الفصل السادس

الفصل السابع

كانت تجلس بجوار اطفالها ولكنها شاردة فيما حدث فهي لاتنكر خوفها الشديد من اخ زوجها سعيد حتي في حياة زوجها فهو كان دوما يسبب لها المشاكل مع زوجها ومع الجميع فلم تدري لما يكرهها هكذا فهي لم تسئ له يوما ما ورغم كل هذا لاتستطيع ان تخرب بيت اخري وتأخذ منها زوجها لأي سبب فهي ليست هكذا ولن تكون ابدا وفوق كل هذا هي خائفة على بناتها فهي لاتستطيع ان تجلب لهم زوج أم وعند هذه الفكرة لم تحتمل حتي انها لم تستمع لرنين هاتفها الذي رن لأكثر من خمس مرات ولكنها انتبهت له فوجدت رقم صديقتها ورقم اخر لاتعرفه

نجلاء:الو السلام عليكم

ايمي خير يا أخرة صبري عملتي مصيبة ايه المرادي مع فطوم

إيمان: بضحكة محبة لتلك الرفيقة

والله ما عملت حاجة دة انا كنت هقولك إني جالي عريس لتتغير نبرة صوتها وهي تقول

وماما موافقة

نجلاء:وانتِ ايه اللي مخوفك يا حبيبتي

إيمان: يا نجلاء انا مش هقدر اتجوز واسيب ماما لوحدها انتي عارفة انها تعبانة وغير كدة كمان هي ملهاش حد غيري بعد موت بابا الله يرحمه وانا مش عارفة العريس ده نظامه ايه

نجلاء:طيب اهدي بس وبعدين انتِ خايفة من ايه هو لسة حاجة حصلت يعني ممكن ميحصلش نصيب انتِ سيبيها على الله وبعدين صلي استخارة الأول وبعدين ابقي قرري

إيمان: حاضر لتصمت وهي تقول اتفضلي يا ماما

فاطمة: انتِ بتكلمي نجلاء

إيمان: أيوة يا ماما عاوزاها

فاطمة: أيوة اديهالي

الو ازيك يا نجلاء يا حبيبتي عاملة ايه

نجلاء:فطوووم حبيبتي وحشتيني موت موت موت

فاطمة: ههههههه انتِ كمان وحشتيني اوي

بصي بقي انتِ هتجيبي حبايب قلبي الحلوين معاكي وتيجي يوم الخميس عشان اختك جايلها عريس

نجلاء: عريس انتي هتتجوزي تاني ولا ايه يفطوم فاطمة: هااااه اه يقليلة الأدب

نجلاء: هههه متزعليش خلاص ده انا هقعد لهم محرم بس اصبري عليا

فاطمة: ماشي يلماضة،

المهم باباكي فين

نجلاء: قاعد مع الجو بتاعه برة جبتلهم شجرة واتنين ليمون وخلعت مهو الواحد لازم يحس برده

فاطمة: جو وشجرة اخص عليكي بت يا نجلاء انتِ

بتجيبي الكلام ده منين

نجلاء: من إيمان

فاطمة: هااااه ايمان هي بتقول الكلام ده لتنظر لابنتها فتحول بصرها سريعا

إيمان: الله يخربيتك هتوديني في داهية

فاطمة:المهم اديني بابا عاوزة اكلمه هو وماما

نجلاء:حاضر

بابا طنط فاطمة عاوزاك وعاوزة تكلم ماما

اتفضل

الأب فتحي:ايوة يا حاجة اتفضلي

فاطمة:

ازيك يأستاذ فتحي

الأب فتحي:الحمد لله خير في حاجة

فاطمة: لا أبدا انا كنت عاوزة من حضرتك بس تيجي يوم الخميس أصل جاي لإيمان عريس وحضرتك عارف ان احنا ملناش حد ولازم..

الأب فتحي:من غير متكملي يحاجة إيمان انا بعتبرها زي نجلاء وحياة ولو مكنتيش كلمتيني كنت زعلت وبعدين هو لازم يعرف ان لكم راجل والاتفاق يكون مع راجل عشان لقدر الله لو حصل حاجة يعرف ان فيه اللي هيقف له بنتنا مش قليلة

فاطمة: والدموع تملأ عينيها شكرا يأستاذ فتحي مش عارفة اقولك ايه

الأب فتحي:متقوليش حاجة ان شاء الله يوم الخميس من الصبح هنكون عندك

معاكي نجلاء اهي

الأم:ازيك يافاطمة ألف مبروك يحبيبتي ربنا يكمل لها علي خير

فاطمة: الله يخليكي يا حبيبتي عقبال متفرحي بحياة وياسين ان شاء الله هستناكي يوم الخميس من بدري

