بارت 5

في اليوم التالي...

وصلت ميرال الكلية بدري على غير عادتها.

بصتلها ليان باستغراب وقالت:

ليان: "إيه ده؟ الشمس طلعت من الغرب ولا إيه؟"

ضحكت ميرال وهي بتعدل شنطتها.

ميرال: "قولت أجي بدري عشان متأخرش على المعمل."

ليان: "ولا عشان المعيد آدم؟"

بصتلها ميرال بغيظ وضربتها بخفة على كتفها.

ميرال: "بطلي هبل."

دخلوا المعمل، وكان الطلبة بدأوا يتجمعوا.

بعد دقائق...

دخل آدم وهو لابس البالطو الأبيض.

وقف قدام الطلبة وقال بهدوء:

"كل مجموعة تلتزم بمكانها، وأي خطأ هيكون فيه خصم درجات."

الكل سكت وبدأ يشتغل.

كانت ميرال مركزة في التجربة، لكن من توترها مسكت أداة غلط.

قرب منها آدم وقال بهدوء:

"لا... دي مش دي."

بصتله بسرعة وقالت:

"آسفة."

أخذ الأداة من إيدها، وحط الصح مكانها.

وقال:

"اعملي الخطوة دي الأول."

هزت رأسها وهي مركزة معاه.

بعد ما خلصت، قال:

"أحسنتِ... كده صح."

ابتسمت من غير ما تحس.

كانت أول مرة تسمعه يمدحها.

بعد انتهاء المعمل...

خرجت هي وليان.

ليان: "إيه الابتسامة دي؟"

ميرال: "ولا حاجة."

ليان: "لا والله؟ ده أول مرة أشوف آدم يقول لحد: أحسنت."

ضحكت ميرال وقالت:

"يمكن كان في مزاج حلو النهارده."

وفي نفس اللحظة...

كانت سارة واقفة من بعيد، وشافت آدم وهو بيتكلم مع ميرال.

ضيقت عينيها وقالت في نفسها:

"واضح إن الحكاية دي مش هتعجبني..."

ثم لفت ومشت، وفي دماغها فكرة هتغير مجرى الأحداث.

---رجعت ميرال البيت وهي مرهقة بعد يوم طويل في الجامعة.

فتحت الباب وهي بتقول بصوت عالي:

ميرال: "يا أهل البيت... أنا رجعت."

خرجت والدتها فاطمة من المطبخ وهي ماسكة صينية العصير.

فاطمة: "حمد لله على السلامة يا حبيبتي."

حضنتها ميرال وهي بتشم ريحة الأكل.

ميرال: "إيه الريحة الحلوة دي؟ أنا هموت من الجوع."

ابتسمت أمها وقالت: "عاملة مكرونة بالبشاميل اللي بتحبيها."

شهقت ميرال بسعادة.

ميرال: "بحبك يا ست الكل."

وفي نفس اللحظة...

دخل عمر وهو بيرمي مفاتيح عربيته على الترابيزة.

عمر: "السلام عليكم."

ردوا كلهم السلام.

أول ما شاف ميرال، ابتسم بخبث.

عمر: "إيه يا دكتورة... عملتي كام مصيبة النهارده؟"

بصتله بغيظ.

ميرال: "ولا مصيبة."

عمر: "مستحيل... إنتِ من غير مصايب زي السمك من غير مية."

مسكت المخدة ورمته بيها.

"اسكت يا رخم."

ضحك وهو مسك المخدة.

في الوقت ده...

دخل الأب أحمد من الشغل.

أول ما شافته ميرال، جريت عليه وحضنته.

أحمد: "إزيك يا حبيبتي؟"

ميرال: "الحمد لله يا بابا."

قعدوا كلهم على السفرة.

ابتسم أحمد وقال:

"احكيلي... أول أسبوع في الجامعة عامل إيه؟"

بدأت ميرال تحكيلهم عن المحاضرات والمواد.

لكن وقفت فجأة.

فاطمة: "مالك؟ كملي."

ضحكت ميرال وقالت:

"في معيد عندنا... شكله ميعرفش يبتسم."

ضحك عمر وقال:

"أكيد إنتِ اللي استفزتيه."

ميرال: "والله ما عملت حاجة."

