكوني فيه على اسمي

فاطمه بخجل وتلعثم ب..... بحبك.

محمد لم يصدق ما تسمعه أذناه فها هي حبيبته تحبه وتكن له المشاعر واعترفت أيضا.

*********

بعدة عدة اسابيع في الجامعه

تلقت مريم اتصال من والدها

مریم: ایوا يا حبيبي

كريم الصياد: عامله اى يا حبيبة ابوكي

مريم: الحمد لله بخير ثم أردفت بتسائل خير يابابا.

كريم الصياد: بقولك يا روما روحى النهارده مع كريم عندهم عمك كلمنى وعزمنا كلنا على الغدا بكره انتى روحي معاه النهارده وباتى هناك واحنا هانیجی بكره

مريم وهى مصدومه مما قاله ابيها : نعم ابات فين يابابا طب ما اروح البيت واجى معاكم بكره وخلاص.

كريم الصياد: لا يا مريم عمك قالى ان نور عاوزاکی و قالی انك تيجى مع كريم وتباتى عندهم ولا انتي عاوزه تزعلى عمك ونور منك.

مريم باستسلام: طب خلاص يابابا حاضر ها اروح معاه.

وانهت المكالمه مع والدها وتغيرت ملامحها

فاطمه: مالك يا روما قبلتي كدا ليه.

مريم هاروح مع كريم عندهم البيت لا وكمان ها ابات

فاطمه طب بذمتك انتي مش مبسوطه وبعدين باين عليه انه معجب بيكي وهو الصراحه حلو وممكن أي بنت من هنا تخطفه منك انتي مبتشوفيش نظرات البنات ليه ولا ايه

مريم بغيرة: تبا لهم جميعا

فاطمه أخذت صديقتها فى أحضانها ومريم أخذت تبكى وهي في أحضان صديقتها.

مريم في وسط بكائها: خايفه يا فاطمه خايفه اوی.

فاطمه بأسى على حال صديقتها فهي أصبحت تخاف من كل شئ وخاصة الرجال وأخذت تلعن أحمد بداخلها وهى تربت على ظهر صديقتها بحنو صادق ظلت تبث لها الكلمات المهدئة حتى هدأت مريم ومسحت دموعها وأجمعت شجاعتها.

مریم: فاطمه انا هاروح لكريم وانتي بقا روحي

فاطمه: انتى كويسه يا روما

مريم بابتسامه: ايوا كويسه يا حبيبتي سلام.

ذهبت مريم الى كريم الغازي.

مریم: کریم عامل ايه

كريم باستغراب فهي تتجاهله دائما : الحمد لله كويس.

مریم بابا کلمنى وقالى اروح معاك عندكم انت خلصت ولا لسه.

کریم فاضلی محاضرة ها أخلصها ونمشي تحبى تحضريها معايا هي على العموم في سنه تانيه تعالى

مریم: تمام ها احضرها

كريم بمكر : بس بشرط هاتبقى المساعدة بتاعتى