الأم:في حياتك،ان شاء الله هجيلك متقلقيش

فاطمة: كتر خيرك خلاص هستناكو ان شاءالله

مع السلامة

لتعطي الهاتف لابنتها وتلاحظ شرودها

مالك يا نجلاء سرحانة ليه

نجلاء: مفيش يا ماما بس تفتكري بعد اللي حصل النهاردة خلاص هيصرفو نظر عن الموضوع ده ولا ايه

الأم:والله المفروض يخلو عندهم دم بقي وبعدين انا مستغربة سعيد ده مكنش بيطيقك وكل مشاكلك كان هو السبب فيها دلوقتي مصر على جوازه منك

الأب فتحي:بعد تفكيره قليلا

ده اللي كان ظاهر بس الغرض كان حاجة تانية خالص

لتنظر له زوجته لوهلة وهي تفهم مايلمح زوجها

فإذا لم تفهم شريك عمرها من عساه يفهم

نجلاء: قصدك إيه يا بابا

الأب فتحي:ولا حاجة يا بنت ابوكي

ليرن هاتفها مرة أخرى بهذا الرقم الغريب

لتستغرب

الأب فتحي:بشك مين يا نجلاء

نجلاء: مش عارفة رقم غريب بس رن كتير

الأب فتحي:طيب هاتيه كدة

ليأخذه وهو يرد ألو مين معايا

فلا يجد رد لتزداد شكوكه اكثر ولكنها لازالت مجرد شكوك

نجلاء: مين يا بابا

الأب فتحي:محدش بيرد

بس مترديش على ارقام غريبة خالص ويريت تعمليله حظر

نجلاء: انا اصلا مبردش على ارقام غريبة بس حاضر تصبحو علي خير

الأم:ايه يا فتحي مين اللي بيرن

الأب فتحي:الظاهر كدة مش هيجيبها لبر

***********************************

بينما عند هذه السيدة التي جبر بخاطرها ولم يردها خائبة كانت دموعها تسيل حتي أن ابنتها لم تعلم لما تبكي والدتها إيمان: مالك يا ماما ،هو عمو فتحي مش هييجي .

فاطمة: لا يا حبيبتي جاي، وقال لازم يعرف ان بنتنا غالية وان ليها ظهر ، تعرفي يإيمان الأستاذ فتحي علي في نظري قوي، ده لمن لحمنا ولا من دمنا وخايف عليكي زي بناته، عمك اللي احنا عرض اخوه مهمهوش ورمانا في الشارع.

إيمان: خلاص يا ماما انسي بقي، وخلينا في عريس الغفلة اللي جاي بكرة

************************************

في فيلا الجرحاوي كان يجلس محمود الجرحاوي مع شخص ما في مكتبه ويخططون لشئ ما

محمود: بقولك ايه يا نادر الشحنة الجاية انا اللي هستلمها بنفسي كفاية الشحنة اللي فاتت خسرنا فيها ملايين

نادر: انهي شحنة اللي حضرتك عاوز تستلمها ،شحنة السلاح ولا المخدرات

محمود: لا السلاح، الجماعة اللي بيوردو لنا زعلانين من العملية اللي فاتت، بس انا متأكد ان فيه خاين بينا، ومش هرتاح الا لما اعرفه، ولو عرفته هيتمني لو امه مولدتهوش.

نادر: متقلقش يا باشا انا كمان هطلع معاك، ومش هسيبك لوحدك، ده انا افديك بروحي.

محمود: تعيش يا نادر، انا عارف عشان كده انت دراعي اليمين ،روح انت دلوقتي وجهز كل حاجة زي مقولت لك

نادر: تحت أمرك يباشا

لتدخل هي مكتبه وهي تقول

نيهال: انت صحيح ناوي تطلع العملية الجاية دي

ليرد عليها ببرود

محمود: ايوة ومتدخليش ده شغلي وانا حر فيه

لتميل عليه بدلال زايد وهي تحاوط عنقه بيديها

نيهال: كدة بردو يمودي انا بحبك وخايفة عليك ولو حصلك حاجة انا مش هستحمل

محمود: متخافيش بس لازم انا انزل المرادي

وخلاص قفلي على الموضوع ده

وبعدين انتي هتفضلي تتكلمي كده كتير يلا بينا عشان انا مش فاضي

نيهال: هههههه ليه رواك ايه

محمود: وهو يحملها ورايا ايه، ورايا شغل.

لينغمسو معا في ملذات ومحرمات كتبوها بأيديهم على حساب منزل هدم، وطفلة تركت تصارع الحياة دونما أم لاتستحق لقب أم أبدا.

************************************