عمر: "أيوة... وأنتِ ملاك."

بصتله بغيظ.

ميرال: "أنا فعلًا ملاك."

انفجروا كلهم في الضحك.

أنهوا العشاء، وطلعت ميرال أوضتها.

فتحت الشباك، والهواء البارد دخل الأوضة.

قعدت على مكتبها، وبدأت تذاكر.

لكن كل شوية كانت تفتكر كلام آدم في المعمل...

"واضح إنك بتذاكري... كملي."

ابتسمت من غير ما تحس.

وهزت رأسها بسرعة.

ميرال: "إيه يا بنت... ركزي في المذاكرة."

قفلت الكتاب وهي بتضحك على نفسها...

وكانت دي أول مرة تفتكر آدم من غير ما تتضايق.

رجعت ميرال البيت وهي مرهقة بعد يوم طويل في الجامعة.

فتحت الباب وهي بتقول بصوت عالي:

ميرال: "يا أهل البيت... أنا رجعت."

خرجت والدتها فاطمة من المطبخ وهي ماسكة صينية العصير.

فاطمة: "حمد لله على السلامة يا حبيبتي."

حضنتها ميرال وهي بتشم ريحة الأكل.

ميرال: "إيه الريحة الحلوة دي؟ أنا هموت من الجوع."

ابتسمت أمها وقالت: "عاملة مكرونة بالبشاميل اللي بتحبيها."

شهقت ميرال بسعادة.

ميرال: "بحبك يا ست الكل."

وفي نفس اللحظة...

دخل عمر وهو بيرمي مفاتيح عربيته على الترابيزة.

عمر: "السلام عليكم."

ردوا كلهم السلام.

أول ما شاف ميرال، ابتسم بخبث.

عمر: "إيه يا دكتورة... عملتي كام مصيبة النهارده؟"

بصتله بغيظ.

ميرال: "ولا مصيبة."

عمر: "مستحيل... إنتِ من غير مصايب زي السمك من غير مية."

مسكت المخدة ورمته بيها.

"اسكت يا رخم."

ضحك وهو مسك المخدة.

في الوقت ده...

دخل الأب أحمد من الشغل.

أول ما شافته ميرال، جريت عليه وحضنته.

أحمد: "إزيك يا حبيبتي؟"

ميرال: "الحمد لله يا بابا."

قعدوا كلهم على السفرة.

ابتسم أحمد وقال:

"احكيلي... أول أسبوع في الجامعة عامل إيه؟"

بدأت ميرال تحكيلهم عن المحاضرات والمواد.

لكن وقفت فجأة.

فاطمة: "مالك؟ كملي."

ضحكت ميرال وقالت:

"في معيد عندنا... شكله ميعرفش يبتسم."

ضحك عمر وقال:

"أكيد إنتِ اللي استفزتيه."

ميرال: "والله ما عملت حاجة."

عمر: "أيوة... وأنتِ ملاك."

بصتله بغيظ.

ميرال: "أنا فعلًا ملاك."

انفجروا كلهم في الضحك.

أنهوا العشاء، وطلعت ميرال أوضتها.

فتحت الشباك، والهواء البارد دخل الأوضة.

قعدت على مكتبها، وبدأت تذاكر.

لكن كل شوية كانت تفتكر كلام آدم في المعمل...

"واضح إنك بتذاكري... كملي."

ابتسمت من غير ما تحس.

وهزت رأسها بسرعة.

ميرال: "إيه يا بنت... ركزي في المذاكرة."

قفلت الكتاب وهي بتضحك على نفسها...

وكانت دي أول مرة تفتكر آدم من غير ما تتضايق.

---🌿🌿🌿🌿🌿🌿🌿🌿🌿🌿🌿🌿🌿

يا ترى الأيام الجاية هتقربهم من بعض؟ ولا هتظهر مشاكل جديدة تقلب كل حاجة؟ 🤍

استنوني في الفصل الحادي عشر... ومتنسوش رأيكم وتوقعاتكم. ✨

🌿🌿🌿🌿🌿🌿🌿🌿🌿🌿🌿🌿🌿🌿🌿🌿

بقلمي /Mirna El Sayed

🌿🌿🌿🌿🌿🌿🌿🌿🌿🌿🌿🌿🌿🌿🌿