الفصل الخامس

محمد الغازی: ايوا انتي مريم صح

مريم: اجل اتفضل يا عمو

مريم وهي تدلف إلى البيت بصحبة عمها: بابا عمو محمد جه

كريم: نورت بيتك يا محمد.

محمد الغازي: البيت منور بأهله.

كريم الصياد وهو يجذب أخيه اليه يعانقه: وحشتنى يا غالي.

دلفت أمينه وجدت زوجها يعانق أخيه

أمينه بإبتسامه: محمد عامل ایه حمد الله على سلامتك.

محمد الغازي: الحمد لله بخير انتو والله وحشتونى كلكم.

امینه: امال فین مراتك وعيالك مجوش معاك ولا اى.

محمد الغازي: لا مجوش معايا المره دى بس أكيد هايجو قريب

**********

في الجامعه وقف يطالعها وهى تتحدث مع رفيقاتها يراقب أفعالها ضحكاتها عينيها كل حركاتها نعم فهو مستسلم لشعوره نحوها منذ ذلك اليوم الذي تحدث فيه مع عمر وأخبره أن لا يتحكم فى مشاعره وهو مستسلم لقلبه فهى محبوبته ومن احتلت قلبه وأخترقت أسواره تحدث مع نفسه حبيت يا كريم ووقعت وطلعت بنت عمك كمان شفت الصدف ثم رحل توجه الى مكتبه.

**********

بعد فتره من الزمن في بيت الصياد.

مینه: مریم یا مریم انتى فين يابنتي.

مریم: ایوا یا مونى بتنادى ليه.

أمینه: عملتی ايه

مریم غسلت السجاجيد والستاير وكنست البيت وسيقتو وخلصت كل حاجه واه يا ضهری

امينه بضحك على ابنتها: ضهرك وجعك من ايه يا ختی

مریم: اه مش هخلص انا من موال كل عيد دا بقولك يا مونی یا عسل انتى كل سنه وانتى طيبه يا حبيبتي

أمينه بحب : وانتى طيبه ياروما والسنه اللى جايه اشوفك

مريم: من غير ما تكملى انا قاعده على قلبك ومربعه يا قلبي.

امینه: بكره تمشى وتسیبینی واجوز اخوكي واخلص منكم.

محمد الصياد: عاوزه تخلصى مننا يا ماما.

مریم: اه شوفت بقا يا حماده ماما.

امينه: يا حبيبى انا عاوزه افرح بيكم واشوف عيالكم قبل ما اموت.

محمد وهو يقبل يد والدته : ها فرحك قريب يا مونى يا حبيبتي.

امینه بفرحه: بجد يا محمد.

محمد : بجد يا حبيبتي.

مريم بخوف: ومين العروسه بقا.

محمد: فاطمه صاحبتك اي رأيك.

مريم بفرحه وهى تحتضن أخيها : مبرووووك ياقلبي ربنا يتمملك على خير.

محمد: الله يبارك فيكى يا روما وعبالك يا صغنن قلبي انتي.

امينه: ربنا يفرح قلبك يابنى يارب وتكون من نصيبك.

محمد: يارب.

امینه: يالهوى الاكل على النار و ذهبت ميىعة إلى المطبخ وسط ضحكات مريم ومحمد

**********

مساء في بيت الصياد

مريم تجلس مع أخيها في غرفته

مريم: ميدو عاوزه اسألك على حاجه كدا.

محمد: خير يا روما

مریم: فاطمه.

محمد: مالها.

مریم: عاوز تخطبها ليه.

محمد: عادی بنت كويسه ومحترمه واحنا عارفينها كويس وعارفين اهلها فقلت يعنى اتقدم لها وربنا يسهل.

مریم: يعنی علشان كدا بس.

محمد وقد لاحظ تغير وجه أخته وانطفأت لمعة عينيها.

روما انا بحب فاطمه علشان كدا عاوز اتجوزها ومفيش اى حاجه من الكلام الاهبل اللى قلت عليه من شويه دا

مريم وهي تقفز بسعاده: بجد يعنى انت كمان بتحبها انا فرحانه اوی.

محمد: يعنی ايه انت كمان بتحبها هي فاطمه

مريم بارتباك: بقولك اي انا من فرحتى يعنى انك بتحب مش واخده بالی من کلامی متاخدش ليا على كلام تمام وطلعت جرى من قدامه

ذهبت مسرعة إلى غرفتها وأمسكت هاتفها وكلمت صديقتها

مريم: مبروك يا فطوم

فاطمه باستغراب : ايه يا بنتى اهدى فى ايه ومبروك على اسه

مريم بسعاده محمد كلم بابا وماما النهاردة انه عاوز يخطبك وبابا كلم باباكي وأخد منه معاد علشان يجو يتقدموا انا مبسوطه ليكي اوي

فاطمه بعدم فهم: مين فيه ايه انتي بتتكلمي بجد.

