الفصل الثاني

دلف إلى الجامعة بهيبته الجذابة وسط همهمات البعض ونظرات الاعجاب من البعض متوجها إلى قاعة المحاضرات ظل يبحث بعينيه عن تلك الفتاة التي اصطدم بها بالأمس حتى وجدها منتبهة مع الشرح ممسكة بيدها قلم تدون به بعض الملاحظات ابتسم ابتسامة خفيفة ثم أكمل حديثه وبعد انتهاء المحاضرة

كريم: لو سمحتي يا بشمهندسة

مريم: نعم يا دكتور

كريم وهو يمد لها ورقتها: اتفضلي دي وقعت منك امبارح لما خبطتي فيا

مريم: شكراُ

وهمت بالخروج حتى اوقفها صوته: اسمك ايه

مريم: مريم الصياد شكراً مرة تانيه عن اذنك

ظل واقفاً يتابع خطاها حتى اختفت عن ناظريه متعجباً كيف لتلك الفتاة أن يكون هناك شبه بينها وبين والده

*********

كريم: القوائم جهزت يا دكتور.

ابراهيم: ايوا جهزت اتفضل دا الفريق اللي ها يكون معاك.

كريم وهو ينظر الى الورقة ليرى الاسماء حتى وقع ناظره على اسمها مريم كريم الصياد

**********

في قاعة المحاضرات

فاطمه: احنا الاتنين مع بعض في فريق واحد الحمد لله

مریم: كويس الحمد لله

فاطمه: مالك يا روما

مريم: مش عارفه ومش فاهمه بحس ان اعرف دكتور كريم من زمان فيه شبه كبير بينه وبين عمي محمد الله يرحمه عارفه لو مكنتش عارفه ان عمي محمد اتوفي قبل ما يتجوز كنت فكرته ابنه دا غير اني لما بشوفه بتوتر وبتلخبط ومش عارفه مالي ربنا يحفظ قلبي من الفتن يارب.

فاطمه: يارب ويريح قلبي

مريم: ان شاء الله ربنا هيريح قلبك يا حبيبتي ايه رأيك نروح البحر نغير جو.

فاطمه: يلا بينا.

**********

مساء في بيت الغازي

كريم جالس فى شرفته بشرود ولم يلحظ دخول والده حتى تكلم: فينك يا دكتور

كريم بعدم تركيز: في مريم.

محمد: مين

كريم وقد ادرك ما تفوه به وحاول السيطرة على الوضع: لا مفيش يا بابا خير يا حبيبي شكلك عاوز تقول حاجه

محمد: اه فيه بس مش عارف ابدأ منين

كريم: انا كدا بدأت اقلق

محمد: ها احكيلك وأخذ نفس عميق وأردف ..............

كريم: يااااه يابابا كل دا حصل وحضرتك لي مقولتش من زمان ليه خبيت علينا

محمد: كنت خايف عليهم وخايف عليكم.

كريم بتفهم: طيب يابابا وانت ناوى على ايه

محمد: حقكم تعرفو عيلتكم وحقهم يعرفوكم يابني خلاص مبقاش في العمر قد اللي راح عاوز اتطمن عليكم وسط العيلة قبل ما اموت

كريم : بعد الشر عليك يا حبيبي انا معاك في اي وقت

محمد وهو يبتسم بخفوت: ماشي واضاف بمكر: اه صحيح ابقى سلملي على مريم

كريم بارتباك: بابا انا انا

محمد: انا واثق فيك وعارف انك ها تراعى ربنا في اختك ومستنيك لما تيجى وتكلمنى عنها انا هاروح انام دلوقت تصبح على خير

كريم: قريب يا بابا افهم انا بس وانت من اهل الخير

كريم ظل يفكر بكلام والده حتى استسلم لسلطان النوم.

***********

دلف الى قاعة المحاضرات بهيئته الساحرة توجه الى المكان المخصص للشرح واردف فرقه ج تتجمع عند الورشه كمان نص ساعة وخرج.

