حب حياتي

فاطمة وهي تدز فريدة للغرفة: ادخلي غرفتك الحين يا فريدة، يمكن هذا العريس وصل.

عصام قام وفتح الباب وهو معصب ومستاء 😒

فريدة كانت داخل غرفتها تسمع كل شي، قلبها يغلي من هيثم لأنه تأخر أربع ساعات وهي مضروبة وفمها ينزف، قررت تطلع بنفسها وتطرده قدام الكل.

وبالفعل طلعت وهي معصبة، بس انصدمت... اللي واقف عند الباب مو هيثم، اللي واقفين عمر ومي وغيث الصغير وماسك بوكيه ورد كبير.

*صدمة صح؟ نرجع فلاش باك قبلها بثلاث ساعات*

عمر كان في شركة زينب، يجهزون لعرض الأزياء وكانت الساعة 11 في الليل.

جوال زينب رن.

المتصل: مدام زينب آسفين بس الملف اللي فيه التصاميم انكب عليه قهوة، والتصاميم كلها خربت.

زينب انصدمت: كيف يصير كذا؟ وش هالإهمال!

المتصل: نعتذر منك، بس نبي نسخة جديدة عشان نكمل شغل الورشة.

زينب: سكر الحين، أنا أتصرف.

عمر: وش فيه؟ ليش معصبة؟

زينب: ملف التصاميم انكب عليه قهوة ويبون نسخة ثانية.

عمر: اللي فيه تصاميم فريدة؟!!

زينب: ايه هو.

عمر: طيب والحل؟

زينب: برسل محمود المساعد حقي يروح بيتها ويجيبه.

عمر: الحين؟ الساعة 11 الليل! مستحيل!

زينب: وش أسوي؟ لازم نخلص، عرض الأزياء قرب.

عمر: خلاص أنا بحلها، ما ينفع ترسلين محمود هالوقت، أنا أتصرف.

زينب: بتتصرف كيف؟

عمر: مي جارتها، بخليها تجيبه.

زينب: مي؟!

عمر: ايه.

زينب: سو اللي تسويه، بس أهم شي جيب الملف.

*عند مي أخت عمر*

مي: يلا يا غيث نام، لا توجع قلبي.

غيث بعناد: مالي دخل، محد بيتزوج فري غيري أنا.

مي: يلا نام، مو كفاية نزلتني آخر الليل أشتري بوكيه ورد!

غيث: أنا خليتك تشترينه عشان نروح نخطب فريدة، مو تركنيني!

مي: اللهم إني لا أسألك رد القضاء ولكني أسألك اللطف فيه.

غيث فجأة نط: بروح أشوف فريدة إذا صاحية بتزوجها _وطلع لسانه_

غيث راح لبيت فريدة وسمع عصام وهو يصارخ ويضرب فريدة، رجع لمي وهو يبكي.

مي: وش فيك يا غيث؟ وش صاير؟

غيث وهو يبكي: الرجال الشرير ضرب فريدة! وقال كل شي سمعه لمي، مي على طول قررت تروح تساعد فريدة.

وهي طالعة شافت عمر وهو يصفط سيارته، جتها فكرة شيطانية 😂💔

عمر دق باب مي وفتحت له.

مي: خير يا عمر؟

عمر: ممكن تدقين على بيت فريدة وتجيبين منها ملف التصاميم؟

مي: ثواني بلبس عبايتي واجي، تعال معي يا غيث.

مي دخلت الغرفة تكلم غيث: اسمع يا غيث، بنساعد فري والرجال الشرير ما عاد يقدر يسوي لها شي.

غيث: كيف؟

مي: مين أكثر ناس تحبهم؟

غيث: ماما وملك العالم وفري.

مي: اسمع، فريدة وعمر بيتزوجون بعض، وش رايك؟

غيث: لا أنا اللي بتزوجها.

مي: بس انت لسه صغير ما تقدر تنقذ فريدة من الرجال الشرير، عمر كبير ويقدر.

غيث: يعني ملك العالم بينقذ فري من الشرير؟

مي: ايه، وعدني ما تتكلم واحنا عند فري، إذا قلت لك شي قل ايه تمام.

غيث: تمام.

مي طلعت وماسكة بوكيه الورد بيدها: يلا يا عمر.

عمر: وين يلا؟ وبوكيه الورد هذا ليه؟

مي: ترا أم فريدة تعبانة، تعال معي بشوفها وتاخذ الملف بالمرة.

عمر: اممم طيب يلا يا أختي.

ودقوا باب فريدة ودخلهم عصام وهو مستاء.

*نرجع للحاضر*

عصام وهو يناظر عمر: انت العريس؟

بهاللحظة وجه عمر جاب ألوان من الصدمة، وفريدة تجمدت بمكانها بعيد من الصدمة، عمر كان بيحكي.

مي قاطعته بسرعة: ايه، جايين نطلب يد فريدة لولدنا عمر.

عمر انصدم وما عاد قدر ينطق 😂💔

عصام: حنا منتظرين من ساعات! فيه أحد يطلب بنت بهالوقت؟

مي مثلت الحزن: معليش والله أم عمر تعبت فجأة وعمر اضطر يجلس جنبها لين تحسنت.

عمر كان بيكذب كذبة مي، بس شاف فريدة ووجهها مضروب وأثر الدم على فمها، سكت غصب عنه.