مريم: ايوا طبعا مبرووك يا حبيبتي

علت ضربات قلب فاطمه وهي تسمع كلمات مريم كانت الغرفة لا تسع أجنحتها من السعادة فحبيب فؤادها سيتقدم لخطبتها الى ان انتبهت على جملة مريم مبروك يا حبيبتي

فاطمه: الله يبارك فيكى يا روما عقبالك ياقلبي.

مريم بضحك: ايوا ادعى عقبالي يلا بقا سلام انا واشوفك بكره في صلاة العيد يا عروسه

فاطمه سلام.

*********

في بيت الغازي

محمد الغازي: كريم اعملوا حسابكم هانروح بكره عند عمامك ها نقضى اليوم مع عمك كريم .

كريم ونور : تمام يابابا.

نور في غرفتها جالسه تفكر فى عائلة أبيها فهي ستذهب إليهم لأول مره في حياتها كانت تتخيل لقائها بهم وظلت تفكر الى ان غفت

كريم الغازی: ها اشوفك بكره يا مريم وها اقضى اليوم عندك كمان دا ها يبقى أحلى عيد ليا.

في صباح اليوم التالى تعلو تكبيرات العيد وتجمع الرجال والنساء لأداء صلاة عيد الاضحى وجو البهجة والفرحة يسيطر على المكان.

عندما رأت مريم فاطمة ذهبت مسرعة إليها واحتضنتها وهو تقول: مبروك اخيرا ربنا استجاب لدعاكي يا حبيبتي

فاطمه وهى تشدد من احتضانها : ايوا انا مش مصدقة انا مبسوطه اوی انا منمتش من الفرحة

مريم: ربنا يتم فرحتك على خير.

ثم يصدح صوت الامام معلنا عن بدأ الصلاة

تنتهى الصلاة والجمع يهنئ بعضه بعضا بالعيد.

خارج المصلى رأى محمد فاطمة ومريم خارجين وهم بالذهاب إليهم لكن منعه والده إياك تفكر حتى

محمد: يا بابا.

كريم الصياد بابتسامه: مش هاتكلمها ولا هاتشوفها الا يوم ما تروح تتقدم لها فاهم یا بشمهندس.

محمد: فاهم يا كبير

فاطمه: روما مالك

مریم: عمی جاى عندنا النهارده هو وعياله ومراته وها نتعرف عليهم.

فاطمه بحماس: بجد طب كويس.

مریم: اها عارفه انا متحمسه جدا انى اشوفهم وكمان بنته اصغر مني بسنتين بس يعنى ممكن انا وهي نبقى اصحاب

فاطمه: حلو اوى كدا طب وابنو.

مريم: وانا مالى بإبنو تعرفى انا اصلا مش عاوزه اعرفه كفايه عليا اوی احمد ابن عمى.

فاطمه: مش كلهم زى بعض يا روما ومتحكميش على حد من غير ما تعرفيه كفايه دكتور كريم اللي بقيتي بتهربي منه علشان حسيتي انك بتحبيه

مريم: اعمل ايه بس يا فاطمه انا خايفه مع انه شخص كويس غيري الموضوع علشان متضايقش خلينا فيكي انتي يا عروسه

فاطمه: ماشي اهربي مني اهربي هيجي وقت وتقولي ان كلامي كان صح مریم: مش عاوزه اعلق نفسي بأمل زايف وخلاص

فاطمة: على فكره هو باين عليه انه معجب بيكي بس انتي اللي مش واخده بالك من نظراته ولا مراقبته ليكي ولا يوم ما اغنى عليكي كان خايف جدا ولا عصبيته على احمد لما بيقربلك

مریم حاولت تغير مجرى الكلام: بقولك اي كل سنه وانتى طيبه يا فطوم ويلا علشان نروح علشان معملش منك بطاطس محمره دلوقت.

************

أسرة الغازي وصلت بيت الصياد

محمد الغازي خبط على الباب فتح محمد الصياد ودخلو وسلمو على بعض وجائت مريم تسلم على عمها وتتعرف على عائلته سلمت على عمها ومرات عمها ووقفت قدام نور مریم نوری

نور: روما.

مریم: انتى بنت عمى.

نور بضحك: شفتي الصدف.

مريم احتضنتها: احلى صدفة.

محمد الغازی: انتو تعرفو بعض ولا اى.

نور ومريم: ايون.

دخل كريم الغازى وسلم على عمو ومحمد وامينه أما مريم كانت مندمجه فى الحديث مع نور ولم تنتبه له إلى أن وقف أمامها وقال: كل سنه وانتى طيبه يا مريم

مریم بصدمه : نعم

كريم بضحك: ايه يا مريم مالك بقولك كل سنه وانتى طيبه.

مریم بحرج: وحضرتك طيب يا دكتور.

كريم: لا دكتور دى فى الكليه بس انما هنا انا كريم كريم ابن عمك وبس.

مريم : انت ابن عمى.

كريم : اجل ابن عمك.

وقفت مريم تطالعه وهو يضحك مع أخيها وأبيها وفى داخلها صراع من المشاعر والاضطرابات ماذا يحدث هو ابن عمها يبدو أن القدر يقربهم أكثر