بارت 9

خرجت ميرال من قدام مكتب آدم وهي بتحاول تقنع نفسها إنها مالهاش دعوة.

لكن من غير ما تحس...

فضلت صورة آدم وهو بيضحك مع لارا في دماغها.

---

ليان: "مالك؟ سرحانة في إيه؟"

ابتسمت ميرال ابتسامة باهتة.

ميرال: "ولا حاجة."

ضيقت ليان عينيها.

ليان: "إنتِ بتعرفي البنت اللي كانت مع الدكتور آدم؟"

هزت ميرال رأسها.

ميرال: "لأ."

قالت ليان وهي بتبص حواليها:

"سمعت البنات بيقولوا إنها بنت عمه."

وقفت ميرال مكانها.

"بنت عمه؟"

ردت ليان:

"أيوة... وبيقولوا إنها قريبة منه جدًا."

هزت ميرال كتفها وقالت وهي بتحاول تبان عادية:

"عادي... دي حاجة متخصنيش."

لكن قلبها قال غير كده.

---

في الناحية التانية...

كانت لارا قاعدة في مكتب آدم.

لارا: "مش هتيجي تتغدى معانا النهارده؟ ماما سألت عليك."

ابتسم آدم.

آدم: "هحاول أخلص شغلي الأول."

وفي اللحظة دي...

دخل يوسف المكتب.

بص للارا وقال بابتسامة:

"أهلًا يا لارا."

ردت بابتسامة.

وبعد ما خرجت...

قرب يوسف من آدم وقال:

"واضح إنها لسه معجبة بيك."

تنهد آدم.

آدم: "لارا بنت عمي... ومفيش بينا غير الاحترام."

ابتسم يوسف وقال بمكر:

"أكيد؟"

رد آدم وهو بيجمع الورق:

"أكيد."

---

في آخر اليوم...

كانت ميرال واقفة عند بوابة الجامعة مستنية عمر.

لكن عربيته اتأخرت.

بدأ المطر ينزل فجأة.

وقفت تحت شجرة وهي بتحاول تحمي نفسها.

في نفس الوقت...

خرج آدم من الكلية.

ولما شافها واقفة لوحدها تحت المطر...

قرب منها وقال بهدوء:

آدم: "لسه مروحتيش؟"

ردت وهي بتحاول تبتسم:

"مستنية أخويا."

بص للسما، والمطر كان بيزيد.

قال:

"استني هنا... هجيبلك مظلة من العربية."

وقبل ما تلحق ترد...

كان مشي بالفعل.

وقفت ميرال تبصله باستغراب...

وابتسامة صغيرة ظهرت على وشها من غير ما تحس.

---

يا ترى عمر هيوصل قبل ما آدم يرجع؟ وهل لارا هتشوف الموقف ده؟ 🤍

كانت قطرات المطر بتنزل بهدوء...

وقفت ميرال تحت الشجرة، بتحاول تحمي نفسها، بينما آدم راح يجيب المظلة من عربيته.

بعد أقل من دقيقة رجع، وفتح المظلة ومدها لها.

آدم: "اتفضلي."

اترددت ميرال.

ميرال: "لا يا دكتور، هتتعب حضرتك."

قال بهدوء:

"مفيش مشكلة... هتتمرضي لو فضلتي واقفة كده."

أخدت المظلة وهي مبتسمة.

ميرال: "شكرًا."

في نفس اللحظة، وصلت عربية عمر.

نزل بسرعة وهو باصص لآدم.

عمر: "آسف يا ميرال، الطريق كان زحمة."

لف ناحية آدم ومد إيده.

عمر: "شكرًا يا دكتور."

صافحه آدم باحترام.

آدم: "العفو."

ركبت ميرال العربية، وقبل ما تمشي بصت ناحية آدم وقالت بابتسامة:

"مع السلامة."

هز رأسه بهدوء، ومشي لعربيته.

---

في بيت آدم...

دخل آدم البيت بعد يوم طويل.

أول ما فتح الباب، جريت عليه أخته ملك.

ملك: "أخيرًا جيت! إحنا مستنيينك من ساعة."

ابتسم آدم وربت على رأسها.

آدم: "كنت في الجامعة."

خرجت والدته نادية من المطبخ.

نادية: "حمد لله على السلامة يا حبيبي."

قبل رأسها وقال:

"الله يسلمك يا أمي."

في نفس الوقت...

كان والده الدكتور سليم قاعد في الصالون بيقرأ ملف طبي.

رفع عينه وقال:

سليم: "إزيك يا آدم؟"

آدم: "الحمد لله يا بابا."

دخل كريم وهو بيشرب قهوته.

كريم: "إيه يا دكتور؟ شكلك سرحان."

رد آدم باستغراب:

"سرحان في إيه؟"

ضحكت ملك وهي قعدت جنبه.

