حب حياتي

عمر: تحبين هيثم من وانتي صغيرة؟

فريدة وهي سرحانة وتبتسم: اممم هو اصلاً وسيم وكل بنات الدفعة كانوا يحبونه... هو انسان نقي مرة... اجتماعي ويحب يساعد الكل... كنت معجبة فيه... بس الحين أحبه وبظل أحبه.

عمر كان يسمع لها والدموع في عيونه ماسكها بالغصب وقلبه ينعصر من جوا، كان يغلي بس سيطر على غضبه لأنه هي ما كانت له عشان يعصب.

فريدة: انا بنت محظوظة مره عشان هيثم حبني.

عمر يحاول يكون طبيعي وصوته يرجف: طيب لو هو ما كان يحبك وش بيكون احساسك؟

فريدة: بتألم مره... ثم انت ما راح تفهم هالشعور لأنه انت ما قد حبيت قبل.

عمر بابتسامة مكسورة: انا بقولك ان اللي انتي تحسين فيه الحين مو حب، هذا اسمه اعجاب، لا تحلمين كثير.

فريدة بعناد: لا هو يحبني.

عمر: يمكن يتسلى فيك ومو يحبك، بتظلين تحبينه؟

فريدة: حتى لو الحين ما يحبني بظل انتظره يحبني... وياليت كل شي قلته لك يظل بيننا.

عمر وقف فجأة وعيونه حمرا: حاب اقولك انه ما عاد في شي يجبرك تكونين صديقتي، خلاص هيثم قالك انه يحبك يعني ما عاد في شي يربطنا، لا اعرفك ولا تعرفيني، كل شي بيننا انتهى... اشوفك بخير. ومشى.

فريدة انصدمت: معقول كان يفكر اني مصادقته بس عشان لا يقول لهيثم... ثم انا ليش زعلت انه طلع من حياتي... يولع.

عمر رجع بيته وجلس بصمت، بعدين فتح درج المكتبة وطلع "وردة ناشفة" ومسكها وابتسم بحزن {تذكرون لما وداها المستشفى الوردة هذي مسكت في ثوبه وهو احتفظ فيها}.

عمر وهو يناظر الوردة: ما ادري ليش واثق انه لو سيطرت على غضبي وصبرت القدر بيخليك لي... انا بتركها للقدر، يا *بلوة حياتي*.

*عند فريدة*

صاحية تنتظر رسالة من هيثم وكانت فاقدة رسالة عمر اللي كان يرسلها كل يوم بالليل وهي "تصبحين على خير يا *بلوة حياتي*".

بعد اسبوع عمر ما كلم فريدة ابد، وفي الشركة كانت مشغولة مره لدرجة انها نست هيثم! وهي راجعة رن جوالها.

هيثم: حبيبتي شلونك؟

فريدة: .....

هيثم: ابيك تجهزين بعد بكرة، انا جاي اطلب يدك، عطيتك مهلة بكرة عشان عمك يكون موجود.

فريدة بصدمة: انت صدق جاي تخطبني ولا تمزح؟

هيثم: انا جاي اطلب يدك بعد بكرة... لا تقولين لامك اني انا العريس خليها مفاجأة.

هيثم قفل وقال: آسف يا فريدة انتي طيبة بس لازم احرق قلب عمر فيك مثل ما حرق قلب ملك.

وفعلاً قالت لامها وجاء عمها عصام من الديرة.

عصام: وش فيه العريس تأخر كذا ليه؟

فريدة: معليش يا عمو يمكن زحمة.

عصام فقد اعصابه ومسك فريدة من شيلتها وضربها كف لدرجة انها نزفت.

عصام: تردين علي؟ انا باخذكم معي الديرة.

فريدة وهي تبكي: ما راح تقدر...

وفجأة الباب دق... هيثم وصل ومعه بوكيه الورد.

الباب انفتح ودخل هيثم ببدلة سوداء وبوكيه ورد احمر كبير، مبتسم ومتأخر 4 ساعات.

هيثم: مساء الخير، آسف على التأخير زحمة الرياض مو طبيعية.

عصام وقف وهو معصب من جوا بس يمثل الاحترام: مساء النور، حياك الله، تفضل المجلس.

هيثم جلس وعينه على فريدة، شاف خدها احمر ومنتفخ وفيه اثر اصابع وشفايفها تنزف، انصدم بس سكت.

هيثم: ما شاء الله فريدة اليوم قمر.

فريدة كانت تمسح دمعتها ودمها بطرف شيلتها وما قدرت ترفع عينها من الخجل والوجع.

في نفس اللحظة جوال فريدة يهتز تحت الطاولة، رسالة واتساب من عمر:

*عمر: شفتي؟ قلت لك بيتسلى فيك، تأخر 4 ساعات عشان يشوف غلاك، مبروك يا بلوة حياتي. انا برا تحت بيتكم من 4 ساعات.*

فريدة شهقت بقوة والكل ناظر فيها. ركضت للمطبخ كأنها بتجيب قهوة وهي ترجف.

فريدة تدق على عمر وتبكي بصوت واطي: عمر انت وين؟ انت برا صح؟ شفت عمي وهو يضربني؟

عمر بصوت مبحوح وتعبان: ايه شفت كل شي يا فريدة، شفتك تنضربين وتنزفين وما قدرت ادخل لأني مالي حق، لو ما كان هيثم جوا كان كسرت الباب واخذتك.

فريدة: ليش تركتني؟

عمر: لأنك انتي اخترتيه، بس والله قلبي انعصر يوم شفتك كذا، يا بلوة حياتي.

وسكر الخط.

فريدة رجعت المجلس وعيونها حمرا، هيثم لاحظ.

هيثم: فريدة انتي بخير؟ وجهك فيه شي؟

عصام قاطعه بسرعة: لا لا من الفرحة بس.

هيثم ابتسم ابتسامة باردة وقال: عم عصام انا عندي شرط، ابي الملكة بعد اسبوع لأني مسافر.

فريدة انصدمت: اسبوع؟ بسرعة كذا؟

هيثم: ايه ولا غيرتي رايك؟

فريدة سكتت ثواني وقلبها يدق، كانت تحس انها ما عاد تبي هيثم، كانت تبي اللي برا ينتظرها تحت اللمبة.

فريدة قالت بصوت خفيف: موافقة.

قرأوا الفاتحة، وهيثم قام يمشي وهو يبتسم انتصار، بس ما يدري ان عمر سمع كل شي من برا.

فريدة دخلت غرفتها وقفلت الباب وجلست تبكي بحرقة، فتحت جوالها على صورة الوردة الناشفة اللي عمر كان محتفظ فيها من يوم المستشفى.

فريدة حضنت الجوال وقالت: وش سويت في نفسي؟

فريدة حضنت الجوال وقالت: وش سويت في نفسي؟ معقول احب اثنين في نفس الوقت؟ لا انا ما احب عمر، انا اكرهه، هو اللي تركني، هو اللي قال لا اعرفك ولا تعرفيني، بس ليش قلبي يوجعني عليه؟ ليش يوم شفته برا حسيت بالأمان؟ يا رب وش اسوي؟ اوافق على هيثم اللي حلمت فيه طول عمري ولا اروح لعمر اللي ما تركني لحظة وحدة حتى يوم ضربني عمي كان برا يراقبني ويخاف علي؟

*يتبع... اكتبوا لي في التعليقات تتوقعون فريدة بتختار مين؟ هيثم حب الطفولة ولا عمر بلوة حياتي؟