الفصل الثامن

في هذا المنزل الذي يضج بشتى أنواع الخيانة، ولذة المحرمات، يضع الهاتف علي أذنه والغضب يكاد يفتك به، اضيقت عيناه بوميض الغضب المشوب بالانتقام، والشرار يكاد يتطاير من عينيه كاللهيب

عند الجرحاوي كان يتحدث في الهاتف بعصبية وهو يقول: ازاي البوليس عرف بميعاد العملية دي ده انا هربت بالعافية والله العظيم لو عرفت اللي سرب المعلومات دي ما انا عاتقه

.......:انت اللي غلطان يا محمود عرفتإان فيه خاين عندك تدور عليه وتجيبه مش تعمل عملية زي دي وكمان تطلعها بنفسك انت اتجننت باين عليك وكان لازم حاجة تفوقك

أماء برأسه بتأييد

محمود: اسف يا باشا غلطة مش هتتكرر

......:غلطاتك كترت وانا مش هستحمل كتير

محمود: خلاص يا باشا انا هتصرف سلام

كانت نيهال تستمع إلي الحديث من البداية، تفكر من مصلحته الإيقاع بمحمود، التفكير يكاد يفتك برأسها، فإذا هوى ستسقط هي ورائه في هاوية الانتقام

نيهال: محمود انت شاكك في حد معين ولا ايه

نظر نحوها وهو يتنهد بغضب ويضع يديه على المكتب أمامه

محمود: معرفش دماغي واقفة مش عارف افكر مين ممكن يكون له مصلحة في كدة

رمت كلمات قليلة جعلت الشك يغرس داخل عقله ليصبح وجهه كقطعة الجمر المشعلة

نيهال: تفتكر ممكن يكون أحمد اللي ورا الموضوع ده وبينتقم منك

لينتفض من مجلسه وهو لا يكاد يرى من شدة الغضب، تترسخ داخل عقله أنه هو من أوشى به، فمن غيره له فائدة في إلحاق الضرر به

محمود: اكيد هو محدش يعملها غيره بس وديني منا سايبه

ليخرج سريعا وهو لايكاد يري من الغضب

**********************************

في الشركة وبعد وصول الجميع كانت نجلاء وإيمان يعملون لإنهاء الملفات التي يعملون عليها لتسليمها سريعا، تريدان اللحاق بموعد الخطبة، وبعد مدة ينتهون منها

نجلاء: إيمان هتروحي توديهم للمدير

ولكنها لاترد لتلاحظ أنها سرحت في واد آخر

مالك يا إيمان سرحانة في ايه

تنهدت بثقل يكاد يودي بها نحو الهاوية وهي تجيب

إيمان: مفيش

تحركت نحوها بحب وهي تضمها من كتفيها تطمئنها وتبث الطمأنينة في قلبها

نجلاء: يا بنتي متخفيش والله لو كان وحش لطفشهولك فكي بقي

نظرت نحوها وهي تمسك بيديها التي تضمها بنظرة عينين مغرورقة بالدموع ولمحة من الخوف

إيمان: خايفة يا نجلاء مش هقدر اسيب ماما لوحدها وهي مقتنعة وموافقة كمان انا مشوفتهاش مقتنعة بحد بالطريقة دي قبل كدة

طمأنتها بنبرة حنونة متعقلة

نجلاء: خلاص متقلقيش وبعدين انتِ مش صليتي استخارة

أماءت برأسها

إيمان: ايوة والمشكلة إني مرتاحة

تركتها وهي تقف قبالتها تنظر لها بمرح واستنكار

نجلاء: مشكلة نعم يعين خلتك ده انتِ ناقص تقولي ودووني علي بيت حبيبي نعيش مع بعض فيه

تشاكسها بمرح

إيمان: والله العظيم اقوملك

اقتربت منها بمرح وابتسامة وهي تأخد الأوراق من على المنضدة

نجلاء: خلاص متزعليش وبعدين متخافيش ده انتي ولي أمرك الاستاذ فتحي عارفة يعني ايه يعني رئيس جمهورية الغلابة اللي زينا

المهم خليكِ انتِ وأنا هوديه فكري في العريس المجهول

ألقت في وجهها قلما أمامها لتغادر مسرعة والضحكة على شفتيعا

إيمان: يلا يدزمة

بينما في هذه اللحظة كان يتجه محمود الجرحاوي للداخل والغضب يتطاير من عينيه، فيصل لمكتب السكرتارية ويتحدث بغضب عارم

محمود: فين أحمد الاسواني

ندي بخوف وهي تكاد تفر من أمامه : محمود بيه ثواني اديله خبر

أزاحها من أمامه بيده وهو يتجه للغرفة يفتحها بكل غضب داخله

محمود:انتي لسة هتستأذني اوعي من وشي

ليقتحم المكتب سريعا بينما أحمد وحسام يعملون معا على الصفقة الأخيرة يفاجئو بباب المكتب يفتح بحدة والسكرتيرة تحاول ايقافه