مريم: كمان هو دكتور العملي لا كدا مش هينفع

فاطمه: سيبي حمولك على ربنا يلا بينا

بعد ما انتهو من العملى فى الورشه

فاطمة: انا هروح اجيب حاجه نشربها

مريم: تمام متتأخريش

لاحظت شخص بيقعد جمبها وهمس لها: وحشتيني

مريم وقد عرفت صاحب الصوت وقفت مبتعدة وأردفت ببرود: وحشك الموت

أحمد: مقبوله منك ياقلبي.

مریم: التزم حدودك معايا احسنلك.

أحمد وهو يمسك يدها: مش عاوزه تدینی فرصه ليه يا مريم.

مريم وهي تطالع يده: ايدك لتوحشك.

احمد وهو غير مستوعب: ايه.

مريم وهى تنفض يده عنها: ابعد عنى انت مش بتفهم انا بكرهك وعمرى ما كرهت حد فى حياتي قدك ابعد عنى بقا

ولسه هتمشى امسك يدها أحمد: اسمعيني بس.

وجد احمد لكمه فى وجهه اوقعته ارضا نظر الى صاحبها بعدم فهم.

كريم لمريم: انتى كويسه عملك حاجه.

مريم: انا كويسه معمليش حاجه.

أحمد بعصبيه: مین دا یا مریم

کریم ببرود: ملكش دعوه وامشى من هنا بدل ما تتطلع على نقاله وإياك تقرب منها تاني

خاف أحمد من نظرة كريم ومشى ونظر إلى مريم: كلامنا لسه مخلصش وابقى شوفى انا هاعمل ايه

مريم ارتعدت لما سمعته وعندما نظر كريم لها وجد ان ملامح الخوف مرسومه على وجهها

كريم: مالك يا مريم هو عملك اي الحيوان دا.

مريم: مفيش عن اذنك و انصرفت مسرعة من أمامه لأنها كانت على وشك الانهيار

لمحتها فاطمه فأسرعت إليها واحتضنتها وانهارت بالبكاء

مریم من بين شهقاتها: كان هنا يا فاطمه كان قاعد جمبى انا خايفه اوى انا بكرهه

حاولت فاطمه تهدأتها وهى تربت على ظهرها بحنو: اهدى یا روما اهدى ياقلبي مقولتيش لمحمد ليه يا مريم خليه يحط حد للزفت احمد دا.

مريم بخوف: لا لا محمد لا مش عاوزه اعمل خلافات في العيله يا فاطمه انا خايفه من اللى محمد هايعملو لو عرف مش بعيد يقتل احمد وانخرطت فى البكاء من جديد ولكن بهستريه واستسلمت لتلك السحابة السوداء التي كانت تطاردها منذ رؤيتها لاحمد ووقعت مغشى عليها بين يدى صديقتها.

كان يقف على مقربة منهم يراقبها وهي منهارة امامه وقلبه يعتصر من اجلها ولا يعرف لما يشعر بهذا الالم لما يتهم بها لما يحدث هذا معه خرج من تفكيره عندما رأها وقعت ارضا هرول اليها .

كريم: فاطمه في اي مالها مريم

فاطمه ببكاء : لازم ننقلها المستشفى بسرعه

حملها كريم الى سيارته وانطلق مسرعا الى المشفى

بعد فتره خرجت الطبيبة من الغرفة ذهب اليها كريم وفاطمة: طمنيني عليها يا دكتورة

الدكتورة: كويسه الحمد لله دلوقت هي بس كانت في بداية انهيار عصبي اخدت مهدئ وحاليا نايمه حمد لله على سلامتها وانصرفت

كريم وهو ينظر لفاطمة: هو اللي حصل دا بسبب الولد اللي كان واقف معاها هو قريبها؟

فاطمه بارتباك: ايوا ابن عمها