ملك: "أكيد فيه بنت."

بصلها آدم بنظرة هادية.

آدم: "بطلي تأليف."

في اللحظة دي...

رن جرس الباب.

دخلت لارا بابتسامتها المعتادة.

لارا: "مساء الخير."

رحبت بيها نادية بحرارة.

قعدت لارا جنب آدم وقالت:

"بالمناسبة... شوفتك النهارده في الجامعة."

رفع آدم عينه.

"أيوة."

ابتسمت بخبث وقالت:

"وشوفت كمان إنك كنت واقف مع طالبة تحت المطر."

سكتت السفرة كلها لحظة...

وبصت ملك لأخوها وهي بتحاول تكتم ضحكتها.

أما آدم، فقال بهدوء شديد:

"كانت مستنية أخوها، والمطر كان شديد... ساعدتها وبس."

ابتسم سليم وهو بيبص لابنه، لكنه ما قالش حاجة.

أما لارا...

فابتسامتها اختفت للحظة، وحست لأول مرة إن في بنت بدأت تشغل جزءًا من اهتمام آدم.

وفي مكان آخر...

كانت سارة ماسكة موبايلها، وبتقول لنفسها:

"واضح إن لازم أتصرف بسرعة... قبل ما كل حاجة تخرج من إيدي."

في صباح اليوم التالي...

كانت ميرال نازلة السلم بسرعة وهي ماسكة كتابها.

فاطمة: "براحة يا بنتي... هتقعي."

ضحكت ميرال.

ميرال: "متأخرة يا ماما."

مد أحمد إيده وناولها سندويتش.

أحمد: "خديه في الطريق."

ابتسمت وقبلت رأسه.

ميرال: "ربنا يخليك ليا."

أما عمر فكان مستنيها في العربية.

عمر: "لو اتأخرنا دقيقة كمان، هنرجع البيت."

ركبت وهي بتضحك.

ميرال: "خلاص يا عم الحج... امشي."

---

في الجامعة...

كان اليوم هادئًا، والمحاضرات خلصت بدري.

خرجت ميرال مع ليان، وفجأة سمعت صوت حد بيناديها.

"ميرال."

لفت...

كان آدم.

قرب منهم وقال:

"ممكن دقيقة؟"

بصت ليان لميرال وقالت بابتسامة:

"هستناكي هناك."

ومشيت.

وقفت ميرال قدام آدم وهي متوترة.

آدم: "كنت عايز أبلغك إن المشروع اتقبل كامل."

ابتسمت براحة.

ميرال: "الحمد لله... شكرًا."

سكت لحظة، ثم قال:

"وكمان... أنا آسف إني شكيت فيكي."

اتسعت عيناها.

ميرال: "حضرتك مش غلطان... أي حد مكانك كان هيعمل كده."

ابتسم آدم لأول مرة ابتسامة واضحة.

"شكرًا لتفهمك."

في نفس اللحظة...

كانت لارا داخلة الكلية علشان تقابل آدم.

وشافته واقف بيبتسم لميرال.

وقفت مكانها، واتغيرت ملامحها.

همست لنفسها:

"هو عمره ما ابتسملي بالشكل ده..."

ومن بعيد...

كانت سارة شايفة المشهد كله.

ابتسمت بخبث، ومشت ناحية لارا.

سارة: "واضح إن الدكتور آدم بقى مشغول بطالبة جديدة."

بصتلها لارا باستغراب.

لارا: "تقصدي مين؟"

أشارت ناحية ميرال.

سارة: "البنت دي... بقت معاه في كل مكان."

سكتت لارا، لكن الغيرة بدأت تدخل قلبها.

---

مساءً... في بيت آدم

كان الجميع مجتمعين على العشاء.

قالت نادية وهي بتبتسم:

"لارا قالت إنها شافتك في الجامعة النهارده."

رفع آدم رأسه.

"أيوه، كانت جاية تزورنا."

ابتسمت ملك بخبث.

"بس هي قالت كمان إنك كنت واقف مع طالبة."

نظر لها آدم وقال:

"كانت بتسأل عن المشروع، وخلص الكلام."

ضحك كريم وقال:

"ملك سيبي أخوكي في حاله."

أما سليم، فكان ساكتًا، لكنه لاحظ لأول مرة إن آدم بقى يبتسم وهو بيتكلم عن الجامعة... وده مكانش بيحصل قبل كده.

---

وفي مكان آخر...

كانت سارة بتقفل موبايلها بعد مكالمة.

ابتسمت وقالت:

"دلوقتي... هتبدأ أكبر مشكلة بينهم."

---

يا ترى إيه الخطة الجديدة لسارة؟ وهل لارا هتصدق كلامها؟ 🤍

يتبع...