ندي: أحمد بيه والله حاولت امنعه

ليشير اليها بيده لتخرج

محمود: والله لندمك يابن الأسواني

نهض من مجلسه وهو يجيبه بغضب

حسام: انت جاي تهددنا

احمد ببرود: تندمني علي ايه هو انا جيت جمبك

محمود: بعصبية انت هتستهبل انا متاكد انك السبب في اللي حصل امبارح

حسام: انت مجنون باين عليك حصل ايه وامبارح ايه انت اي حاجة عاوز تلزقها لنا وخلاص

نهض من مقعده بهدوء وهو يقف أمامه واضعا يديه في جيب بنطاله والثقة تشع من عينيه

أحمد: انا لما بعمل حاجة بعملها في النور ومبخافش من حد وبعدين انا لما بعمل حاجة بخليك تشوف بعنيك اصل الخاين هو اللي بيداري انما صاحب الحق دايما صوته عالي وامشي من هنا بدل ماخلي الأمن يرموك برة وابقي هدد علي قدك

تراجع للخلف وهو يتوعد محمود: ماشي بس خاف مني يابن الأسواني

سلام

ليخرج من المكتب بنفس وتيرة الغضب التي دخل بها، فيصطدم بشخص ما، لتصدر منها اه خافتة

نجلاء: اااه مش تحاسب يا أعمي إيه قطر ماشي

لتنخفض تلملم الملفات التي سقطت منها بينما هو مازال يتأملها ولم يحد بعينه عنها فكانت ترتدي فستان من اللون النبيذي يلائم بشرتها وبه بعض الورود البيضاء وحجاب من نفس اللون

لتتنتهي وتنهض لتغادر فيجذبها من زراعها فترفع يدها لتهوي على وجهه وفي هذا الوقت يخرج أحمد وحسام من المكتب ليرو ما يحدث فيجدو نجلاء ويدها تهوي على وجه محمود وتوبخه ليسرع أحمد فهو قد علم بما قد يفعله هذا الحقير

نجلاء :اوعي تتجرأ وتلمسني تاني انت فاهم

ليرفع يده ويكاد يرد لها ضربتها ليجد يد من فولاذ تمسك بيده وينظر له نظرة تكاد تحرقه

بينما الاخري قد اتسعت عينيها فلم تستوعب مايحدث

احمد بنبرة مخيفة: إيدك لو اتمدت عليها هقطعهالك واتفضل برررررة

حسام: وهو يحاول تهدأة صديقه اهدي ياحمد خلاص

لينظر لهم بتوعد وهو يغادر لينظر تجاه نجلاء بنظرة لم تعرف ماهيتها اهي كره ام ماذا

محمود: سلام ياااقطة

لتنتفض وتخاف منه كثيرا فيكفيها مابها

أحمد: مدام نجلاء انتي كنتي جاية عاوزة ايه

لتنظر تجاهه بنظرة يكاد يجزم انها خائفة ليشعر بشعور غريب يحسه للمرة الأولي

حسام: انتي كنتي جايبة الملفات دي

نجلاء: هااه اايوة اتفضل حضرتك

لتعطيه الملفات وقبل ان تغادر

أحمد بيه ممكن نستأذن انا وإيمان بدري شوية

ليبتسم حسام سريعا

اما أحمد فيريد ان يضايق صديقه ليسألها بابتسامة خافتة

ليه في حاجة مهمة

نجلاء: بنبرة سريعة عشان عريس الغافلة

لتضع يدها علي فمها

بينما حسام قد برقت عينيه على اخرهما

اما احمد فقد دخل في نوبة ضحك لم يستطع منعها

أحمد: ههههههههه عريس الغافلة هههههههه

خلاص ماشي اتفضلوا تقدروا تمشو مفيش مشكلة

لينظر لحسام فيجده سينفجر من الغيظ وأذنيه احمرتا من الإحراج

حسام: عجبتك اوي

نظر نحوه وهو لازال علي وتيرة الضحك التي أصابته

احمد: بصراحة جدا يا حسام مش متخيل انت لما عريس يتهزق منزقبل ما يروح يخطب

ليحيبه بضحكة خبيثة

حسام: هي حلوة معاك حق

لينظر نحوه سريعا وهو يضيق عينيه بتسائل

احمد: قصدك ايه مش فاهم

ليتركه ويغادر بحمل في يده الأوراق وتتراقص على شفتيه تلك الضحكة الخبيثة وكأنه يرمي لشيء قريب

حسام: ولا حاجة هههه

*******************************