مي كملت كلامها كأنها أم العريس.

عصام عذرهم بعد كذبة مي وقال: احم احم... لازم تعرفون من عادات عايلتنا مافيه شي اسمه فرح، هو كتب كتاب مثل ما تعلمنا من أجدادنا.

وتم كل شي وعمر مو مستوعب اللي يصير حوله.

*عند هيثم... راح المقبرة!!!*

هيثم واقف عند قبر ملك: حبيبتي اليوم عيد ميلادك... وحشتيني مرة يا ملك... انتي ما كنتي أختي بس... انتي كنتي عايلتي كلها... انتي ليش متي؟ كنت ناوي أنتقم لموتك وأروح أطلب فريدة وأتزوجها وأعذبها وأحرق قلب عمر... بس ما قدرت... أنا مو حقير لهالدرجة.

هيثم يبكي ويقرا رسالة ملك الأخيرة: "هيثم أخوي حبيبي أدري إنك مكسور وانت تقرا رسالتي الحين بس صدقني أنا آسفة على اللي سويته بنفسي بس أنا حبيت عمر وتعلقت فيه..."

هيثم: أنا بحرق قلب عمر.

سما طلعت من وراه: وأنا معك، بندمر عمر سوا.

هيثم وقف مصدوم: ما أدري من غيرك وش كنت بسوي.

*سما تكون زوجة هيثم وبنت عمه وصديقة طفولته، محد يعرف بزواجهم حتى عمر، سما هي العقل المدبر اللي تمشي هيثم.*

*عند عمر وفريدة تحدد كل شي*

عمر وفريدة ضايعين، مو عارفين وش اللي يصير حولهم.

وتم تحديد موعد كتب كتاب عمر وفريدة بعد 5 أيام.

مي أخذت الملف من فريدة وفريدة أصلا مو فاهمة وش السالفة.

*في بيت مي*

عمر: أبي أفهم وش اللي صار الحين؟

غيث: انت أنقذت فري يا ملك العالم.

عمر: اسكت الحين يا غيث.

مي: غيث ادخل غرفتك الحين بكلم عمر بموضوع مهم.

غيث دخل.

مي: أنقذت فريدة مو أكثر.

عمر: كيف أنقذتيها؟

مي علمته كل شي.

عمر: بس هذا مو حل، وزفت هيثم وين؟

مي: لا هذا هو الحل، انت وفريدة نصيب بعض، يوم شفتك عرفت إنها إرادة ربنا يا عمر... مو انت تحبها؟

عمر سكت.

مي: سكت ليه؟ تحبها صح؟

عمر: أحبها بس أحاول أنساها لأنها مستحيل تحبني.

مي: مافيه شي مستحيل، انت بس اللي ما جربت.

عمر: هي تحب هيثم، افهمي مستحيل تحبني، الحب مرة وحدة بس.

مي: اللي تحسه فريدة إعجاب مو حب، الحب عند البنت ما يجي إلا بالاهتمام، حسب ما حكت لي فريدة ما أتوقع هيثم كان معطيها وجه، عقلها خلاها تعتقد إن الإعجاب حب، انت بنفسك بتخليها تعرف معنى الحب يا عمر... وهذي فرصة من القدر اعرف كيف تستخدمها صح.

عمر طلع من غير ما يتكلم وراح لمكانه المعتاد عند البحر.

عمر وهو يناظر البحر: أنا مو فاهم وش اللي يصير، هيثم ما راح ليه؟ وآخرة هالحب وش؟ أسمع كلام مي ولا أقول الحقيقة كلها؟ اللي بسويه بكره بخلي فريدة تكلم هيثم، إذا عنده أسباب مقنعة كان بها... بوضح سوء التفاهم لعمها، أنا مو اللي أجبر اللي أحبها على حبي.

*اليوم الثاني الصباح*

فريدة رايحة دوامها وهي مكسورة من اللي صار، عمر كالعادة قطع طريقها بسيارته.

عمر: اركبي.

فريدة: امش يا عمر من هنا لا أقتلك.

عمر بعصبية: أقولك اركبي 😠

فريدة: ما بركب، انت مستوعب اللي صار أمس؟

عمر: اركبي عشان نصلح كل شي.

فريدة ركبت: بنصلح كيف؟!

عمر: بخليك تكلمين هيثم.

فريدة: ما أبي أشوف وجهه!

عمر: اسمعي أسبابه، إذا ما اقتنعتي ابعدي عنه، بس لازم نحل سوء التفاهم اللي حطتنا فيه مي.

فريدة: ما أبي أقابل أحد.

عمر: مو بكيفك، الهروب عمره ما كان حل، لازم تواجهين مشاكلك.

فريدة: ما أبي أواجه شي.

عمر: قلت لك مو بكيفك، وسكر باب السيارة وراح لبيت هيثم.

هيثم كان جالس في الحوش قدام بيته.

ووصل عمر وفريدة.

هيثم بصدمة: فريدة... عمر!!!!!

عمر: تقدر تبرر لها ليش ما رحت أمس تطلب يدها؟ ليش سويت كذا... أنا برا.

هيثم: مافيه داعي خليك.

فريدة: هيثم انت ليش سويت فيني كذا؟

هيثم: عشان أنتقم من عمر.

وانصدم عمر وفريدة.